الموضوع: اخييييييرا الفديو والصور ل delay لمبة الصالون

مش عارف اقول لكم ايه والله

اولا: مشكورين عالمجهود
ثانيا: بخصوص الصنايعية هم فعلا اغلبهم مش بيفهم اطلاقا بمعنى كلمة اطلاقا وعندي امثلة كتير
ولو انت من هواة السيرفيس مانيوال زي حالاتي....فابشرك بان مرواحك لاي صنايعي هيجيب لك الضغط وممكن تقعد زي حالاتي يوم بعد ما تصلح حاجة عند واحد من دول مصدع ومش شايف قدامك من كتر الزعيق

اقول لكم ايه مثلا....ابسط حاجة في تركيب كتاوت النور...العربيات دراع النور في بعضها بيقطع الطرف الموجب وبعضها بيقطع السالب...انا رايح اركب كتاوت للنور عند الكهربائي المشهور (زي ما ابويا قال لي ورفض اني انا اعملها بايدي) والضفيرة بتاع السويفت متضربش فيها مفك...بتاع بلادها(وهي بتقطع الطرف الارضي)...الاقيه يقول لي ايه ده...مين اللي مركب النور كده...ده مبيفهمش...ده كذا وكذا....وصلة شتيمة...وهو اللي عاملها مهندس ياباني محترم...طبعا ضغطي ضرب فالسما
قلت له سيب كل حاجة زي ما هي...انا عندي مشوار وهاشوف اما ارجع
وعنها...غصبت عالحاج...وقعدت ساعتين زمن...وركبته انا بايدي...واتكلف بتاع 40 جنيه بدل ال80

مثلا يوم ما قلت له خللي الانذار يسوجر الابواب اول مامشي بالعربية...وده اوبشن في كل اجهزة الانذار بلا استثناء...الاقيه يقول لي اصل ده بيحرق الانذار وبيعمل قافلة فالسنتر...وهو حتة سلك بيتوصل على دواسة الفرامل...وبقى له 3 سنين وزي الفل

وهنروح بعيد ليه....موضوع تأخير الاضاءة ده...لو كل واحد فيكم راجع كتالوج الانذار بتاعه...معظمنا هتلاقي عنده اوبشن تأخير الاضاءة ده وكمان انك اول اما تفتح العربية بالريموت تقيد الصالون والنور الصغير بعد تركيب كتاوت ونراجع الاسلاك هتلاقوا سلك مكتوب عليه Dome Light وهم كالعادة الكفتجية بيلغوه...اصل الانذار وظيفته الوأوأة وبس
حاجة تقرف والله...لازم الواحد يعمل كل حاجة بايده وانا معنديش جراج وباقف فالشارع لما الواحد بقى بيضطر ينزل بعد نص الليل فالضلمه...نفسي يبقى عندي جراج وان شاء الله مش هاروح لحد

المشاركة الأصلية كتبت بواسطة exact

مش عارف اقول لكم ايه والله

اولا: مشكورين عالمجهود
ثانيا: بخصوص الصنايعية هم فعلا اغلبهم مش بيفهم اطلاقا بمعنى كلمة اطلاقا وعندي امثلة كتير
ولو انت من هواة السيرفيس مانيوال زي حالاتي....فابشرك بان مرواحك لاي صنايعي هيجيب لك الضغط وممكن تقعد زي حالاتي يوم بعد ما تصلح حاجة عند واحد من دول مصدع ومش شايف قدامك من كتر الزعيق

اقول لكم ايه مثلا....ابسط حاجة في تركيب كتاوت النور...العربيات دراع النور في بعضها بيقطع الطرف الموجب وبعضها بيقطع السالب...انا رايح اركب كتاوت للنور عند الكهربائي المشهور (زي ما ابويا قال لي ورفض اني انا اعملها بايدي) والضفيرة بتاع السويفت متضربش فيها مفك...بتاع بلادها(وهي بتقطع الطرف الارضي)...الاقيه يقول لي ايه ده...مين اللي مركب النور كده...ده مبيفهمش...ده كذا وكذا....وصلة شتيمة...وهو اللي عاملها مهندس ياباني محترم...طبعا ضغطي ضرب فالسما
قلت له سيب كل حاجة زي ما هي...انا عندي مشوار وهاشوف اما ارجع
وعنها...غصبت عالحاج...وقعدت ساعتين زمن...وركبته انا بايدي...واتكلف بتاع 40 جنيه بدل ال80

مثلا يوم ما قلت له خللي الانذار يسوجر الابواب اول مامشي بالعربية...وده اوبشن في كل اجهزة الانذار بلا استثناء...الاقيه يقول لي اصل ده بيحرق الانذار وبيعمل قافلة فالسنتر...وهو حتة سلك بيتوصل على دواسة الفرامل...وبقى له 3 سنين وزي الفل

وهنروح بعيد ليه....موضوع تأخير الاضاءة ده...لو كل واحد فيكم راجع كتالوج الانذار بتاعه...معظمنا هتلاقي عنده اوبشن تأخير الاضاءة ده وكمان انك اول اما تفتح العربية بالريموت تقيد الصالون والنور الصغير بعد تركيب كتاوت ونراجع الاسلاك هتلاقوا سلك مكتوب عليه dome light وهم كالعادة الكفتجية بيلغوه...اصل الانذار وظيفته الوأوأة وبس
حاجة تقرف والله...لازم الواحد يعمل كل حاجة بايده وانا معنديش جراج وباقف فالشارع لما الواحد بقى بيضطر ينزل بعد نص الليل فالضلمه...نفسي يبقى عندي جراج وان شاء الله مش هاروح لحد

