سوزوكى سلاريو هاااام

**mshmshcs** · 23-11-2009 01:34 PM

السلام عليكم

انا رحت حجزت سوزوكى سلاريو الجديدة فول ابشنز ب 60 من التوكيل يا جماعة وانا مقتنعة بيها جدا كشكل وامكانيات وفى ناس قالتلى ان 1000 سىسى فى اليايانى احسن من 1100 سىسى فى الكورى يعنى مثلا البيكانتو او i10 بس فى فرق برده فى ان سلاريو 3 سليندر و التانين 4 سليندر
انا مش عارفة كدة ايه النظام انا اتلخبط وخايفة اكون اتسرعت
يا ريت حد يفيدنى فى الموضوع ده وشكرا

**mshmshcs** · 23-11-2009 02:29 PM

فى حاجة كمان انا لقيت الاتى:
كيا - بيكانتو :

قوة المحرك(حصان/لفة.دقيقة) 65/5500
هيونداى - أي 10:

قوة المحرك(حصان/لفة.دقيقة) 67/5500

سوزوكي - Celerio:

قوة المحرك(حصان/لفة.دقيقة) 67/6000

هل ده كده فى صالح السيلاريو ولا ايه ؟؟؟؟؟؟؟؟؟؟؟؟؟؟؟؟

**khashab** · 23-11-2009 02:51 PM

السلام عليكم
اولا انا كمان حجزتها من شهرين تقريبا و كنت قلقان جدا بسبب موضوع ال3 سليندر بس اللى مطمنى ان الناس برة بتشكر فيها
ثانيا الدايهاتسو سيريون 3 سليندر و رغم كدة كل اللى معاهم العربية دى بيشكر فيها و كانو بيشتكو من حاجة واحدة فيها و هى وجود رعشة فى الموتور و العربية واقفة مع تشغيل التكييف و قد قمت بتجربة السيلاريو داخل المعرض فى هذه الحالة و لم اجد هذه المشكلة
ثالثا سوزوكى افضل شركة فى صناعة المواتير صغيرة الحجم و الماروتى خير شاهد على ذلك
سيلاريو هى امتداد لأجيال الماروتى مع ادخال التكنولوجيا فيها
رابعا فى المقارنات بينها و بين الi10 الi10بتتفوق فى مساحة الشنطة و الوسع من الداخل و تتفوق سيلاريو من حيث الشكل و استهلاك البنزين و التسارع
حاجة اخيرة: العربية دى بتنتجها نيسان ايضا بأسم نيسان بيكسوPixo و الناس فعلا بتشكر فيها جدا

**monmonmon** · 23-11-2009 03:07 PM

اولا على بركة الله و ان شاء الله يكون اخيار موفق و انا متأكد ان العربية هتكون ممتازه

بصى العربية هندى مش يابانى و كذلك ال i10 هندى كتجميع بس اعرف ان مكوناتها كورى و فى المانى

بالنسبة لقدرة المحرك اللى حضرتك ذكرتيها فعلا هتلاقى السلاريو تتفوق على ال i10 و البيكانتو لانها 3 سلندر و هما 4 و اى مكنة بيحصل فيها احتكاك بين الاجزاء الداخلية بتخلى فى جزء من القوة دى تفقديها
بالتالى بما ان السيلاريو 3 سلندر فمتوقع القوه اللى هتضيع اقل من القوة اللى هتضيع فى الاحتكاك فى 4 سلندرات

كمان هتلاقى فى السيلاريو اقصى قوه عند سرعة اعلى للمكنة 6000
لكن فى البيكانتو و ال i10 هتلاقى اقصى قوه عند 5500 فلازم السلاريو تكون اعلى

بس القدرة مش مهمه اوى فى الاختيار لانها عند سرعات عاليه 5000 و 6000 لفه و استحاله حد يسوق العربية على السرعات دى لان صوت المكنة هيكون عالى جداااااا و ......

الاهم هو العزم.....العزم هو القوه اللى بتخرج من المحرك... العزم هو اللى بيساعدك تطلع مطالع و تشدى و العربية تسحب معاكى لو محمله.. فهتلاقى عزم البيكانتو و ال i10 اعلى لانهم 1100 سى سى يعنى المكنة اكبر فبالتالى بتولد عزم اكبر

بصى دى مقارنة لأداء السيلاريو و ال i10

Hyundai i10 - Autocar.co.uk

Suzuki Alto - Autocar.co.uk

هتلاقى السيلاريو سحبها حلو لكن ال i10 بتتفوق فى اغلب السرعات لان عزمها عالى و عايز اقولك انك لو شوفتى المازدا 3 ال 1600 سى سى هتلاقى معظم نتايجها قريبه من ال i10 ده للعلم فقط

