316i 2007

**waelziad** · 11-12-2009 01:28 PM

يا شباب....حد يعرف زرار التليفون اللي في الكاسيت لازمته ايه ....و إزاي اركبلها بلوتوث؟ و كمان منين اقدر اجيب فوانيس امامية برة التوكيل و بكام؟....... و شكرا جزيلا.

**farahat** · 12-12-2009 01:56 AM

زرار التلفون إلي في الكاسيت دة مش بيشتغل غير لو فيه بلوتوث راكب في العربية ، و وظيفته إنه يرد على المكالمة أو يقفل الخط بعد المكالمة .
تركيب البلوتوث كيت يتكلف حوالي ٦٠٠٠ جنيه في التوكيل ، و مش عرف إذا كنت موجودة إستعمال خارج التوكيل ولا لأ ، بس حتى لو موجودة خارج التوكيل اتأكد إن إلي هيبيعهالك هيعرف يركبها هو لأنها بتحتاج برمجة على العربية ، ذي أي حاجة تحب تركبها في الموديل دة ، كله لازم يتبرمج حتى لو حبيت تغير لمبة بنوع تاني مختلف !!!
فوانيس أمامية موجودة في الحرفيين بس دور شوية ، بكام مش عارف بصراحة

اتمنى أكون أفدتك

**waelziad** · 12-12-2009 10:32 AM

شكرآ Farahat على الرد السريع والوافي .....أنا لقيت فوانيس أمامية مش أصلي عند آرابكم ب4000 جنيه بالزينون بالتركيب بس مش متأكد لوهيقدروا يبرمجوها فعلا و مش عارف لو الperformance بتاعها هيكون مقبول . حد عنه فكره عن الموضوع ده؟؟

**waelziad** · 19-12-2009 01:43 PM

طيب حد ممكن يقولي العربية تسوى كام لو فكرت أبعها و لو في مكان بيدخل المستعمل (عاوز 318 2009) ......عربيتي 316 2007 فتحة سقف و جنوط فابريكة بره و جوه عامله 88 الف كم بحالة ممتازة و صيانة في التوكيل.

**party_0000** · 19-12-2009 01:49 PM

انا رايي عربيه معقده زي دي فكك من انك تركب حاجه بره التوكيل
ومش طالبه عشلان زينون تلبس فس حاجه تانيه تبوظ

**party_0000** · 19-12-2009 01:52 PM

المشاركة الأصلية كتبت بواسطة waelziad

طيب حد ممكن يقولي العربية تسوى كام لو فكرت أبعها و لو في مكان بيدخل المستعمل (عاوز 318 2009) ......عربيتي 316 2007 فتحة سقف و جنوط فابريكة بره و جوه عامله 88 الف كم بحالة ممتازة و صيانة في التوكيل.

ليه 318 دي مش فارقه عن عربيتك غير انها اوتو و الماتور ال 200 بتاعها عزمه قليل مش زي بتاع ال 320 !!
وبعدين لافتحه سقف ولا جنوط ولا ابانوس

**waelziad** · 19-12-2009 02:03 PM

معاك 100%........بس الشكل الجديد (الفاس لفت) و الفلوس اللي معايا خلت ال 318 أفضل إختياراتي في الوقت الحالي.

**party_0000** · 19-12-2009 02:20 PM

المشاركة الأصلية كتبت بواسطة waelziad

معاك 100%........بس الشكل الجديد (الفاس لفت) و الفلوس اللي معايا خلت ال 318 أفضل إختياراتي في الوقت الحالي.

تصدق الشكل اللي معاك احلي من اجديد وبعدين ده فرقه الفانوس الاحمر البايخ والكبوت والفانوس اللي قدام مش باين الفرق فيه قوي
انا شايف ان حرام تدفع فرق مش اققل من 100 الف علشان تجيبها

**party_0000** · 19-12-2009 02:22 PM

مترشق معايا في حوار ال 316 Trend line ? هتبقا الشكل الجديد وزيها زي تور وفتيس عربيتك بس دي لازم تتعمل Special order وبيقلي مش اققل من 3 شهور

**farahat** · 19-12-2009 06:43 PM

المشاركة الأصلية كتبت بواسطة party_0000

مترشق معايا في حوار ال 316 Trend line ? هتبقا الشكل الجديد وزيها زي تور وفتيس عربيتك بس دي لازم تتعمل Special order وبيقلي مش اققل من 3 شهور

و ميزة تانية كمان ، انها هتنزل موديل ٢٠٠٩ ، يعني الموتور ١٢٢ حصان مش ال-١١٥ بتاع الشكل القديم ، و هتكون كدة قريبة من 318i في ال HP، و فرق السحب هيعوضه الفتيس المانيوال