Logan or Aveo................help me

**aelhossan** · 21-01-2010 04:11 PM

لوجاااااااااااااااااااااا اااااااااااااااان
ومبروك مقدما

**Dr_Essam** · 21-01-2010 05:54 PM

أنا شايف أن الأفيو مظلومة أوى فى المنتدى ده..
أنا أعرف 2 من أقربائى و 4 من أصدقائى المقربين و كلهم عندهم أفيو موديل 2009 و منهم اللى عنده المصرى و منهم اللى عنده الكورى و بصراحة ماحدش أشتكى من اى مشكلة ماعا واحد بس كان الريداتير فيه مشكلة و التوكيل غيره على طول...
و أنا بنفسى سقت عربية بتاعة واحد صحبى و جربتها لمسافة كبيرة و لقيتها بسم الله ماشاء الله ثبات و سحب زى الفل و لأ فيه صوت تزييق و لأ عداد بيعلق و لأحاجة من دى خالص
و نصيحتى ليك أنك تجرب العربية بنفسك قبل ما تحكم عليها و لأ تكتفى باللى يقوللك (سمعتها وحشة) و خلأص..
و فى رأيى الشخصى أن اللوجان عربية حلوة لكن بحس أن تقفيلها متواضع و شكلها الخارجى مش أد كده ...
كمان فى حاجة محيرانى فى اللوجان و هى أزاى سعرها 68000 و من غير جمارك ؟
أمال لو بجمارك كانت هتبقى بكام ؟؟ 90000
ماكنش هيتباع منها عربية و احدة
و اسف على الأطالة

**zkralla** · 21-01-2010 11:29 PM

المشاركة الأصلية كتبت بواسطة assoma79

و نصيحتى ليك أنك تجرب العربية بنفسك قبل ما تحكم عليها و لأ تكتفى باللى يقوللك (سمعتها وحشة) و خلأص..

طبعا يستحسن لو فيه امكانية لتجربة العربية وتشوف عفشتها وصوتها وسحبها من حد معرفه او لو فيه تست درايف بس ده ميقدرش يخليك تأخذ قرار بشراء العربية لانى لو جربت عربية وعجبتنى جدا لكن لقيت كتير من ملاكها بيتشتكوا منها رغم أن معظم - مش الكل طبعا - الى بيكون راكب عربية بيكون الى حد كبير متحيز ليها يبقى لازم افكر مليون مره أنى اشتريها لان أكيد الشكاوى ديه ليه اساس
وبعدين حضرتك على ما أتذكر الافيو 83 حصان يعنى مفيش سحب حلو ولا حاجة ده لو قارنتها باللوجان الى هى عربية المفروض أنها مش معموله عشان الجرى الجامد تلاقى فرق 7 حصان ولو قارنتها بالساجا الى هى ماتور 1300 وسعرها اقل من الافيو باكتر من 20000 جنيه تلاقى فرق لصاح الساجا ب 11 حصان
موضوع السحب بيعتمد على مقارنة العربية بعربيتك فحضرتك بتقول سحب الافيو حلو فوضح لنا حلو سحبها حلو بالمقارنة بأيه ؟

أنا فعلا مش ضد الافيو واصلا عمرى ما سوقتها ولا حتى ركبتها خالص بس معظم الكلام الى سمعته من ملاكها فى المنتدى كلام مش مشجع
وطبعا أنا مصدقك أن بعض معارفك بيشكروا فى العربية لان يمكن يكون فيه ناس معاهم العربية ومبيشتكوش زى معارف حضرتك - وفيه واحد صاحبى اشتراها بس هو من مرسى مطروح ولسه ما سافرتش عشان اشوف العربية لكن كلمته فى التليفون وبقوله العربية الجديدة عامله ايه معاك لقيته بيشكر فى العربية - لكن اكيد برضه أن فيه شكاوى كتير من العربية ومن ملاكها يمكن يكون مش كل الى معاهم العربية بيشتكوا بس الاكيد أن مفيش حد عاوز يدفع فلوس وهو وحظه يا صابت وطلعت العربية كويسه يا خابت وخسرت فلوسى