الموضوع: ما هى اعراض تلف بلية الدبرياج ؟

المشاركة الأصلية كتبت بواسطة samirayad

حقولك على حاجه
من غير ماتلخبط نفسك
كده كده
لما تيجى تعمل شغل فى الفتيس أو الدبرياج
حتسقط الجوز مع بعض
ومع الكشف حتعرف أن البليه هى السبب

انا متأكد انها البلية بس ايه بلية الدريك دى كمان

المشاركة الأصلية كتبت بواسطة m.mostafa80

حبيب قلبى خالد باشا مدام هتفك الفتيس عشان بليه تتشحم يبقى الأحسن تغير الطقم كله وتنسه الزنه وترتاح من الونا وتشترى دماغك

يعنى ينفع تتشحم و تركب تانى و ده موال الفك و التركيب انا هاغير احسن

المشاركة الأصلية كتبت بواسطة m.mostafa80

بص ياعزيزي مدام البليه بدات تبوظ يعنى فى سبيلها للموت يبقى هتبتدى تأثر على الديسك وهتبتدى تحس ان فى عضه فى الغيارات وتقل فى بدال الدبرياج لأن البليه دى بتتعامل مع الديسك فى أطرافه اللى هى السوست وبالتالى بتعمل تأكل وبما أن الديسك هيتأثر يبقى الأسطوانه هتتأثر ولو الطقم دا كلو مع بعضو بقى وحش يبقى كدا فى تأثير على الأداء العام
وعلى حاجه تانيه كمان الناس ما بتهتمش بيها وما بتخدش بالها منها وهى بتغير الطقم الا وهى ترس الفلام حالته بقت عامله أزاى نتيجه احتكاك الأسطوانه التالفه بيه ويفضلو يغيرو فى اطقم دبرياج من غير ما يكلفو خاطرهم ويبصو عليه بصه اطمأنان ودى فى حد زاتها مشكله كبيره
وأكيد كبيرنا المهندس سمير هيشرح الحته دى بأستفاضه أكثر منى
لايفتى ومالك فى المدينه

الله ينور و لازم فعلاً ترس الفلام يتبص عليه

المشاركة الأصلية كتبت بواسطة samirayad

أشكرك على زوقك يا أستاذ : محمد

وفى الحقيقه
تصورك الفنى لسيناريو الأحداث رائع للغايه
فمقدرش أضيف أى حاجه تانى الصراحه

وعلشان أخونا خالد
اللى معاه المشكله دى حاليا
ممكن يتشاور مع أكتر من واحد من الصنايعيه
ويعمل دراسه بينه وبين نفسه وتجميع للأراء
وقتها بس
حيقدر يربط بين وصفنا وأقتراحتنا ويا خد القرار
أصل المعاينه شىء .....وكلامنا النظرى وضع تانى برضه

أحنا مجرد أأنا بنتخيل الأسباب ( مش أكتر )

طبعا التفسير الفنى ( زى نظام المنتدى )
لما بيتقابل مع الواقع ويحصل أتفاق على الرأى
بيبقى خلاص ......الوضع منتهى

الله ينور يا عم احمد

المشاركة الأصلية كتبت بواسطة m.mostafa80

فى ساكس وفى لوك بس لو عرفت تجيبهم أصلى

مفييييييييييييييييييييييي ييييييييش كله مضروب

المشاركة الأصلية كتبت بواسطة lion_heart

ساكس صناعة ألمانى بس للاسف مش متوفر الاصلى و المضروب منه كتير
و سمعت كمان فاليو صناعة اسبانى
هل الفاليو بينزل مضروب و لا اصلى

الساكس الموجود مضروب
و الفاليو الأسبانى ده كورى و زبااااااااااااااااله مركبه من سنة و تعيش انت
و الفاليو برضو تبع الضرب

المشاركة الأصلية كتبت بواسطة m.mostafa80

للأسف حته مضروب وأصلى دى بترجع لضمير التاجر ومنصحكش بالفاليو لأن الديسك بتاعو بينشف بسرعه وتلاقى البدال بقى تقيل معاك
كان أحد زمايلنا اتكلم أزاى تميز الساكس الأصلى من المضروب
وهو من خلال العلبه بيبقى لونها أزرق ولو مشيت أيدك على العلبه ما بيطلعش لونها فى أديك عكس المضروب بس انت عارف المصريين ممكن يضرب العفريت

تمام يا احمد بيه