• الرئيسية
  • مقالات الأعضاء
  • بخصوص موضوع الكروت الذكية للبنزين ودعم البنزين والكلام الدائر عن تطبيقه من اول ابريل القادم – من مقالات الاعضاء

بخصوص موضوع الكروت الذكية للبنزين ودعم البنزين والكلام الدائر عن تطبيقه من اول ابريل القادم – من مقالات الاعضاء

بخصوص موضوع الكروت الذكية للبنزين ودعم البنزين والكلام الدائر عن تطبيقه من اول ابريل القادم – من مقالات الاعضاء

 

كتب مهندس احمد زكريا على صفحة نايل موتورز على الفيس بوك بخصوص دعم الوقود ومشروع البطاقات دعم الوقود

 

بخصوص موضوع الكروت الذكية للبنزين ودعم البنزين والكلام الدائر عن تطبيقه من اول ابريل القادم

وان سيكون بواقع 5 لتر في اليوم / الدعم مقدم للسيارات اقل من 1601cc / ولجميع السيارات قبل عام 1995 مهما كانت سعتها الليترية

نيجي نتكلم مع بعض بالعقل شوية

اولا: رفع الدعم او ترشيد الدعم هو مطلب وواجب وطني ولازم يتنفذ فعلا … لان لو دورنا حوالينا هانلاقي اننا ارخص سعر بنزين وسولار في الدول المحيطة عشان كدة بيتهرب وبيتباع سوق سوداء

ثانيا: رفع الدعم هايكون جزئي وليس كلي (يعني لتر البنزين 92 السعره في مصر 1.85 جنيه سعره الحر في ايطاليا مثلا 1.7 يورو ) ومتوقع ان سعره بعد رفع الدعم الجزئي يكون من 2.5 الى 3 جنيه

ثالثا: بالنسبة لـ 5 لتر في اليوم – فده بصراحة رقم قليل جدا لانه واضح انهم واخدينه على متوسط الاستهلاك على مستوى الجمهورية لذلك اقترح ان يكون طبقا وسكن صاحب السيارة ( يعني سكان القاهرة والجيزة والقليوبية غير سكان محافظة زي المنيا مثلا) ويكون نصيب السيارة طبقا للمرور التابعه ليه ونلغي قصة التوكيلات ديه وكل واحد يسجل في المرور بتاعه

رابعا: نيجي لمضوع تحديد الـ CC وهو شرط مجحف بصراحة وللاسباب التالية:

1- الراكب عربية اكبر من 1600 cc هو كده كده بيدفع استهلاك بنزين اعلى من غيره وهو متحمل ذلك بمذاجه فما ينفعش ترفع عنه الدعم نهائي كمان

2- في سيارات من بعد 1995 بسعات اكبر من 1600cc زي الاوبل فيكترا والبيجو بريستيج والبيجو 406 ده غير الاسبرانزا الصيني والشيروكي التسعينات (كلها قيمتها السوقية من 40 الف الى 70 الف جنيه) وقيمتها نازلة اساسا في السوق بسبب الضريبة واستهلاك البنزين وبعد رفع الدعم سعرها هاينزل للارض يعني خسائر متلاحقة

3- اصحاب السيارات اعلى من 1600 ديه غالبا وبنسبة كبيرة ليسوا اول يد لان سعر السيارات ديه وقت نزولها زيرو كانت عالية جدا (200 الف للبيجو 406 على سبيل المثال) وسعر البيع مستعمل من 65 الى 75 الف حسب الموديل وملاكها الحاليين من الطبقة المتوسطة وليسوا اصحاب رفاهية ولا يحزنون

لذلك اقترح :

1- ان تكون كمية البنزين المدعوم طبقا ومحال اقامة صاحب السيارة او المرور التابع له السيارة لتحقيق عدالة في الاستهلاك

2- تحديد الكمية لا ترتبط بسعة لترات المحرك لان سعه اللترات تحقق العدالة في الاستهلاك من نفسها مش محتاجة زيادة كمان

3- افضل الغاء بنزين 90 والابقاء على البنزين 80 و90 لسهولة التطبيق والتداول وتخصيص محطات باكملها للسولار بعيدا عن البنزين وتكون مجهزة لاستقبال النقل والمقطورات

4- اجبار التاكسي على التحويل للعمل بالغاز حتى لا يتعللوا برفع اسعار النقل باسعار البنزين والسولار

********************************

يا ريت الموافق على رأيي واقتراحاتي او له اضافة او الغاء يشاركني

ويا ريت حد يوصل لطريقة لرفع المطالب ديه لوزير البترول / التموين/ رئيس الوزراء / رئيس الجمهورية

ونحاول نشتغل عليها قبل بداية التطبيق

وشكرا

مهندس/ أحمد زكريا

facebooktwitterfacebooktwitter feather

4 تعليق

  • mohammed منذ 3 سنوات

    اعتقد انة سيتم توزيع الكوبونات فى مقرات الحرية والعدالة
    تسمع الكلام وتنتخبنى حاديك بون

  • wael منذ 3 سنوات

    يا جماعة هم الاخوان بيفكروا بسرعة في ازاي يدايقوا المواطن اكتر ما بيفكروا ازاي يلحقوا الهبوط السريع للاقتصاد بسبب غبائهم في الاداره , الموضوع بسيط جدا و الله , يعني 5 لتر في اليوم مش بس مش كفايه دي قلة ادب , و خصوصا انهم كمان عايزين يعملوا حد اقصى 3 ارغفة خبز لكل مواطن و بعد كدة يبقى بالسعر الحر , و قريبا ان شاء الله المياة , كل مواطن ربع كوباية مية يف اليوم و بعد كدة يعملوا قيود على تنفس الهواء بتاع ربنا و كل مواطن يتنفس 1000 مرة في اليوم و اكتر من كدة بالسسعر الحر , انتظرونا قريبا في المجاعة و كله في عهد مرسي , اهم حاجة الخرفان ينبسطوا و يكبروا و يسجدوا من عظمة مرسي و ابداعاته

  • محمد عمر منذ 3 سنوات

    ارحمــــــــــــــــــــــونــــــــــــــــا يرحمكم الله ارحمونا من الافتكاس يرحمكم الله ارحمونا من الفزلكة يرحمكم الله ارحمونا من ان نأكل بعض , الناس بتكمل بقية اكلها نوم وبقية مواصلاتها مشى والله والله بمشى اكتر ما بركب لحد ما ركبى تسيب من بعض والجذمة تتنحل وبسرق عربية الشغل احيانا لما يكون عندى مشوار كبير ومعايا مراتى والعيال علشان ما يتبهدلوش فى المراصلات اسرقها واحطلها شوية ينزين وارجعها فى الخباسة ارحمونا يرحمكم الله

  • عادل منذ 3 سنوات

    لابد من من تطبيق مبدا العدالة الإجتماعية ولكن لابد من توافر قاعدة بيانات جادة وملزمة وبخصوص السيارات القديمة لابد من التخلص منها لأنها تعيق الطرق أو تحول إلى غاز طبيعى وخاصة الأكثر من 1600

اترك تعليق