مميزات وعيوب عربياتنا الدايو لانوس

**amado318** · 19-01-2011 02:03 AM

الموضوع من 2007 بس العربيه لسه عايشه زى ماهيه من يوم ما اتولدت

**mailo** · 19-01-2011 12:15 PM

المشاركة الأصلية كتبت بواسطة mina_ramsis

عفوا يا اخ midzy اللانوس ما بتسحبش بنزين خالص انا حسبتها مرة على الطريق السريع طلعت انها بتستهلك حوالى 20 لتر فى 300 كيلو احسن حاجة فى العربية هى موتورها بجد موتور 10 \10 اما اوحش حاجة فيها عزل الكبينه الداخليه يعنى لو جت زلطة فى الباب و انت ماشى تسمع فى الكبينه جامد غير كده ماوجهتنيش اى حاجة وحشة فى العربيه على فكرة انا بعت العربية علشان محدش يقول انى متحيزلها

يانهار أبيض 300 فالصفيحة ده السيتي مابتعملهاش

المشاركة الأصلية كتبت بواسطة sab3aawy

2-كان فيه حاجة بترجرج فى جانب السيارة الايمن لما بآجى اطلع بالعربية (لحظة رفع القدم اليسرى من على الدربرياج) ومحدش عرف دى إيه ولا إيه حلها حتى فى التوكيل واتهمونى ان عندى تهيوات (بقت موضه حكاية التهيؤات فى التوكيل دى بس انا كنت pioneer (من الرواد يعنى)، إتهمت بالتهيوآت من 7 سنوات مضت)، وظلت السيارة بهذا العيب حتى بيعت
الموضوع ده اكتشفته بعد 3 سنين فعلا بس لما بكون مشغل التكيف ومش قادر افهمه
2-بتاخد 5 افراد مرتاحين بدون تأثير على السحب او العفشة او ارتفاع العربية
3-مش بتحك فى الأرض
لأ مش معاك فدي أنا أنا لو ركب معايا حد فالكنبة العربية بتتقل شوية وبتبقى واطية قوي

المشاركة الأصلية كتبت بواسطة m_aash

معايا لانوس زيرو من 8 شهور و قابلتنى المشاكل و المزايا التالية:-
العيوب :-
1- لما العربية بتبقى كاملة العدد (3 على الكنبة ) العربية بتحك فى المطبات . و مش لاقيلها حل .
5-عزل الصوت سئ جدا فى الصالون.
أول ما التكييف يشتغل لازم يطلع شوية ذرات عفرة و بتختفى فى ثوانى.

+1

**amado318** · 19-01-2011 12:47 PM

بحط فى عربيتى 25 لتر بتمشى جوة البلد 330 كيلو مع ان رجليا تقيله جدا

**sherifbmw** · 28-03-2011 11:13 PM

العربيه دى ملهاش عيوب والله

**adidas_vip2** · 02-04-2011 04:04 AM

يا جماعه مش كل واحد عندة مشكلة فى العربية فا تعتبر هى نازلة بالعيب دة كمان شايف ناس كتير بتذكر العيوب فقط
ممكن نقول المميزات مع العيوب
بس هو كلنا تقريبا متفقين على حاجه :-
ان العزل جوة العربية دة فعلا وحش اوى وتقريبا كان فى استاذ هنا عامل حل للموضوع دة وهو 6 علب اسبراى فووم ونرشها داخل عتب الابواب بس للحقيقة انا لسه مجربتش الموضوع دة

انما اى عيوب تانية شايفها طبيعيه ومعدل عمر العفشه او الجير بوكس كويس جدا ويا جماعه كل حاجه ليها عمر افتراضى ليها وبيبقى على حسب الاستخدام

**adidas_vip2** · 02-04-2011 04:07 AM

المشاركة الأصلية كتبت بواسطة mmamdouh

1-

4- الزجاج بيرزع داخل الباب لو قفلت الباب و الزجاج مفتوح (زجاج عادة)
mmamdouh

بص يا استاذ محمد دة تقريبا بيكون من الجلد البرواز اللى فيه المجرة بتاعت الزجاج فى الباب الجلد دة مع الشمس وعوامل الجو وكد بيطى ويوسع فا بيخلى الزجاج مش محكوم كويس
والحل تغيير الجلد دة وان شاء الله المكشلة تتحل

**elpasha1** · 02-04-2011 01:09 PM

المشاركة الأصلية كتبت بواسطة zorooo1986

يا جامعة انا اخويا معاه لانوس 2007
هيا فيها مشكلة واحدة بس
انها على سرعة 120 بتبقى خفيفة والدركسيون بيتهز لحد متوصل ل140 بتبقى ثابتة والدركسيون مش بيتهز
مش عارف لية
:shock:

دا عيب ترصيص

**esam2009** · 28-04-2011 10:12 AM

العربية مابتسحبش على الطريق

**amado318** · 28-04-2011 03:54 PM

السحب كويس بس هيه اسرع من العربيات القديمه وابطاء من العربيات الحديثه يعنى معقوله والله

**apoadel_vip** · 29-04-2011 07:48 AM

دي تجرتي مع الانوس
انا معايه لانوس هاف 2006
جيبها زيرو وهي دلوقتي عامله 170 الف كيلو
انا هقول الحاجات الي انا غيرتها في العربيه
1-تيل امامي 2- تيل خلفي 3-بطحات 4-بيض دريكسون 5-كاوتش 6-سير دينامو 7-سير تكييف 8-سير كاتينه 9-بلية كاتينه 10- مياه الريداتير
ممكن اي حد يلاحظ ان الحاجات دي حاجات استهلاكيه وده معناه ان العربيه كويسه جدا
بس ده ميمنعش ان فيها شوية ملاحظات مثلا(ثبات العربيه بعد 120 -عزل الكابينه -ارتفاع نسبي لصوت الموتور )
ودي حاجات طبيعيه...ان لو الحاجات دي مش موجوده هيبقى ازاي في فرق بين الانوس والانسر وده ميقللش من الانوس ولكن لازم يكون فرق الفلوس الي بتدفع في عربيه عن التانيه