الموضوع: ساعدوني في حيرتي!!!!!!!!!

بسم الله الرحمن الرحيم
أخواني الأحبة. . .
منذ ما يقرب من شهر وضعت موضوع عن تغييري لبلي العجلة اليمين قدام بمعدل كل 3 شهور، وكنت وقتها سامع صوت ونة في العجلة ، وكانت ردودكم بتأكد إنها بلي، والمهندس سمير عياد أكد إنه فيه مشكلة أكيد في بيت البلي، وبالفعل غيرت الصرة (بيت البلي) وغيرت البلي .
وده رابط الموضوع :
http://www.nilemotors.net/Nile/101073-3.html
دلوقتي سامع صوت ونة تانية في نفس العجلة بنفس الأعراض اللي فاتت، قولت مش معقول تكون بلية تاني، لإني مغير البلية والصرة كمان مكملتش شهر، رحت للميكانيكي أكد إنها بلية طب إزاي يا عم الحاج؟ الراجل نفسه احتار، وبدأ يحط احتمالات:
1- احتمال يكون عمود الكوبلن في لوحة.
2- احتمال العجل قافل أو فاتح .
3- احتمال تكون الجنط ملووووح.
وبدأنا في الكشف عن هذه الاحتمالات: ذهبت لمكان لضبط الزوايا والاتزان مكان محترم وفيه جهاز حديث، الراجل قولته ع المشكلة رفع العربية من كل عجلة على حدا وسمع الصوت، وبعدين رفعها من قدام وخلاني دورت العربية على سرعة وهو من تحت بيبص على عمود الكوبلن ، وبعدين كشف على الجنط على جهاز. وكانت النتيجة إنه قالي الكوبلن مفهوش حاجة!! الجنط فيه رفة بسيطة مش ممكن تبوظ بلية في شهر!! ولما حط العربية على جهاز ضبط الزوايا اكتشف إن العربية قافلة من الناحية الشمال تقريباً 1سم ومن الناحية اليمين اللي فيها المشكلة نص سم. وقالي برضة دي مش ممكن تبوظ البلية بالسرعة دي.
يا جماعة أنا احترت بالفعل ومش عارف أعمل إيه؟؟؟؟؟؟؟؟؟؟
طبعاً هو طلع من الجهاز تقرير عن زوايا العربية قبل وبعد الضبط حرفقه وحد من أخوانا يقراه بصوت عالي ويفسر اللي فيه.
[/IMG]

أنا شاكر جداً لردودكم وححاول أرد عليها نقطة نقطة:
أولاً بالنسبة لأخي محمد ممدوح أنا اللي بودي الركبة ع المكبس وللأسف هو نفس المكبس ومفيش غيره، لكن بنكون واقف وشايف العمل قدامي المكبس كويس والبلية بتنزل مضبوطة على الصرة.
ثانياً : أخي سمير عياد هو شحطها بالمكبس بالفعل ولما صنايعي المكبس طلع الصرة برة هي والبلية شفت الصرة لقيت البلية معلمة فيها جامد، وغيرتها بناء على نصيحتك في المرة السابقة، وجبت صرة جديدة Gm وركبت البلية عليها وكمان ركب التيل اللي ورا واللي قدام البلية. فحضرتك كل اللي بتسأل عنه تمام. يا ترى فيه احتمالات تانية.
وبعدين يا ريت لو حضرتك تشوف التقرير بتاع الزوايا يمكن يكون فيه حاجة والراجل مش عارفها لإنه كله أرقام وحاجات كده