بصى انا زى ما قلتلك مقتنع انها عربية حلوه رغم انى مشوفتهاش و واثق فى الصناعة دى لان عربيتى ال i10 ماشاء الله زى الفل و كأنها جديدة و هى عامله انهارده 9,007 كم.. بس المشكلة الوحيدة هتلاقيها فى ان العربية و انت واقفه هتلاقى فيها اهتزازات شويه و احتمال الفتيس تلاقيه بيتهز فى وضع المور لان العربية 3 سلندر و انا كان معايا عربية 3 سلندر زمان.. كمان الدايهاتسو سيريون ال 1000 سى سى الموجودة فى السوق 3 سلندر و فيها الاهتزازات دى.. اعتقد هى مش مشكلة يعنى لو بتحبى العربية هتعذريها
و كمان استهلاك العربية دى فى البنزين هيكون افضل من ال i10 اولا لانها 3 سلندر فقط و ثانيا لانها 1000 سى سى مش 1100 و ثالثا لان لها نسبة انضغاط 11 و دى فى ابسط مبادىء الهندسة معناها ان المكنة دى لها كفاءة عاليه

بالتوفيق ان شاء الله و يارب اكون قدرت اوصلك معلش طولت عليكى

**YoussefMostafa** · 23-11-2009 03:10 PM

فعلا محرك السيلاريو اعلي من ال i10 ب 2 حصان

انا رحت شفت العربية قريب ورايي كالتالي:

-كماليات وعوامل امان تحفة

-تقفيل كويس بس خامات بلاستيك

-المساحة الخلفية ضيقة جدا

-شنطة 110 لتر يعني نص حجم شنطة ال اي 10 (225لتر)

-عزم العربية عند 4500 لفة وده كتير اوي ولازم تقرصي عليها عشان تسحب معاكي

-اقل واحده ف استهلاك البنزين (موفرة جدا)

**monmonmon** · 23-11-2009 03:25 PM

زى ما تكونوا قريتوا اللى انا كنت بكتبه
عااااااش يا رجاله

**khashab** · 23-11-2009 03:32 PM

العربية مكونات يابانى و تقفيل هندى لكن الألتو و الماروتى صناعة و تقفيل هندى
العربية ليس فيها الأهتزازات اللى موجودة فى معظم العربيات ال3 سليندر
الi10حصدت كل الألقاب فعلا و هى عربية رائعة فعلا تفوقت على كل منافسيها فى هذه الفئة فى مصر و انا كنت ناوى اشتريها فعلا بس اللى شدنى للسيلاريو انها لها شكل رياضى و جديد لكن الi10بقالها كتير فى السوق المصرى و ليس بها اى تجديدات شكلية و ايضا لأن سوزوكى متوفوقة بشدة فى انتاج المواتير صغيرة الحجم و فعلا بتعييش جامد جدا

**YoussefMostafa** · 23-11-2009 03:33 PM

So which one should you buy? If space, comfort and refinement are high on your priority list, the i10 is the car for you. If, however, you could do with slightly less back seat comfort and want a youthful, vibrant car which is great fun to drive, the A-star should make the cut. Trust us; you can’t go wrong either way.

وده لينك المقارنة
Small in size, colossal in clout - AOL India Autos - Maruti, Hyundai, Honda, Bullot, Yezdi, Bajaj

**mshmshcs** · 23-11-2009 03:56 PM

شكرا يا جماعة على الردود السريعة ربنا يكرمكوا يا رب

عموما موضوع مساحة الكراسى من الخلف مش فارقة معايا اوى
بس هو فى استفسار انا اللى اعرفه انها يابانى تقفيل هندى
بس monmonmon قال انها هندى ؟؟؟؟هل ده معناه ان المحرك مش يابنى
وحاجه كمان موضوع ان عزم المحركات اليابانى بيبقى اعلى من المحركات التانية دى اشاعة ولا اية

**Mohamed.Ramah** · 23-11-2009 05:21 PM

على مااظن كل لما تجيب العربية سرعة اعلى على عدد لفت اقل يبقى احسن ثانيا طبعا الحجم بيفرق ممكن تشوف العربيات الثلاثة بتجيب من 0الى 100 فى اد اية وكمان السوزوكى لما ركبتها حسيت بانها فخمة ومش ضيقة وشكل التبلوة شيك بس بسا ملحوظتين

الشباك الخلفى صغير والشنطة صغير جدا متشيلش بس اتعوض دة للمساحة الداخلية غير لما ركبتها حسيت ان العربية عالية وخاماتها جيدة تكاد تكون ممتازة