انت جبت المفيد والله انا لو عندى جراش مش حروح لحد واياكش العربيه تبوظ مش مشكله مهى واقفه فى الجراش

لكن الوقفه فى الشارع باايخه وكمان عشان تقف باليل خالص زى حالاتى وحلاتك كان زمان لكن دلوقتى مفيش امان بالنهار ما بالك باليل بقى

و كويس انت فكرتنى انا عندى الانزار سيمفونى واكييد فيه الخاصيه بتاعه لما تفتح العربيه من الريموت نور الصالون ينور
متعرفش انهى سلك ومكتوب عليه ايه لو عاوز اشغل الخاصيه دى
وانا فى الغالب حعملها بنفسى لانى عارف التوصيلات بتاعه الانزاى اغلبها

دى الدايرة بعد التجميع




اولا احب اوضح حاجة ان الدايرة دى بتاعت ديلاى فقط يعنى بتاخر الوقت الى بتنطفى فية اللمبة او الليد انما لو عايزين نعملها dome يعنى نخليها تطفى بالتدريج مش مرة واحدة دة موضوع تانى وبيتعمل بالتايمر ال 555


بالنسبة لتوصيل الدايرة دى سهل مش صعب عادتا لمبة الصالون بيبقى واصلها تلات سلوك واحد ارضى مباشر وواحد كهربا مباشر والسلك التالت اللى جاى من مفتاح الباب ودة طبعا ارضى برضة

هانوصل الدايرة ازاى بقى الدايرة فيها اربع سلوك واحد هياخد كهربا موجب 12 فولت على طول ودة موجود ضمن التلات سلوك وواحد ارضى مباشر على طول وبرضة موجود ضمن التلات سلوك يبقى فاضل سلكين واحد منهم هايتوصل بالسلك الى جاى من مفتاح الباب بعد فصلة من مكانة فى لمبة الصالون والطرف الى فاضل الى هوة الرابع هايتركب مكان السلك بتاع مفتاح الباب الى فصلناة ودخلناة على الدايرة
يعنى من الاخر الدايرة بتبقى كانك قطعت السلك الى جاى من مفتاح الباب وركبتها فى النص
والدايرة ينفع توصلها بالليدات وباللمبة العادية ال 5 وات انا جربتها على الاتنين مفيش مشاكل
وفى مقاومة متغيرة فى الدايرة لتغيير زمن الديلاى وفى ليد صغير علشان يبين اذا كانت الدايرة شغالة صح ولا لا بعيد عن توصيل لمبة او ليد خارجى وممكن منها تحدد زمن الديلاى الى انت عايزة لان المدة الى هاتنورها الليد الى فى الدايرة دى هوة نفسة الى هاتنورة اللمبة او الليدات الى انت هاتركبها فى النهاية

بس ادى كل الحكاية
ارجو انى اكون وضحت كل حاجة

المشاركة الأصلية كتبت بواسطة newhansol

دى الدايرة بعد التجميع




اولا احب اوضح حاجة ان الدايرة دى بتاعت ديلاى فقط يعنى بتاخر الوقت الى بتنطفى فية اللمبة او الليد انما لو عايزين نعملها dome يعنى نخليها تطفى بالتدريج مش مرة واحدة دة موضوع تانى وبيتعمل بالتايمر ال 555


بالنسبة لتوصيل الدايرة دى سهل مش صعب عادتا لمبة الصالون بيبقى واصلها تلات سلوك واحد ارضى مباشر وواحد كهربا مباشر والسلك التالت اللى جاى من مفتاح الباب ودة طبعا ارضى برضة

هانوصل الدايرة ازاى بقى الدايرة فيها اربع سلوك واحد هياخد كهربا موجب 12 فولت على طول ودة موجود ضمن التلات سلوك وواحد ارضى مباشر على طول وبرضة موجود ضمن التلات سلوك يبقى فاضل سلكين واحد منهم هايتوصل بالسلك الى جاى من مفتاح الباب بعد فصلة من مكانة فى لمبة الصالون والطرف الى فاضل الى هوة الرابع هايتركب مكان السلك بتاع مفتاح الباب الى فصلناة ودخلناة على الدايرة
يعنى من الاخر الدايرة بتبقى كانك قطعت السلك الى جاى من مفتاح الباب وركبتها فى النص
والدايرة ينفع توصلها بالليدات وباللمبة العادية ال 5 وات انا جربتها على الاتنين مفيش مشاكل
وفى مقاومة متغيرة فى الدايرة لتغيير زمن الديلاى وفى ليد صغير علشان يبين اذا كانت الدايرة شغالة صح ولا لا بعيد عن توصيل لمبة او ليد خارجى وممكن منها تحدد زمن الديلاى الى انت عايزة لان المدة الى هاتنورها الليد الى فى الدايرة دى هوة نفسة الى هاتنورة اللمبة او الليدات الى انت هاتركبها فى النهاية

بس ادى كل الحكاية
ارجو انى اكون وضحت كل حاجة

خسارتك فى البلد دى والله

يا عم الله يكرمك بس ابوس ايدك يا شيخ تركب اى حاجة عندك بقى وتصورهالنا وتقولنا اية الاخبار
طب بذمتك ركبت الدايرة دى ولا لسة لسة طبعا
يا عم انا مابصدق الكاميرا تقع تحت ايدى واديها تصوير

هههههههههههه عاوز اعمل الحوار اللى قولتلك عليه بالمره اللى هو بتاع 555 معندكش الدايره ابعتهالى لو عندك انا عندى 555 بالهبل هنا

لو تتكرم محتاج لصور الدايرة