لا داعي للأسف ... وجل من لا يسهو
عرض للطباعة
الكلام ده صح مينفعش تجر عربيه تانيه لانك في حال جريت عربيه تانيه بكده بتبوظ ماكينه المارشدين
لاحظ انها حتنور لو حملت عليها وانت ماشي قدام
طبعا لكل مميزات وعيوب والشاطر اللي يعرف هو عايز ايه
مع العلم ان دلوقت في عربيات اوتو ستب زي الاسكودا ايه 5 تجمع مزايا الاتوماتيك ومميزات العاده
وفي في العربيات الاتوماتيك الجديد حاجه اسمها تربو لما تدوس بنزين علي الاخر او زرار مخصص في الفتيس ايهما اقرب للاستعمال اهم حاجه تعرف انت محتاج ايه ولو العاده مش عملي كانت الشركات بطلت تنتجه من 40 سنه بس شغال وحتلاحظوا ان النقل كله عاده ده يديك ايحاء بأن عزم العاده اشد
مساء الخير يا شباب
أحب أضيف عن تجربه شخصيه للمانيوال والأوتوماتيك مايلي :
1) أن الأوتوماتيك بيسحب بنزين عن المانيوال وبالذات في المدن المزدحمه
2) العمر الأفتراضي لللأوتوماتيك أقل من المانيوال في المدن المزدحمه
3) تكلفة صيانة الأوتوماتيك أكثر كثيرا عن المانيوال
4) أسعار السيارات الأوتوماتيك أغلى من المانيوال
يعني الأوتوماتيك بيريحك أه في الزحمه بس بمقابل كبير بتدفعه في سعر العربيه وتكلفة الصيانه للفتيس وبيديك عمر اقل ماهو مفيش حلاوه من غير نار.....
بس معلش بردو فى الاخر المانيوال يفوز بالرغم سهولة استخدام الاتوماتيك وشكرا
على فكره... انا عربيتي مانيوال... و اخترتها مانيوال لأني مش بيقتنع في الاوتوماتيك الا في العربيات 2000 CC و ما فوق (ربنا يوعدنا)... بس و مع حبي للمانيوال.. اعتقد ان مع التطور المستمر في تكنولوجيا الفتيس الاوتوماتيك.. المانيوال هيختفي في وقت من الاوقات و هيكون البديل هوه الفتيس الستيب ترونيك
لا يا ا/احمد انا مختلف معاك برغم فعلا التطور التكنولوجى الرهيب الا ان الناس والعلماء مابتحبش ان الالة تدخل فى كل حاجة ولا يمكن ابدا الاستغناء عن المانيوال لان مهما وصل الانسان من علم فلا يمكن يوصل درجة كفاء الالة مثلة بمعنى اخر ان كفاء الانسان ستظل تتفوق ع الالة وذلك لسببين اولا لان الله هو الذى خلقنا ولا يمكن لاى بشرى واى كائن اخر ان يتساوى مع الله فى الخلق او الصنع وذلك فى قولة تعالى بسم الله الرحمن الرحيم وما اوتيتم من العلم الا قليلا صدق الله العظيم
السبب التانى الحنين الى الاصل بمعنى ان منذو بدايت صنع العربيات وهى كانت بتمشى بالفتيس المانيوال ولذلك ستظل ايضا تصنيع عربيات مانيوال وشكر جدا ليك
الاتوماتيك اسهل بكتيييير فى السواقه
ما اختلفناش الاوتزماتيك اريح
بس مع المانيوال بحس انى سايق مش مجرد حاجة محطوطة ورا الدريكسيون وممكن انام براحتى
بدون مانيوال مش بحس انها سواقة
وشكرا لسيكا موضوع جميل
+ 1
كلامك مضبوط و كله حكمه يابو حميد .. مشكلة العالم النهارده الناس بتدور ع السهل و السطحى و محدش عاوز يتعب نفسه فى حاجة
مع ان العيشة كده فاضيه و مالهاش طعم ! .. سواقة الاوتوماتيك كلها ملل !
على فكره عامله ايه معاك التيريوس ؟ كنت بفكر اجيبها بس للاسف انا عاوز عربية فيها ABS و موديل التيريوس الوحيد اللى فيه ABS
اتوماتيك مش مانيوال ..مش عارف ليه عربيات كتير بتنزل Options كتير فى الموديل الاتوماتيك بس مع ان فيه ناس كتير زى ابو حميد
و ابو على و غيرهم بتحب المانيوال !!..