الموضوع: ما هى أسباب فشل الكورولا المجهزة بالفتيس ال mmt فى مصر ؟

انا الحقيقة مجربتوش .. بس ..

فكرة ان الفتيس يبقا مطور مع بورش .. و انه اكيد بيسوق فى كذا حتة فى العالم .. و ان الاعضاء هنا بيشكروا فيه جدا (حتى ابو سمرة الكان بيشتكى منه .. راح ظبطوا فى التوكيل و رجع يشكر فيه جدا)

كل الحاجات دى بتأكدلى ان الفتيس فشل بسبب تسويقه بصورة خاطئة .. انه اتباع على انه تيبترونيك زاى باقى العربيات .. فالناس افتكروا انه عيب فى الفتيس ..

و لما الناس تتكلم .. محدش يعرف يوقفهم او يفهمهم .. حتى تويوتا اليابان نفسها

يا جماعة
هو الفتيس مفيهوش يعوب تصنيع خالص انا معايا العربية 40 الف كيلو والفتيس مفهوش اعطال

هى مشكلة الفتيس فى فكرته الاساسية وهى انهم خلوا الدبرياج اوتوماتيك عن طريق كمبيوتر وده بعد ما جربت العربية الفترة دى ... اقدر اقولك ان مستحيل كمبيوتر يقدر يعمل كل االى انت عايزه من دواسة الدبرياج لو انك سايق مانيوال ... يعنى مينفعش ترفع رجلك مثلا من الفرامل للبنزين علطول وتدوس هتلاقى العربية لسه منقلتش عشان كده تلاقيها تقوم تعمل نتشه كده وغيره على النظام ده

واى عربية بيحصل فيها اى مشكلة ... مثلا انا قولت انى موش راضى عن الفتيس ... اى واحد مصرى بيسمعنى بيزود حته يقولك ده موش راضى عن الفتيس اصل اعطاله كتير وغيره وغيره لغاية ما العربية تكون سمعة وحشة .... وده اللى حصل

المشاركة الأصلية كتبت بواسطة محمد ابراهيم 1

من الواضح جدا أن الكورولا المجهزة بالفتيس ال mmt تعانى فشلا فى تسويقها فى مصر

ومظاهر هذا الفشل تتمثل فى
أولا : وجود سيارات كورولا 2009 من هذا النوع لم يتم بيعها حتى الآن
على الرغم من بيع جميع السيارات الكورولا 2010 الأوتوماتيك العادى وهو الأمر الذى جعل الموزعين يطلبون ثمن إضافى وصل إلى 4 آلاف جنيه زيادة على سعرها الرسمى أو يمكنك الإنتظار مدة حجز شهرين على الأقل

الموضوع واضح كمية 2010 الاتوماتيك العادى قليلة فى السوق ودا حال عربيات تانية كتير وبص كدة على السيراتو الكارينز وشوف المعارض بتطلب زيادة اد اية فى ثمنها
المعروض فى السوق قليل فالسعر بيزيد

المشاركة الأصلية كتبت بواسطة محمد ابراهيم 1

ثانيا : أن سعر الكورولا الأدفانسيد ال mmt موديل 2009 أصبح أقل من البروفيشنال بالفتيس العادى

اما تقارن سعرالمفروض تقارن بنفس موديلات السنة
انت بتقارن mmt موديل 2009 بالاتوماتيك موديل 2010 وطبيعى موديل 2010 يكون أغلى
وبعدين ما تويوتا نفسها عملت كدة فى اسعار عربياتها وموديلات 2009 هى مش الياريس الهاى لاين كانت باين بـ 115 الف ودلوقتى سعرها 103 الف وبردوة لسة عندها كميات من 2009 مع انها حتى منزلتش ياريس 2010
يا ترى دا كان عيب فى اداء الياريس بردوة ؟

المشاركة الأصلية كتبت بواسطة محمد ابراهيم 1

ثالثا : تراجع سعر إعادة البيع بشكل كبير بالنسبة للسيارت ال mmt

دا حال اعادة البيع لكل العربيات مش تويوتا بس ، محدش بيشترى ويوم ما بيتشرى بيجب العربية تمنها الأرض
وبما أنك من ملاك الياريس يا ريت تقولى سعرإعادة البيع الياريس الهاى لاين كام دلوقتى وانت اشترتها بكام وانت تقهم كلامى

المشاركة الأصلية كتبت بواسطة محمد ابراهيم 1

هل هى ثقافة السوق فقط أم أنها إنعكاس لما ظهر من هذه السيارات ؟

أنت متخيل الناس اللى أشترت mmt عندهم مشاكل وعيوب فى أداء السيارة ومش عاملين مظاهرة عند التوكيل ولا طالبين انهم يرجعوا العربية ولا اشتكوا لحماية المستهلك
ما كلنا بنروح التوكيل ومراكز الخدمة المعتمدة ممكن تقولى عدد الناس اللى أنت شوفتوهم وعندهم مشاكل فى أداء السيارة على كلامك اد اية ؟ ولا الناس عندها مشاكل ومش عايزية تتكلم

