ريجاتا ولا شاهين

**ppc3581** · 25-12-2009 06:51 PM

مش عارف اشتري ريجاتا ولا (شاهين في حدود 28000جم )ساعدونى ايهما احسن من كل الجوانب
قطع الغيار / التصليح / السعر
ولو حد عنده ريجاتا او شاهين يدلني ... وشكرا

**semsem_uno** · 25-12-2009 11:43 PM

بالنسبة للسعر ممكن تجيبلك ريجاتا نظيفة بالسعر ده و لو كملت شوية كمان تجيب شاهين نضيفة برده بس مس هتبقي فيها كماليات طبعا زي الريجاتا

الريجاتا افضل لأن هي الأيطالي يعني هي الأصل و كمان انشف في الصاج و بتنزل ب سنتر و ازاز كهرباء و احيانا تكيف بس طبعا بيكون تعبان
الشاهين طبعا لا يعلي عليها في رخص قطع الغيار و الأنتشار و الحاجات الأصلية و الشاهين كمان دفع خلفي انما الريجاتا امامي و كمان الريجاتا من الخلف علي مقصات مش دنجل و ده بيبقي خنيق في ظبط الزوايا و كمان عالسرعات العالية اوي

انا ارشحلك الشاهين و فعلا في مصر الشاهين افضل بس ابقي خلي بالك و انتا ماشي علشان الخبطات من الأمام فيها مش بتبقي حلوة و دايما الشبكة بالفوانيس و الأكصدام يتكسروا
انا كده قلتلك علي مميزات و عيوب ال 2 و ربنا يوفقك في عربية كويسة

**maka** · 26-12-2009 03:14 AM

الشاهين هتبقى موديل مرتفع عن الريجاتا واكيد هتبقى حالتها احسن

بص الاول على الحالة و بلاش موديلات قديمة علشان الكلام اللى عن الاحلال

**ahmedzizo131** · 26-12-2009 07:30 AM

دور على دوجان ( افضل و افضل ) و تكون جميع الكماليات ( تكييف + ازار كهرباء + سنتر + باور ) و هى فى نفس حدود اللى معاك او تزيد حاجة بسيطة .
بالتوفيق انشاء الله .

**mtageldeen** · 26-12-2009 02:23 PM

الشاهين (1400 سي سي) أفضل في هذه النقاط:

1- موديل أعلي.
2-أرخص في قطع الغيار خاصة الخارجية (الصاج والفوانيس).
3-أسهل في الحصول علي حالة جيدة فيها.
4-دفع خلفي (لمن يفضلونه)

الريجاتا (1500 سي سي ) أفضل في هذه النقاط:

1-أجمل في الشكل الخارجي.
2-أوسع في الصالون الداخلي.
3-أوسع في الشنطة.
4-أكثر في الكماليات.
5-أنعم في القيادة.
6-جر أمامي(لمن يفضلونه).

السعر المعروض أعلي من الريجاتا وأقل من الشاهين ورغم أني أمتلك ريجاتا إلا أنني أفضل الشاهين لفرق الموديل فقط وعدم وضوح الرؤية بالنسبة لقوانين المرور غير كده الريجاتا أفضل.

أفترض الحالة الجيدة فقط لأتحدث عنها في كل منهما.

**ابوهاشم** · 26-12-2009 03:52 PM

انا كمان ارشحلك الدوجان بس حاول تذود الفلوس شويه
لان بالسعر ده ممكن تلاقى دوجان بس فيها شغل

**mahmoodallam** · 24-01-2010 06:17 AM

خليك في الريجاتا بس حاجة نظيفة والله انا معايا العربية دي ممتازة جدا عالطريق قطع غيارها ببلاش ناعمة في السواقة كمالياتها كويسة عيبها الوحيد انه هتتعب شوية على ما تلاقي حالة نظيفة بس لو لقيت هي عربية فيها مميزات القديم في قطع الغيار وكماليات ونعومة الجديد