الموضوع: مطلوب مندوبين تحصيل

المشاركة الأصلية كتبت بواسطة akram

السادة الزملاء ,
الشركة عندنا عايزة 100 مندوب تحصيل ,
و المرتب 630ج + العمولة ,
يعني ممكن يوصل لـ 1000ج أو اكثر ,
و بالنسبة للمؤهل فمطلوب إنه ميكونش أقل من المتوسط ,

إحنا بنساعد بعض في الخير ,
اللى عايز أو يعرف حد عايز ,
يجيب الأوراق بتاعته و ييجي في العنوان التالي :
6 ش مصطفى الشريعي , متفرع من ش نوال , خلف بنك باركليز - الدقي - الجيزة
شركة فرست سيرفيس

هل لسة فرصة الشغل موجودة؟؟

ياترى الوظيفة لسه موجودة ؟
وهل اللى يروح يسال على حضرتك (استاذ/ اكرم )ولايقول هو عرف منين بالموضوع ده ؟
اشكرك على مساعدتك للناس اجمعين و جعلها الله فى ميزان حسناتك

لكل الناس اللي بتسأل و اللي بعتولي برده على الخاص ,

الوظيفة لسه موجودة و بالنسبة للمواعيد فهي تختلف حسب المجموعة اللي هتشتغل فيها , فيه مجموعة مواعيدها الصبح تكون في الشركة تستلم الشغل و بعدين يخرجوا بعد ساعة مثلاً و يرجعوا تاني يوم , و المجموعة التانية برده تكون الصبح في الشركة و يخرجوا و بعدين يرجعوا آخر اليوم يسلموا الشغل ,

و كل واحدة ليها مميزات,

و المرتب زي ما كتبته و دا كلام نائب مدير الإدارة ,
و الشغل مش بيستلزم وجود سيارة و مش ضروري الخبرة , و إن كانت مهمة,
الشركة بتحصل على مستوى الجمهورية و الحقيقة انا مش متأكد هل المطلوب حالياً ناس لكل الجمهورية و لا للقاهرة بس و لكن الناس بتشتغل في المنطقة اللي بتتعين فيها بمعني اللي بيشتغل في الفرع الرئيسي مش مطالب إنه يروح محافظات ,

اللي يروح يسأل عن أستاذ أحمد مختار (نائب مدير العمليات) و يقوله إنه من طرف م. أكرم أحمد (إدارة تكنولوجيا المعلومات) .

مندوب تحصيل بيقوم بتحصيل فلوس بناء على موعد محدد مسبقاً مع العميل من خلال مركز الاتصالات ,
و بالتالي بيستلم بيانات العملاء المطلوب التحصيل منهم و بيتم النزول ليهم و توريد هذا التحصيل في اليوم التالي و هكذا ,
و فيه تفاصيل كتيرة في الموضوع ...
لو لسه بتدرس مفيش مشكلة هتقدم بشهادة الثانوي , و لكن المهم انك تقدر تحضر في المواعيد اللي هتتحدد ليك و في الغالب صباحاً ,