لو سمحت هو أية أفضل استثمار في مجال العقارات الأن في مصر بس يكون بنظام التمويل(الأقساط)يعني مقدم والباقي على مدة معينة
هل مثلا مدينتي أو؟ أو ؟؟؟

والله ايلي انا شايفة....ان سوق العقارات المصري...في حالة ركوووود قاتل...ومع ذلك الآسعار غالية جدااا
بس ايلي انا متوقعه انها هاتقل مش هاتزيد....دي نقطة....لان مافيش قلوس مع ناس تكافيء اعداد الشقق...
مدينتي او مدينة سكنية لازم تتاكد ان المدينة اشترت الارض من الدولة...وانها مش راهنة الارض بالمشروع عند بنك....علشان بعد ما تشتري وتدفع اقساطك في 4 سنين...تلاقي البنك رافع عليك قضية طرد...باعتبارك واضع يدك علي املاكة...وايلي لاسف مش من حق الشركة تبيعها الا بعد تسديد كامل ثمنها....زي العربيات القسط ايلي معمول عليها حذر بيعَ!!!!!

هو ممكن الإستثمار عقاريا في مدينتي أو في الرحاب و اللي أنا متأكد منه جداً هو الإستثمار في العقارات في الرحاب لأن حركة البيع و الشراء هناك سريعة و كمان العقارات في الرحاب عليها طلب متزايد
ده طبعاً بالإضافة إالى إن شراء شقة في الرحاب و إستثمارها في التأجير بالقانون الجديد مجزي جداً
فمثلا إيجار الشقة 90 متر يتراوح من 1200 إالى 1300 جنيه مصري شهريا ( ده في الوقت الحالي و ممكن يزيد فيما بعد )
إنما بالنسبة لمدينتي أنا مش عارف إن كانت زي الرحاب أو لأ
و لو في أي إستفسار أنا تحت أمرك
أتمنى لك التوفيق

Madinity another story than rehab, it is increased more than 4 times last 3 months, you can not invest in it as it was originally expensive, but rehab is ok

المهم متشتريش في بيتشو امريكان سيتي المعادي علشان دي نصب و انا اتنصب عليه فيها

طب ممكن تقولنا أزاي نصبوا عليك في بيتشو أميركان لو مش هتضايقك؟
وشكرا على اهتمامكم يا جماعة

اشتريت من عندهم شقة في صيف 2005 و كانت الشقة في المرحلة الاولى و اقالولي هتدفع ازاي ؟ قلتلهم هدفع 70% عند التاعقد و الباقي عند الاستيلام و دفعت دفعة التعاقد ، و الاستيلام ده كان مفروض في 1-2-2006 و طبعاً جه التاريخ ده و مفيش اي استيلام ، الغريب في الموضوع انهم كانو عاوزين باقي المبلغ في 1-2-2006 رغم انهم مخلصوش ( مفيش كهربا ولا مياه ولا صرف صحي) انا مدفعتش بما انهم معملوش الل عليهم، المهم انهم قالولي من كام شهر انت عليك غرامة تأخير ....!. قلتلهم تأخير ايه ده انتم اللي اتأخرته عليا في التسليم ، قالولي مالناش دعوة انت كده عليك غرامة 30 الف جنيه يا تدفعها و تستني لغايه لما الشقة تخلص و تستلمها يا اما هيكون عقدك لاغي ، اخر مرة رحت اسأل عن الشقة لقيتهم بيقولولي انت عقدك مفسوووخ يا استاااذ ممكن تستلم الفلوس اللي انت دفعتها بس هنخصم 10% من المبلغ المدفوع علشان المصاريف الادارية . و طبعا من مصلحتهم انهم يرجعولي فلوسي اللي بقالها عندهم سنتين ناقصه 10 % و يبيعو لحد تاني نفس الشقة بعد كده بسعر النهاردة ( المتر 1400 جنيه) مع العلم ان انا كنت شاريها ب (800 جنيه المتر). ده طبعا غير ان الشركة كيانها مش واضح يعني مش عارف اتكلم مع اي حد مسئول ، كل لما اروح اقابل شوية مندوبين مبيعات و يقولولي رئيس مجلس الادارة غي متواجد حالياً في مصر .

طب لو عندك عقد مكتوب فية ميعاد الاستلام أو غرامات تأخير يبقى همو الي يخافوا مش أنت,لو معندكش شوفلك صحفي في جريدة معارضة(ممكن الدستور -الفجر -أي حاجة)يفضحهم فيها ساعتها هيجروا هما وراك ويحلولك المشكلة

رأى الشخصى حاول تشوف حاجة فى الساحل الشمالى و بالذات فى منطقة سيدى عبد الرحمن لإن المنطقة دى بعد مشروع مراسى و هاسيندا باى ما يخلصوا بعد 4 سنوات سعرها حيزيد أضعاف الأضعاف و حتبقى المنطقة دى مارينا الجديدة

مدينتي و الرحاب أفضل اشتثمارمضمون و لكن مكلف جدا حاليا ،،

فرد مبيعات في مدينتي بيقولي في واحد اشتري 147 شقة في الرحاب و خمسين في مدينتي ،، وجهة نظرهم إن مجرد ماهستلم الشقة هتصرف علي نفسها ،،

و ممكن تدور في كمباوندات شقق كتير في التجمع الخامس

و لو حظك مية مية تعرف تضبط شقة من بنك الإسكان و التعمير او من الجهاز في التجمع أو الشروق

بس ليها سككها

البدائل العقارية الآخري ،،

تدور علي اي عقار معروض بسعر لقطة و تخلص فيه ،، و دي بتبقي فرص

أو تشتري فدادين ارض صحراوية ،، و بشوية كفاح تحفر بير و تعلم سور أي كلام و مباني طوب و شوية زرع بسيطة ،، الفدان اللي هتشتريه بخمستلاف جنية هتبيعه بعشرين الف مستريح و لو حظك ضرب و عدي جنبه أي طريق هيضرب جامد جدا