هل من الممكن سيارتى تقطع هذه المسافه

**amro1965** · 17-11-2009 09:05 PM

السلام عليكم ورحمه الله وبركاته
سيارتى ريجاتا نوفا معى منذ شهر الحمد لله سيارة ممتازة رغم ان انتقالاتى محدوده جدا من مكان اقامتى فى الجيزة الى الكيلو 28 طريق مصر اسكندرية الصحراوى كلها حوالى 28 كيلومتر رايح وزيهم عودة
عمرى مامشيت مسافه كبيرة قبل كده ممكن تقولى بخاف لان ممكن السيارة تعملها معايا
لان انا بلدى سوهاج يعنى 550 كيلومتر
سيارتى موديل 90 1500سى سى بحب امشى بيها فى الطريق الطوالى بكره نفسى لم امشى فى نص البلد
نفسى فى اجازة من عملى اعملها واسافر بيها لكن انا معرفش هل احد من الاعضاء لديه سيارة مثل سيارتى يخبرنى كم اطول مسافه مشى بيها
من لديه معلومه يخبرنى بها انا اعرف ان الانسان منا اذا ا راد ان يسافر بسيارته يجب ان يعد العده لها كشف لدى الميكانيكى وظبط الكهرباء والفوانيس والفرامل والاستبن وخلافه 0
اتمنى مشاركتى فى هذه المداخلة

**yoko** · 17-11-2009 09:16 PM

هيا على حسب الحالة أنا روحت الساحل قبل كده بال١٢٨ بس كانت العربية حالتها في الضياع وكل الي حصل إنها سخنت

**M.almaghraby** · 18-11-2009 02:53 AM

عادي جدا بس ظبط اي حاجة قبل السفر و اكشف عالسيور و كدا

**Egyzizo** · 18-11-2009 03:03 AM

لو موتور العربيه خفيف او بييحرق زيت نصيحه بلاش تطلع بيها على سريع....

ليه؟
أنا موتورى خفيف بقى له ييجى 5 سنين وباطلع على السريع عادى ..

**amro1965** · 18-11-2009 08:33 AM

اهلين بلدياتى احمد
على فكرة انا مشيت فى الطريق الشرقى الخاص بالصعيد كتير لكن مواصلات وليست بعربيتى ومره واحده مشيت مواصلات برضه فى الطريق الغربى
لكنك بتحذرنى لو مشيت بسيارتى بلاش الطريق الغربى رغم ان الطريق الغربى اقرب لبلدتى من الطريق الشرقى
هل توجد معوقات فى هذا الطريق الغربى لانى للاسف معرفش فيه ايه
شكرا اخى احمد على معلوماتك القيمة

**mr_sameh** · 18-11-2009 10:02 AM

ياباشا تروح اي مكان وكمان في فترة الشتاء ده متقلقش خالص , انا يمكن لفيت مصر كلها بالفيات 128 وكانت موديل قديم كمان

**HOSAMSAMSOON** · 18-11-2009 10:07 PM

المشاركة الأصلية كتبت بواسطة x_gomgom

اهلا بكل اهل سوهاج دل احما كده بلديات....
انا معايا بولونيز 1990 برضه و بمشي ماسافات برضه شوف الموضوع سهل بس اهم حاجه انك تتبع الاتي...
اولا و قبل كل شئ بتظبط دوره المياه يعني بتروح لبتاع ردياتير يشوفه و يظبطه و تسلك عشان السفر غير داخل البلد...
ثانياً الميكانيكا يعني لو عندك اي حاده مش مظبوطه او على وشك التغيير يبقي غيرها احسن البوجيهات و الابلاتين و الكوندنسر فلتر الهواء و البنزين و لو عند الدسك و الاسطوانه بتوع الدبرياج تعبانين غيرهم و تيل الفرامل برضه وما الى ذلك.... لو موتور العربيه خفيف او بييحرق زيت نصيحه بلاش تطلع بيها على سريع....
ثالثاً تبط على السيور و حالتها و وصلات الخراطيم و المياه الموجوده في العربيه عشان لو في واحد منظره ميريحش او ناشف او مشقق تغيره....
رابعاً غيار الزيت و الفلتر قبل السفر و يا ريت يكون نوع زيت نضيف...
خامساً العجل و حالته و اهم حاجه يكون معاك استبن كويس و كوريك شغال (ياما اتلسعت انا فضلت كاشي سنه من غير استبن و اول مره احتاجه قضيت اليوم جنب العربيه)
سادساً و هو الصراحه الاهم في الموضوع دا في السفر اهم حاجه تسايس العربيه يعني لا تقرص ولا تجري يعني 90 - 100 كيلو حلوين عشان متهلكش منك و طبعاً كله بيعتمد على حاله العربيه....
انا جمعتللك غالباً الحاجات اللي في العربيه و دا مش معناه انك تقول يا نهار انا اسافر بالاوتوبيس ارحم انا قصدي يبقي تحت نظرك اكبر قدر ممكن من الامور اللتي يجب فحصها (تقريباً اللي فات بالفعل حصل معايا كل مره بشك انا مش عايزك تعطل على الصحراوي الغربي ههه)....
اولاً و اخيراً حاله السياره هي اللي بتحكم ...
رحله سعيده و تروح و تيجي بالسلامه ان شاء الله. و اي استفسار انا تحت امرك...
يا رب اكون افدت

[frame="9 10"]
المهم بعد كل دة
التوكل على الله من قبل و من بعد
ربنا يستر طريقك و يوفقك
توصل بالسلامة بعون الله
[/frame]

**amro1965** · 19-11-2009 08:02 AM

شكرا لجميع الاعضاء لنصائحهم الغالية

الموضوع: هل من الممكن سيارتى تقطع هذه المسافه

LinkBack

أدوات الموضوع

عرض

-

-

-

التوكل على الله -

المواضيع المتشابهه

وقت +بنزين=اجمالى المسافه accent rb

المسافه من القاهره حتى الجونه

من اجل شجرة لم تقطع بعد

عداد المسافه

انجدوني الدايو تقطع

الكلمات الدلالية لهذا الموضوع

المفضلات

المفضلات

ضوابط المشاركة