مدينة العبور - عاجل جداااااا

**kirolloskamal** · 02-01-2010 10:48 PM

عايز اروح مدينة العبور بالاخص ملاهي جيرو لاند
انا ساكن في الهرم
ياريت حد يدلني ضرورىىىىىىىىىىى

**mahmoud_magdy** · 02-01-2010 11:10 PM

أسهل طريق
هتطلع دائري من الرمايه
وتنزل من الدائري لطريق مصر الاسماعيليه
خد بالك انك هتفضل ماشي كتير اوي وهتنزل نفق كدا (عند موقف العاشر) وتفضل مكمل واول يو تيرن تدخلوا وتلف وترجع والف مخرج من الدائري هينزلك طريق مصر اسماعيليه
او ممكن بدل ما تنزل من تحت موقف العاشر هتطلع فوق وتمشي مع العربيات يمين واول كوبري تلاقيه لف من تحته وارجع تاني لحد موقف العاشر وبعد كدا طريق مصر اسماعيليه
بعدها بشويه بتلاقي مدخل العبور على يمينك ( نفق)
وجوه هتلاقي جيرو لاند ادامك على اليمين

وفي طريق تاني
هتروح لحد السيده عائشه وتمشي من هناك صلاح سالم
وتطلع الكوبري اللي جمب الشيراتون وتلف مع الكوبري شمال وهتنزل عند الكليه الحربيه وبعد كدا يمين وتكمل علطول لحد ما توصل لكوبري الحرفيين وتطلعوا وتكمل علطول وبعد كدا موقف العاشر وبعد كدا طريق مصر اسماعيليه وهتلاقي برده مدخل مدينة العبور على يمينك (نفق) وجيرو لاند على يمينك اول ما تطلع من النفق بشويه

يارب يكون الشرح واضح

**Dr Zezo** · 02-01-2010 11:13 PM

حضرتك هاتطلع الدائري اتجاه التجمع الخامس و القطامية و هتفضل ماشي فيه حوالي 55 كم اكثر قليلا او اقل

لغاية ما تنزل منزل طريق الاسماعلية الصحراوي علي يمينك طبعا " هيكون قبل نفق السلام"

هتفضل ماشي في طريق الاسماعلية تقريبا خمسة كيلو الي ان تجد علي يمينك اشارات لنفق العبور علي اليمين

هتدخل النفق و اول ما تخرج منه هتجد ملاهي جيرو لاند امامك علي اليمين مميزة بالالعاب التي فيها تري عن بعد

بس هو حضرتك عايز تروح الملاهي نفسها

اصلي شاكك انها شغالة و لا لأ