الموضوع: ممكن مقارنه الكيا كارينز vs والنيسان ليفينا

أشكرك لرد

يا ريت رد عملي. يكون فيه المواصفات و المميزات والعيوب. دي بردة شايلة اسم نيسان

اخى الحبيب ... اليك مقارنة بسيطة على قدر حالى بين السيارتين من حيث الامور التى تهم كل مستهلك
اولا : المنشا : كما هو نامى الى علم الجميع ( الكيا . كارينز ) كورى المنشا ... ( النيسان . ليفينا ) يابانية التصميم ، صينية التجميع وطبعا فى مصانع نيسان تحت تطبيق نفس معايير الجودة اليابانية ( مش مصنع تحت السلم يعنى ) دى نيسان كما سيكون الحال مع جميع كبرى مصانع السيارات فى العالم فيما بعد وكما الحال مع تويوتا فى جنوب افريقيا ...
ثانيا : الموتور : ( والتعليق سيكون مختصرا فقط لما يهم المستهلك وليس للمحترفين )
الكارينز : 1600 سى سى 124 حصان
الليفينا : 1600 سى سى 109 حصان
ثالثا : الكماليات .
الكارينز : تكيف ، باور ستيرنج ، زجاج كهرباء ،سنتر لوك بدون ريموت كنترول ، مرايات كهرباء ، راديو سى دى كلاريون ( مش اصلى ، تركيب ) وينقصها ( اير باج ، ايه بى اس ، اي بى دى ، حساسات ركن خلفى ) المقارنة بالنسبة للخليجى والوكيل
الليفينا : تكيف ، باور ستيرنج ، زجاج كهربائى ( امان ضد الغلق ) ، راديو كاسيت ، مرايات كهرباء ، اتوماتيك ، ايه بى اس ، ايه بى دى ، بى دى ، مفتاح ذكى مانع لتشغيل الموتور ، فتح السيارة من خلال لمس الاوكر ، جنوط المونيوم 15 ، حساسات للاضاءة الامامية ( تشغيل اتوماتيكى للاضاءة الامامية )، فوج لايت ، شبكة نيكل ، تشغيل المحرك بدون مفتاح وليس بصمة .
رابعا : الحجم .
الكارينز : خمسة راكب وحدث ولا حرج للاتساع الداخلى لان اصل السيارة 7 راكب وتم الغاء الكنبة الخلفية لتخفيض السعر .
الليفينا : خمسة راكب ، سعة صالون مرضية بالذات المساحة الامامية
خامسا : التصميم الخارجة والداخلة والخامات
الكارينز : التصميم الخارجى وحجم السيارة اخااذ ملفت للنظر تتسم بالرحابة وكبر المقاسات سيارة جميلة المظهر والمضمون ، التصميم الداخلى للسيارة ليس فيه اناقة عالية ولا ابهار مميز ولكنه يتناسق مع رحابة السيارة الا ان الخامات المستخدمة رديئة جدا تكاد تكون من البلاستيك الرخيص مما لا يعطى فخامة لجوهر الصالون ( تركيب الكاسيت فى مصر جعل التابلوه سيئا جدا لوجود فراغات بين الكاسيت والتابلوه وكانها 128 يركب عليها علبة الكاسيت وهو عيبها الوحيد الظاهر ظهور الشمس فى السماء .
الليفينا : الشكل الخارجى جميل جدا يضيف عليه فخامة علامة نيسان الكبيرة بالنيكل وشبكة نيسان الجديدة التى تضفى فخامة غير مسبوقة على مقدمة السيارة كما تتميز بجودة الطلاء وزيادات من الفيبر فى الاكصدام الخلفى والامامى تتناسق مع البيكتات على الابواب والرفارف ... اما التصميم الداخلى فهو يتسم بالعملية دون وجود بعض اللمسات العصرية . عملى اكثر من اللازم دون وجود ابهار فى التصميم ولكن جودة الخامات المستخدمة يجعلك تتغاضى عن اى شئ اخر ففعلا السيارة تتسم بجودة الخامات المستخدمة فى التابلوه والابواب مقارنة بمثيلتها من الكارينز .
سادسا : السعر
الكارينز ( الاسعار الرسمية لها دون النظر الى الاوفر برايس ) المانيوال 99900 والاتوماتيك 112900
الليفينا ك 114900 وموديل 2009 عليه خصم 110000 بعد الخصم ( علما بان سعر نزول الموديل كان 135000 )
سابعا : الاعتمادية : السيارتين فى نفس درجة الاعتمادية ولكن كبر حجم الكارينز يعطى نسبة تحميل وفراغات للتخزين اكبر
ثامنا : سعر اعادة البيع:
الكاربنز افضل وذلك لشدة الطلب عليها
الليفينا اقل طلبا واكثر صعوبة فى البيع ولذك الكارينز تتفوق على الليفينا بشراسة فى هذه النقطة
اخيرا : التقيم النهائى
الكارينز : اكبر حجما ، اقل فى الكماليات ، جودة خامت رديئة ، اكثر استثمارا فى سعر اعادة البيع
الليفينا : نيسان ، كماليان عالية جدا ، جودة خامات عالية ، اقل استثمارا فى سعر اعادة البيع
واراى اخيرا : للمستهلك حسب افضليته للامور وحسب ما يريد من السيارة فلكل مستهلك طلبات ورغبات متغيرة عن الاخر وكل سيارة ستشبع رغبات مستهلك عن الاخر ... رايى الشخصى بالنسبة لمتطلباتى فى السيارة الليفينا ستكون الافضل بالنسبة لى .. كماليات بوفرة وليس فيها نقص شديد من الكماليات كما فى الكارينز ، شكل جديد ، نيسان وجودة نيسان بغض النظر عن موضوع تجميع الصين ده ، سعر اقل بالنسبة للتسليم الفورى فاكارينز تسليم فورى دلوقتى اتومتيك 125000 جنيه فانا ارى وهذه وجهه نظر شخصية الليفينا صفقة رابحة عن الكاريبز ان شاء الله لان الاوفر برايس يعادل ضعف سعر اعادة البيع فى الليفينا . واخيرا تقبل منى رائى المتواضع .. حياك الله

