الموضوع: تقرير:كــــل مــا تريـــد معرفتـــه عن تسقيط موتور 1.4 علي Corsa B بالصور

السلام عليكم
ده تقرير كامل بالصور عن تسقيط موتور 1.4 على Corsa B
طبعا أنتم عارفين حوار الموتور القديم اللي قفش
عشان كده أنا سقط ال1400
بس بصراحة, هو أريّح كتير من ال1000 اللي كان فيها
ودي صور الموتور القديم







طبعا أنا كنت مجبر عالحوار ده, بس جت بمصلحة


دي صورالموتور الجديد :





خليت الميكانيكي هو اللي يجيب الموتور عشان يبقى الضمان عنده لو حصل حاجة
المفروض إن فيه ضمان 5000 كيلو عالموتور لو حصله حاجة يتصلح أو يجيلي غيره
وشهرين على التكييف وال دينامو وال مارش وال حاجات ديه
والموتور ده جاي من اليابان
ثمنه 3300 جنيه شامل الموتور وال Compressor وال ضفيرة وال ردياتر عشان الردياتر لازم يتغير عشان نظامه مختلف عن القديم
الموتور القديم كان كوعه فوق كوعه وال جديد كوعه يمين وكوعه شمال
الموتور جاي من غير فتيس وداخل في ثمنه الموتور القديم
وفي حاجة لاحظتها وأنا هناك, الموتور ده زي موتور ال شفرولية Aveo بالظبط!!! تخيلوا بقى الموتور ده قديم اد إيه ولسة بيركبوه عال Aveo
الناس بيضحك عليها!
ديه صورالموتور وهو متسقط بس من غير ماحاجة تتركب:







الحوار تقريبا خد بتاع أسبوع عشان التركيب وتظبيط الحاجة
هوه ابتدى شغل فل موتور يوم السبت وأنا استلمتها السبت اللي بعده

عشان ال-1400 يركب مش محتاج تعديل فل قواعد ولا حاجة
بس تغير الردياتر وتغير بسيط في الشكمان حتى الفتيس مش لازم يتغير

التكاليف:
اولا, القطع:
3300 جنيه الموتور شامل ال Compressor وال ضفيرة وال ردياتير (بس من غير الفتيس وداخل ف ثمنه الموتور القديم)
.
125 جنيه سيور (كاتينه ودينامو)

80 جنيه فلاتر (هواء وزيت)

75 جنيه بوجيهات

ثانيا, المصنعيات:

700 جنيه تركيب وكهربة

80 جنيه مصنعية بتاع الشكمان

200 جنيه مصنعية بتاع التكييف

المجموع = 4625 جنيه

وكمان غيرت العدادات بتاعتي بطقم فيه RPM
بس لسة ماحسبتوش عليهم

دول القدام



ودول الجداد بعد ماركبوه



بس اللي مزعلني قوي إن العداد القديم كان عامل 51000 كم والجديد عامل 103000 كم

آخر حاجة اللي كله مستنيها, الاداء:
العربية بقت وحش ما شاء الله!!!!!!
أصلا هي كانت بتجري كويس بال 1000, لما ال1400 اتركب بقت مشكلة!
العربية ما شاء الله بقيت بتجمع أسرع كتير ماكنت, سحبها بقى عالي أوي,عزم جامد وبتطلع مطالع بسهولة قوي حتى لو راكب فيها 5!
ممكن تجمع معاك على أي نقلة, حتى الخامس!
زمان كان الخامس ولا ليه أي لازمه.
بس بصراحة أنا لسة مجربتش بيها TOP Speed

آخر حاجة,
أنا ركبت الحوار ده كله عند ورشة اسمها "مركز ابناء حسن السيد"
هناك واحد اسمه الشيخ هيثم, راجل تمام و شغله نضيف
الورشة دي ف اخرالشارع اللي فيه TPS

ودي صور الموتور بعد ماكل حاجة ركبت



url=http://www.postimage.org/image.php?v=Pq1LVFyi][/url]

بس خلاص كده!
يا رب كل حاجة تمشي تمام ومفيش حاجة تبوز تاني ف العربية
يا رب التقرير يعجبكم, مستني أسئلتكم

السلام عليكم
لا ياباشا فى الموتور ال 1400 دة السير بتاعها جلد مش جنزير

أخوكم فى الله هانى