الموضوع: طريق الاسكندرية الزراعى (حل لسائقى الملاكي)

مافيش شك انها فكرة كويسة مع وضع مسافة امان بينك وبينه
لان الناس دى بتبقى رايحة جاية على الطريق وبتكون حفظاه صم
شكرا يا باشا

المشاركة الأصلية كتبت بواسطة ringoo

مافيش شك انها فكرة كويسة مع وضع مسافة امان بينك وبينه
لان الناس دى بتبقى رايحة جاية على الطريق وبتكون حفظاه صم
شكرا يا باشا

ياباشا لا شكر على واجب
على فكره هما عارفين مكان الراجل بتاع الرادار و حاجه تانيه (عربيته اعلى من العربيات الملاكي) فا كدا هو بيشوف اللى جاي فى المقابل بسهوله و لو المقابل شاف اللجنه بيعرفه فا بالتالى بياخد باله و بالتالى انا كمان باخد بالى

المشاركة الأصلية كتبت بواسطة rockana

طبعا الكلام ده ممكن تطبقه من شبرا الى الاسكندريه بس انا عادة بروح اسكندريه من الصحراوي فا معرفش الطريق اخباره ايه

و توصل بالسلامه ان شاء الله

مشكلة الصحراوي التصليحات اللي فيه ساعات الطريق بيبقى ضيق جدا في الحتت بتاعت التحويلات دي . كانوا بيقولوا لسه ادامهم سنة و نص عقبال ما يخلصوا . بس ان شاء الله هيبقى كويس بعد كده

اخطر حاجه تعملها على الطريق ده انك تمشى وراه ميكروباص ولو بمسافه

اولا مش هتبقى كاشف الطريق منه كويس خصوصا ان فى ناس بتعدى الطريق ببرود غريب ولا كأنه حاره 6 متر فممكن الميكروباص يفادى واحد من مسافه قريبه قوى وفجاه تلاقى انت اللى بيعدى قدامك

ثانيا الميكروباصات بتقرب من العربيات حواليها والحفر قوى فانت اكيد مش هتمشى وراه بالسنتى وممكن تلاقى حفر ومطبات فجأه مكنتش شايفها منه ومتعرفش تفاديها وكمان فى مناطق كتير الاسفلت فيها عامل انتفاخات وبلالين عجيبه ولا كأنه عجينه زى اللى فى مطلع كوبرى قها وانت راجع القاهره فى وسط الطريق وشوفت منها قدام عينى عربيات بتتقلب ودى الميكروباص يعدى من عليها عادى لكن الملاكى يحك فيها ويبقى حظه اسود لو داس عليها بعجله

بشكل عام الطريق ده ربنا بيسترها عليه مش اكتر والحل الوحيد فيه انك تمشى بسرعه الطريق لان فعلا المشى عليه بطئ بيعرضك للخطر اكتر يعنى على الاقل تكون ماشى عليه 80-90

ومتقربش من اللى قدامك ومتمشيش ورا اوتوبيس او عربيه نقل او ميكروباص او نص نقل يعنى ببساطه مهم قوى قوى تبقى كاشف الطريق قدامك لمسافه كافيه لأى مفاجات سواء من الناس اللى بتعدى او من العربيات النقل او من الحفر والمطبات والبقاليل اللى فى الاسفلت

كمان اعمل فرح لأى عربيه بتعدى منها علشان انا اتقرصت كتير قوى من حد ابقى بعدى منه وخلاص طلعت جنبه والاقيه بيرمى على او عربيه نقل بعد ما اوصل للراس قدام الاقيه قرر ياخد شماله بدون سابق انذار

ومهم برده ان لو حد لزق فيك وعايز يعدى منك متستعجلش وركز كويس وانت بتوسع له لحسن يكون حد جاى يجرى من ورا وطافى النور او حد بياخد غرزه لان محدش هيجى يلزق وراك ويقولك وسعلى الا اذا كان مفيش مفر غير من وراك والدنيا مزنوقه جنبه

والاهم من كل ده تجنب السواقه على الطريق ده بليل علشان بيبقى كارثه بكل المقاييس ما بين ناس متعرفش النور الواطى فين وكل حياتهم نور عالى وما بين ناس مش منوره نور الموبايل حتى ومقضينها غرز , لدرجه ان ساعات هتلاقى عربيات عدت منك وانت 100% مشوفتوش وهو بيعدى انت بس سمعت صوته

وسيبك من الذوق على الطريق ده لأنه للأسف البقاء فيه لذوى القدرات الخاصه فى تخليص نفسهم من الهلاك وربنا يعفينا من شر الحوادث

انا عندى حل تانى ...
دور على عربيه اوبل فيكترا 2008 فضى نمرها 70300 ..
او اوكتافيا a5 سمراء نمرها 8065 ..
و الزق فيها ...
ده هيبقى انا ...
امشى ورايا ..
انا حافظ الطريق و المطبات و الملفات و الرادارات ..
بس باخد غرز و بعدى ال 100 ...
ههههههههههههههههه

لا هو فعلا طريق مقرف و للاسف انا عليه على طوووووول بس ربنا بيستر ..

و على فكره عشان تعرف فى رادار ولا لا ...
تابع العربيات المقطوره ..
لو ماشى فى اليمين و بالراحه يبقى متجريش لان كده فى رادار ...
لو واخد شماله و ماشى بسرعه او بالراحه مش هتفرق يبقى مفيش رادار ..
انا دايما ماشى تبع النقل ...

الظاهر ان مننا كتير بيمشو على طريق الموت ده
انا لسه شاري عربيه جديده من كام يوم و روحت المشوار ده مرتين لحد دلوقتى - للاسف لاقيت ان دي الطريقه الوحيده اللى خلتنى اوصل بنها من غير ما افقد اعصابي
اول مره وصلت بنها كنت عاوز يوم كامل راحه بسبب تعب الاعصاب ده - تانى مره مشيت ورا الميكروباص المحترم و بقى كل تركيزي عليه ( الراجل معداش 100 كم/ ساعه - تفادى كل الحفر )
ربنا يرزقكو بسواق زي ده

بصراحه انا دايما بلزق في المكروباص في اي طريق معرفوش