تظبيطات في التمبرا

**ZALABANY** · 17-11-2009 01:00 PM

دلوقتي يا شباب عايز ازيت الزجاج الكهربا الأمامي بيعمل صوت عالي شويه وهو طالع ونازل احطله ايه زيت موتور ولا جاز ولا شحم
الحاجه التانيه عايز اركب فوجات بس العربيه اصلا ما فيهاش فوجات انا لقيت الفوجات الاصليه بتاعتها استيراد بحوالي 200 جنيه بس المشكله في الزرار انا مش عايز اركب زرار شكله وحش في التابلوه فعايز اعرف من الناس اللي معاها تمبرا كامله زرار الفوجات الاصلي فين وايه امكانية اني اشغل الفوجات الامامية مع زرار الفوجات الخلفية واركبلها كتاوت
جوان غطا التاكيهات هل الاحسن يبقى كاوتش ولا الفلين لان بتوع قطع الغيار قالولي الجوان الاصلي هو جوان الفلين

**Bonanza** · 17-11-2009 03:14 PM

بص يا ريس انا عملت مرة موضوع تزييت موتور الزجاج ده لوحدي

عملتة بـ wd40 و كان تمام

موضوع الفوجات ده بقي انا معرفش فيه و الله انا عربيتي مش كاملة

بس متابع معاك و ربنا يكرم

**ZALABANY** · 17-11-2009 03:20 PM

على فكره أنا أقصد تزييت المجرا بتاعة الزجاج مش الموتور

**galilio_mad** · 17-11-2009 04:11 PM

المشاركة الأصلية كتبت بواسطة zalabany2007

على فكره أنا أقصد تزييت المجرا بتاعة الزجاج مش الموتور

رش WD-40 على خفيف و ان شاء الله كله حيبقى تمام
الزيوت و الشحوم العادية بيشربها الكاوتش و بيبوظ بعد فتره

بره بيعملوا الحاجات دى ب Silicon Lubricant و ده بيبقى كله صناعى و مش بيأذى الكاوتش

بالنسبة للفوجات , حتلاقى الفيشة قدام تحت او جنب الفوانيس الكبيرة
و حتحط كتاوت فى علبة الفيوزات و تشغل الفوجات على المفتاح الاصلى و ده حتلاقيه جنب زراير نور التابلوه على الشمال, فى حد عملها على منتدى اجنبى , اول ما افضى شوية حادورلك على التفاصيل و احطها هنا عشان الناس تستفيد برضو

ممكن تعمل زى ما انا عملت , كتاوت قدام و مشغلهم مع نور الشمعة ( استسهال مش اكتر :) )

لو عايز تشغلهم على مفتاح الفوجات الخلفية اللى فى دراع النور , حتحتاج كهربائى نضيف قوى قوى يجرب الاسلاك و يوصل التوصيلات صح , عشان لا الدراع و لا الضفيرة تبوظ

**muhmado_furp** · 17-11-2009 11:51 PM

اولا بحب أشكر استاذ زلاباني
لانه بصراحه دايما بيفتح مواضيع مهمه وتخلينا نسمع معلومات جديده عن عربيتنا العزيزه

ثانيا مفيش شكر يكفي بصراحه الراجل ده وبجد ربنا يجعل كل ايجاباته وخبرته في ميزان حسناته وهو أستاذ أحمد galilio

وبالنسبه لاجابات الاسئله معتقدش في كلام يتقال بعد كلام استاذ احمد
وشكرا للجميع

**ZALABANY-old** · 18-11-2009 02:01 AM

المشاركة الأصلية كتبت بواسطة galilio_mad

رش wd-40 على خفيف و ان شاء الله كله حيبقى تمام
الزيوت و الشحوم العادية بيشربها الكاوتش و بيبوظ بعد فتره

بره بيعملوا الحاجات دى ب silicon lubricant و ده بيبقى كله صناعى و مش بيأذى الكاوتش

بالنسبة للفوجات , حتلاقى الفيشة قدام تحت او جنب الفوانيس الكبيرة
و حتحط كتاوت فى علبة الفيوزات و تشغل الفوجات على المفتاح الاصلى و ده حتلاقيه جنب زراير نور التابلوه على الشمال, فى حد عملها على منتدى اجنبى , اول ما افضى شوية حادورلك على التفاصيل و احطها هنا عشان الناس تستفيد برضو

ممكن تعمل زى ما انا عملت , كتاوت قدام و مشغلهم مع نور الشمعة ( استسهال مش اكتر :) )

لو عايز تشغلهم على مفتاح الفوجات الخلفية اللى فى دراع النور , حتحتاج كهربائى نضيف قوى قوى يجرب الاسلاك و يوصل التوصيلات صح , عشان لا الدراع و لا الضفيرة تبوظ

جاليليو باشا تسلم علي ردك ربنا يباركلك بس انت تقصد انه زرار الأصلي ده اللي جنب نور التابلوه تور التابلوه بنوره من الدراع انت تقصد فين بالظبط