تقرير ممتاز وشامل

بس عندي سؤال الليفينا بتنزل دفع رباعي ولا لا

أشكرك ياأستاذ أحمد على التقرير الكامل والمتكامل والذي يتمتع بالحيادية والموضوعيه وبصراحه كنت إستبعدت الليفينا من حسباتي بسبب شكل الطابلوه العاملي جدا ولكن بعد التمعن والتفكير الليفينا تفوقت على الكارينز في النقاط التي تمت ذكرها في تقرير حضرتك . وأشكرك تاني .

المشاركة الأصلية كتبت بواسطة seqoia

تقرير ممتاز وشامل

بس عندي سؤال الليفينا بتنزل دفع رباعي ولا لا

ماأظنش إنها دفع رباعي الليفينا أمامي .

لا شكر على واجب اخى الحبيب .. وفعلا السيارة جر امامى وليست فور باى فور ... علما بانها تنزل فى الخارج 1800 سى سى 7 راكب ودفع رباعى تسمى جراند ليفينا ويكون الشاسيه اطول نسبيا من الموجودة فى مصر لاتساع الصالون لكنبة خلفية اضافية .. ولكن هيهات طبعا انها تتواجد فى مصر فى السنوات القادمة وسوف تكتفى نيسان بالليفينا فقط ولعلها تلقى اقبال فى الاونة القادمة .. على العموم هى سيارة جيدة واشاد لها مالكوها فى منتدى نيسان وكل من يمتلكها فعلا اشادوا بها وباعتماديتها واقتصاديتها فى استهلاك البنزين وتمتعها بكثيرمن الكماليات ونعومة الموتور وسلاسة الفتيس .. ربنا يبارك لهم فيها ان شاء الله .. تقبل تحيتى