فتيس دايو لاسيتى 2004

**semone** · 03-11-2009 07:32 AM

فتيس دايو لاسيتى 2004 (فتيس دايو لاسيتى 2004)

عندى سياره دايو لاسيتى 2004 بها فتحهأعلى الفتيس مكتوب عليها shift - lock release وأنا ضغطت على الزرار اللى اسفل الفتحه دى بمفك وبعدها لما بتكون العربيه واخده الغيار على ال p وادوس فرامل لأخذ غيار اسمع صوت تكه عاليه فى الفتيس زى كركبه فهل هذا طبيعى وماذا حدث لماضغطت على الزرار وهل فى خطر على الفتيس والتكه دى بتحصل على البى فقط لكن باقى الغيارات لا افيدونى جازاكم الله خيرا مرفق صوره للفتيس ارجو الرد
الصور المصغرة للصور المرفقة
الصور المصغرة للصور المرفقة

**caysersosaih** · 03-11-2009 11:16 AM

حضرتك الزرار ده معمول عشان الطوارئ بس لما تكون العربية عطلانة وما ينفعش تجرب حاجة حساسة زي دي من غير ما تعرفها المعروف ان العربية لا تتحرك في وضع p وبرضة مش بتدور غير عليه اللوك ده بيخلي العربية تتحرك حتي لو علي p وممكن تدور علي غيارات تانية
وياريت ماتعملش كدة تاني

**semone** · 03-11-2009 02:21 PM

يا دكتور دلوقتى انا عايز اعرف التكه لها تأثير والا لأ وازاى تروح وهى بتحصل لما اضغط فرامل والفتيس يكون على ال p ارجو الرد

**m_elkhishin** · 03-11-2009 03:04 PM

المشاركة الأصلية كتبت بواسطة caysersosaih

حضرتك الزرار ده معمول عشان الطوارئ بس لما تكون العربية عطلانة وما ينفعش تجرب حاجة حساسة زي دي من غير ما تعرفها المعروف ان العربية لا تتحرك في وضع p وبرضة مش بتدور غير عليه اللوك ده بيخلي العربية تتحرك حتي لو علي p وممكن تدور علي غيارات تانية
وياريت ماتعملش كدة تاني

أنا اعتقد ان كلام حضرتك في جزء صح وجزء خطأ

الجزء الصح هو ان ده بيستخدم ساعة الطوارء فقط، انما باقي الكلام خطأ

المعروف ان متقدرش تنقل من ال P لأي غيار غير لما تدوس على الفرامل، عشان بيبقى في Lock عشان لو حد قاعد جنبك لعب في الفتيس متنقلش علطول وتخبط في حاجة، يعني ده مجرد تأكيد ان اللي راكب على كرسي السائق ودايس فرامل هو اللي بينقل. فلو حصل أي عطل في هذا النظام تقدر تضغط على الزرار المخفي ده عشان تفك ال lock وتقدر تنقل من ال P لأي غيار بدون الضغط على الفرامل

والله أعلم

**caysersosaih** · 03-11-2009 10:24 PM

المشاركة الأصلية كتبت بواسطة m_elkhishin

أنا اعتقد ان كلام حضرتك في جزء صح وجزء خطأ

الجزء الصح هو ان ده بيستخدم ساعة الطوارء فقط، انما باقي الكلام خطأ

المعروف ان متقدرش تنقل من ال p لأي غيار غير لما تدوس على الفرامل، عشان بيبقى في lock عشان لو حد قاعد جنبك لعب في الفتيس متنقلش علطول وتخبط في حاجة، يعني ده مجرد تأكيد ان اللي راكب على كرسي السائق ودايس فرامل هو اللي بينقل. فلو حصل أي عطل في هذا النظام تقدر تضغط على الزرار المخفي ده عشان تفك ال lock وتقدر تنقل من ال p لأي غيار بدون الضغط على الفرامل

والله أعلم

علي فكره هو ده قصدي واعذرني اني ماعبرتش كويس