التخطي هو انك تعدي العربيه الي قدامك
هو اساسا المفروض ان التخطي من الشمال بس يعني لما تعدي تكون علي شمال العربيه التانيه و الغلط الكبير الي بنعمله في مصر انك تتخطي من يمين السياره الي قدامك ليييه بقي اقولك انا
المفروض ان الطرق مقسم الي حارات و كل حاره ليها سرعه قصوي
السرعات بتبقي تصاعدي من اليمين للشمال اول حاره يمين بتبقي ابطئ حاره و اخر حاره في الشمال بتبقي اعلي سرعه
اديك مثال علي خطوره التخطي من اليمين
لو انت قدامك عربيه و عاوز تعديها فمنطقي جدا ان سرعتك اكبر من سرعته فلو عديت يمين المنطقي برضوا ان يكون في عربيات في اليمين و المفروض سرعتهم اقل من سرعتك و سرعه العربيه الي بتتخطاها فهيحصل تصادم لاقدر الله
اكبر مثال لو عربيه عطلانه وراكنه في اقصي اليمين و واحد عسول حبوب مسربع بيجري علي اليمين هيخبط فيها و للاسف دا بيحصل كتيييير
في اوروبا و الدول المتقدمه التخطي من اليمين يستوجب الغرامه و كان في زميل في المنتدي دفع غرامه تخطي من اليمين في السعوديه
المفضلات