بوليش العربية بالصاروخ !

**tompina** · 14-10-2009 08:05 AM

السلام عليكم ..
كان الأخ أبو عبد الله قد قدم ـ مشكوراً ـ موضوعه المتميز عن بوليش العربية بجهاز black & decker
وهذه وصلة لموضوعه :
http://www.nilemotors.net/Nile/98430-black-decker.html
ولاحظت الآتي :
ارتفاع ثمن الجهاز نسبيا على بعض فئات الملاك .. ثانيا : صعوبة توفر الجهاز ـ أحياناً .
لذا فكرت في العثور على بديل متوفرورخيص وعملي ، ووجدته :
الصاروخ الصيني .. نعم !
أيوة يا جماعه ماتستغربوش هو بيشتغل برضه وممكن تعمل بيه حاجات ممتازة لو أحسنت استعماله وما أرقهتوش .. وآدي صورة الأدوات اللي اشتغلت بيها (وأرجو من المشرفين عدم اعتبار موضوعي مكررا )

وكمان دي :

وأنا عارف يا اخواننا إنه سبق طرح موضوع عمل بوليش للعربية لكنه كان يدوي .. والجديد هنا إنك ممكن تعمل دا كله لكن بالصاروخ لو مالقيتش الجهاز التاني ولعلمكم هايكون كفء برضه .
نيجي بقى للتكاليف :
الصاروخ بـ حوالي 45 جنيه ، وموجود عند أي حد بتاع حدايد وبويات .
القطعة الإسفنجية بـ 23 جنيه ، وبرضه متوفرة جدا واسمها : سفنجة تلميع موبيليا .
الكومباوند + البوليش بـ 9 جنيه
كيس قطن بـ جنيه ونصف

وبالمناسبة في كمان قطع صوف واسفنج بدرجات خشونة متفاوتة ، والصوف على ما أذكر بـ 8 جنيه .

وطبعا الباقي انتوا عارفينه من الموضوع المتميز الأستاذ نادر نبيل ، ودي وصلة موضوعه :
http://www.nilemotors.net/Nile/23055-a.html

وأكرر : أنا باضيف فكرة جديدة مدمجة من فكرتي أبو عبد الله ونادر نبيل ـ بعد إذنهم طبعاً ـ علشان تعم الفائدة .

ياللا وإنتوا وشطارتكوا .. ممكن تحطوا ملمع بس (ورنيش يعني ) .. وممكن بوليش .. حسب الحاجة .
وخدوا بالكوا .. دا صاروخ صيني على قده يعني وغلبان يعني ماتدوسوش فيه وتعاملوه على إنه الديب السحلاوي ....... سلام !

**أبو_يوسف** · 14-10-2009 08:20 AM

مشكور جدا على الفكرة الجميلة والموفرة...
على كدا ينفع الشنيور برضه؟؟:)

**zarkoor** · 14-10-2009 09:29 AM

طريقه جميلة بس هام جدا مراعة الاتى

جميع السيارات الحديثة يتم دهانها بطبقتين ... واحده ملونة وواحده شفافة

يجب تحريك الصاروخ بطريقه دائرية لان الصاروخ سرعته عاليه حتى لا يتم كشط ال (clear coat) وهو طبقة الدهان الشفاف النهائى التى تحمى طبقة الدهان الملونه

لو الطبقة الشفافة اتكشطت حتكشف طبقه اللون وحتلاقيها بتجير و تطفى من الشمس .. ولايجب استعمال السفنجه وهى جافة بدون وضع طبقه شمع تلميع (wax) على السفنجه وليس كومبوند (لان الكومباوند بيشيل ال clear coat مع كثرة الاستخدام بعكس ال wax)

**tompina** · 14-10-2009 09:05 PM

المشاركة الأصلية كتبت بواسطة timtim

مشكور جدا على الفكرة الجميلة والموفرة...
على كدا ينفع الشنيور برضه؟؟:)

أعتقد الشنيور التحكم فيه بالزاوية القائمة وعلى كل مساحة صاج العربية صعب جداً ومرهق .. دا غير مش هاتلاقي سفنجة تركب على الشنيور طبعا .. وكده إنت زي اللي عاوز تقلب الشوربة بالشاكوش ..
هههههههههههه !

**tompina** · 14-10-2009 09:09 PM

المشاركة الأصلية كتبت بواسطة zarkoor

طريقه جميلة بس هام جدا مراعة الاتى

جميع السيارات الحديثة يتم دهانها بطبقتين ... واحده ملونة وواحده شفافة

يجب تحريك الصاروخ بطريقه دائرية لان الصاروخ سرعته عاليه حتى لا يتم كشط ال (clear coat) وهو طبقة الدهان الشفاف النهائى التى تحمى طبقة الدهان الملونه

لو الطبقة الشفافة اتكشطت حتكشف طبقه اللون وحتلاقيها بتجير و تطفى من الشمس .. ولايجب استعمال السفنجه وهى جافة بدون وضع طبقه شمع تلميع (wax) على السفنجه وليس كومبوند (لان الكومباوند بيشيل ال clear coat مع كثرة الاستخدام بعكس ال wax)

طبعا يا أخ zarkoor ـ هي الحكاية لعبة ؟ ـ الكومباوند هايستخدم يدوي وعلى الخدوش فقط .. والصاروخ هايكون للبوليش والشمع بس .. وكمان البوليش بيه يكون على خفيف وبنعومة ..
وبالمناسبة .. أنا مش لاقي شمع في المنيا خالص !
هو مالوش اسم تاني وللا هو مش متوفر أساسا ؟

**tompina** · 14-10-2009 09:17 PM

المشاركة الأصلية كتبت بواسطة zarkoor

طريقه جميلة بس هام جدا مراعة الاتى

جميع السيارات الحديثة يتم دهانها بطبقتين ... واحده ملونة وواحده شفافة

يجب تحريك الصاروخ بطريقه دائرية لان الصاروخ سرعته عاليه حتى لا يتم كشط ال (clear coat) وهو طبقة الدهان الشفاف النهائى التى تحمى طبقة الدهان الملونه

لو الطبقة الشفافة اتكشطت حتكشف طبقه اللون وحتلاقيها بتجير و تطفى من الشمس .. ولايجب استعمال السفنجه وهى جافة بدون وضع طبقه شمع تلميع (wax) على السفنجه وليس كومبوند (لان الكومباوند بيشيل ال clear coat مع كثرة الاستخدام بعكس ال wax)

طبعا يا أخ zarkoor ـ هي الحكاية لعبة ؟ ـ الكومباوند هايستخدم يدوي وعلى الخدوش فقط .. والصاروخ هايكون للبوليش والشمع بس .. وكمان البوليش بيه يكون على خفيف وبنعومة ..
وبالمناسبة .. أنا مش لاقي شمع في المنيا خالص !
هو مالوش اسم تاني وللا هو مش متوفر أساسا ؟

**hossam_elwani** · 14-10-2009 10:01 PM

انا ليه ملاحظة عن تجربة الموضوع مش اى حاجة تلف وخلاص لا الصاروخ سرعة دورانه اعلى من سرعة دوران ماكينة التلميع وده بيقشر طبقة الدهان نتيجة ارتفاع درجة الحرارة من الاحتكاك السريع عن تجربة انا عملت كده وقشرت حته من الرفرف