التوكيل و الموزعون المعتمدون و مراكز الصيانة -فيات

**shrofa** · 13-04-2008 03:45 PM

فيه كمان أوماترا فى طريق اسكندرية الصحراوى -المنطقة الصناعية ابو رواش - من مدخل بنزينة الإمارات حوالى 3 كيلو بالظبط...

وفيه بقى أحسن واحد بتعامل معاه فى الفيات هو محمد يوسف ...ليه فرع فى ميدان الدقى جنب حلويات حسونة ....

والفرع التانى فى فيصل جنب التابعى الدمياطى...هتلاقى عنده كل حاجة هناك وناس محترمة جدا جدا

وهحاول اجيب نمر التليفون لو حد عايز يسئل على أسعار

**fars2000** · 09-05-2008 03:13 PM

الله ينور ومشكور على الافادة

**elkhouli** · 06-08-2008 07:05 PM

فيه الموجي ( الحرفيين) جديد كمان ناس محترمين جدا
والكيلاني زي مالشباب قالت بس هو حراق شويتين وعندة جديد وأستيراد

على فكرة النيل الهندسيه هي الوكيل القديم للفيات وحاليا هي أوماترا علشان كدة بيبقو مراكز صيانة معتمدة

تحياتي

**dream_man1110** · 15-10-2008 08:53 AM

[quote=CryptonX;121496]مراكز خدمة معتمدة من التوكيل :

شركة النيل الهندسية - 27 طريق مصر اسكندرية الصحراوي - ابو رواش

امير & جوزيف - شارع ابو داوود الظاهري امام مطعم جندوفلي - مدينة نصر .

قطع غيار :

اوماترا شوب - امام سيتي سنتر في طريق النصر ( محل صغير كدة ) .

الكيلاني - شارع شامبليون

فيات 2000 - شارع رمسيس بالقرب من نقابة المنهدسين .

الخواجة - الحرفيين ( استيراد )

الاسباني - الحرفيين ( جديد )

محمد ساللم - الحرفيين ( جديد )

في كذا واحد في شارع دمشق بس مش متذكر الاسامي معلش .
بالمناسبة كل الي ذكرتهم عندهم قطع غيار الموديلات القديمة و الجديدة
باستثناء الجراند بونتو و البرافو واللينيا حاليا .. موجودين بمحلات و مراكز اوماترا فقط .

طيب ممكن عنوان الخواجه او اقرب مكان ممكن نوصله منه و مين تانى فى الحرفيين كويس فى الاستيراد و عنوان كل المحلات السابقه لو سمحت

**reallistic** · 11-12-2008 06:33 AM

ألف شكر على تلك المعلومات و جزاكم الله خيراً ...

**tamer51177** · 04-04-2009 07:08 PM

هو في مركز صيانة للفيات في طريق المطار عند بنزينة التعاون ، حد سمع عنه ونظامه ايه من حيث السعر ومستوى الخدمة ؟؟

**ainshouka** · 05-04-2009 06:48 AM

طب ومراكز الخدمة دى تعرف تتعامل مع موديلات الفيات القديمه زى 132 والارجنتا و الموديلات دى ولا خلاص مبيتعاملش الا فى الحديث

**CryptonX** · 05-04-2009 11:57 AM

المشاركة الأصلية كتبت بواسطة ainshouka

طب ومراكز الخدمة دى تعرف تتعامل مع موديلات الفيات القديمه زى 132 والارجنتا و الموديلات دى ولا خلاص مبيتعاملش الا فى الحديث

معتقدش لاني اقدم عربية شفتها هناك كانت تمبرا انما مشفتش ريجاتا او اي حاجة قبل كدة .

**fadaky** · 05-04-2009 10:05 PM

السينا دي سيارة فاشلة بكل المقاييس هي فيها موتور غبي فعلا بس مفيهاش فرامل توقف الموتور ده وكمان ثبتها علي الطريق زي الزفت وهي مش ايطالي هي تركي تقفيل مصري كانت بتتقفل في مصنع نيسان في 6 اكتوبر وانا ركبتها وهي زيرو يعني المفروض انها تكون في احسن حالتها ركبت 1400 و1600 cc ومشكلها كتير موت من ردتيرات لكونترولات لطنبير فرامل حاجة مزبلة