الموضوع: باراو شداد ال 128 والريتمو طلع فى منه جاهز

انهارده وانا عند المكانيكى شفت عربيه ريتمو مع شاب محترم زينا كده
ولاقيت عنده البار الشداد الى ماسك المساعدين من فوق
استغربت جدا ان فى ناس زينا مهتمه بالموضوع ده
الى لفت نظرى وخلانى لازم اكلمه وافهم منه انى لاقيت البار ده جاهز وباين جدا جدا من نضافته وتقفيله انه مش معمول على ايد سمكرى يعنى جاى كده جاهز
فروحت سألته وقالى عادى ده حتلاقيه عند بتوع الاستعمال الى فى العطارين (ش صلاح الدين الى فى الفراهده) قالى دور وحتلاقيه
وقعد يشكر فيه ويقولى ده مهم جدا فى الثبات وبيحافظ على الشاسيه
وسألته عن الشداد الى تحت الموتور لاقيته ميعرفش عنه اى حاجه لانه شكله مش دايس اوى زينا كده وبيدور على النت
دانا حتى قولتله على نايل موتورز وقولتله ادخل عليه حتستفيد كتير ولاقيته فرح اوى
المهم بقه دلوقتى
انا معنديش وقت اروح العطارين وادور لانى ساكن بعيد عن العطارين خالص فعاوز اى حد مهتم زينا يكون بيروح العطارين او ساكن جنبها يسأل بتوع الاستعمال الى هناك ويقولنا هل فعلا موجود منه ولالا
واكيد طبعا كمان اخواتنا الى فى القاهره حيدورو معانا عند بتوع المستعمل هناك ويقولولنا ولو موجوده فعلا انا عندى استعداد اروح القاهره اجيبها بس اتأكد انها موجوده

المشاركة الأصلية كتبت بواسطة amqnor

دي صور تعديل واحد يوغسلافي عاملها

شكرا انا كنت بدور على المقاست دى ومش لاقى موقع حاططها
شكرا