فى رأييى المتواضع ان مشكلة الMMT هى مشكلة ثقافة وسوق وخطأ تسويقى
هذا الجيربوكس يصنف فنيا على انه جيربوكس نصف اوتوماتيكى وليس جيربوكس اوتوماتيك
ويمكن فى هذا الصدد مراجعة الرابط التالى
Semi-automatic transmission - Wikipedia, the free encyclopedia
مع ملاحظة ورود فتيس تويوتا الMMT ضمن قائمة الأسماءالتجارية لهذا النوع من الفتيس النصف اوتوماتيكى فى نهاية الصفحة المشار اليها بالرابط
وهو جير بوكس له اسلوب عمل واسلوب قيادة يختلف عن اسلوب قيادة الفتيس الأوتوماتيكى المعتاد ، ومن الواضح انه كان مصنعا بالأساس للبيع فى اوروبا، بدليل عدم طرحه نهائيا فى الخليج
وبالتالى لم يكن يصح من تويوتا مصر ان تبيع هذا الفتيس-الموجه بالأساس لمن يحب التحكم فى عمليات النقل- لزبون الأوتوماتيك العادى، الذى كان يقود نوبيرا او لانسر كريستالة او حتى كورولا من موديل سابق بفتيس اتوماتيكى وكان سعيدا بأدائه، لكى ينتقل الى هذا الفتيس الذى لا يناسب فكرته عن القيداة الاوتوماتيكية فى زحام مدن مصر ويفاجأ بأنه لاب ان يتدخل فى عملية النقل سواء بالكثير من رفع وخفض القدم عن دواسة البنزية او من خلال البدالات على عجلة القيادة لكى يحصل على اداء مقبول، فى حين ان قيادته بطريقة -بنزين فرامل- التى اعتادها فى سيارته الأتوماتيكية السابقة تعطى نتائج غير مقبولة ،
وبالتالى فأن الخطأ هو بالأساس خطأ من لم يقوموا بتوعية المشترى بما يشتريه اما عن جهل-وفى هذه الحالة يكون الخطأ مشتركا بين تويوتا مصر وتويوتا الأم- واما عن سوء نية لمجرد تحقيق مبيعات وفى هذا الحالة يعتبر هذا جريمة من تويوتا ايجيب افقدتها بالفعل كثير من نصيبها فى سوق السيارة الملاكى المتوسطة لصالح ماركات مثل هوندا وكيا وسكودا -بل وحتى تجار الكورولا الخليجية -لمده عامين، وستبذل مجهودا لا بأس به لاستعاده هذة الحصة من نصيبها فى السوق ، وربما لكى تتعلم-ويتعلم غيرها منها- ان المشترى المصرى ليس اقل وعيا من غيره، وثمن الجهل فى التعامل معه-لو افترضنا حسن النية- او خداعه-لو افترضنا سوء النية- هو خسارة حصة لا بأس بها من السوق

المشاركة الأصلية كتبت بواسطة sab3aawy

فى رأييى المتواضع ان مشكلة الmmt هى مشكلة ثقافة وسوق وخطأ تسويقى
هذا الجيربوكس يصنف فنيا على انه جيربوكس نصف اوتوماتيكى وليس جيربوكس اوتوماتيك
ويمكن فى هذا الصدد مراجعة الرابط التالى
semi-automatic transmission - wikipedia, the free encyclopedia
مع ملاحظة ورود فتيس تويوتا الmmt ضمن قائمة الأسماءالتجارية لهذا النوع من الفتيس النصف اوتوماتيكى فى نهاية الصفحة المشار اليها بالرابط
وهو جير بوكس له اسلوب عمل واسلوب قيادة يختلف عن اسلوب قيادة الفتيس الأوتوماتيكى المعتاد ، ومن الواضح انه كان مصنعا بالأساس للبيع فى اوروبا، بدليل عدم طرحه نهائيا فى الخليج
وبالتالى لم يكن يصح من تويوتا مصر ان تبيع هذا الفتيس-الموجه بالأساس لمن يحب التحكم فى عمليات النقل- لزبون الأوتوماتيك العادى، الذى كان يقود نوبيرا او لانسر كريستالة او حتى كورولا من موديل سابق بفتيس اتوماتيكى وكان سعيدا بأدائه، لكى ينتقل الى هذا الفتيس الذى لا يناسب فكرته عن القيداة الاوتوماتيكية فى زحام مدن مصر ويفاجأ بأنه لاب ان يتدخل فى عملية النقل سواء بالكثير من رفع وخفض القدم عن دواسة البنزية او من خلال البدالات على عجلة القيادة لكى يحصل على اداء مقبول، فى حين ان قيادته بطريقة -بنزين فرامل- التى اعتادها فى سيارته الأتوماتيكية السابقة تعطى نتائج غير مقبولة ،
وبالتالى فأن الخطأ هو بالأساس خطأ من لم يقوموا بتوعية المشترى بما يشتريه اما عن جهل-وفى هذه الحالة يكون الخطأ مشتركا بين تويوتا مصر وتويوتا الأم- واما عن سوء نية لمجرد تحقيق مبيعات وفى هذا الحالة يعتبر هذا جريمة من تويوتا ايجيب افقدتها بالفعل كثير من نصيبها فى سوق السيارة الملاكى المتوسطة لصالح ماركات مثل هوندا وكيا وسكودا -بل وحتى تجار الكورولا الخليجية -لمده عامين، وستبذل مجهودا لا بأس به لاستعاده هذة الحصة من نصيبها فى السوق ، وربما لكى تتعلم-ويتعلم غيرها منها- ان المشترى المصرى ليس اقل وعيا من غيره، وثمن الجهل فى التعامل معه-لو افترضنا حسن النية- او خداعه-لو افترضنا سوء النية- هو خسارة حصة لا بأس بها من السوق

كلام موزون وعاقل جدا

لخص المشكلة فى سطور