الموضوع: ليه النترا مادخلتش اوروبا ؟؟؟؟؟؟ (فى حين دخول ال i30)

السبب إن هيونداي مصممة الشكل الخارجي للإلنترا أصلاً في مركز تصميم هيونداي في Irvine كاليفورنيا بأمريكا و بالتالي هي ملائمة للذوق الأمريكي أساساً و ماشية جداً هناك لدرجة إنها واخدة في 2010 المركز الثالث على 29 عربية في نفس فئتها و هي Affordable Small car
في حين إن الـ I30 و اللي هيا نسخة الإلنترا الهاتش باك و بتشترك معاها في كل حاجة من قاعدة عجلات و محرك و تعليق و ناقل حركة متصمم شكلها الخارجي في مركز تصميمم هيونداي في Russelsheim بألمانيا و متلائمة أكثر مع الذوق الأوروبي اللي بيميل أكثر للهاتش باك.
يعني كسياسة شركة هيونداي متوجهة لأكبر سوقين و هما أمريكا بالإلنترا و أوروبا بالـ I30.
لكن العربيتين طبعاً متصنيعين في كوريا بنفس معايير الجودة لإنهم عربية واحدة أساساً حتى الـ I30 SW بتنزل في أمركا بإسم Elantra Touring.
و شكراً

الاجابة بسيطة و هى نفس السبب فى عدم انتشار الميجان السيدان فى اوروبا و الفيات لينيا .
الاوروبيين مش بيحبوا السيدان

المشاركة الأصلية كتبت بواسطة د.محمود صلاح

اكيد الألانترا مانزلتش أوروبا ؟

معلومات كاملة عن ال i30 هنا

شكرا ياباشا بس الصراحه موقع رخم اوى وتقيل والنت عندى بطىء
فلو تكرمت ايه هى كمالياتها ووسائل امانها فى مصر لان ديه الحاجه اللى هاتخلينى افضلها على الالنترا

المشاركة الأصلية كتبت بواسطة HISHAM80

I saw it a lot in the states so I don't think it is not in europe for safety reasons

افهم من كلامك ان النترا مش اامنه زى الi30

المشاركة الأصلية كتبت بواسطة ahmedfd

السبب إن هيونداي مصممة الشكل الخارجي للإلنترا أصلاً في مركز تصميم هيونداي في Irvine كاليفورنيا بأمريكا و بالتالي هي ملائمة للذوق الأمريكي أساساً و ماشية جداً هناك لدرجة إنها واخدة في 2010 المركز الثالث على 29 عربية في نفس فئتها و هي Affordable Small car
في حين إن الـ I30 و اللي هيا نسخة الإلنترا الهاتش باك و بتشترك معاها في كل حاجة من قاعدة عجلات و محرك و تعليق و ناقل حركة متصمم شكلها الخارجي في مركز تصميمم هيونداي في Russelsheim بألمانيا و متلائمة أكثر مع الذوق الأوروبي اللي بيميل أكثر للهاتش باك.
يعني كسياسة شركة هيونداي متوجهة لأكبر سوقين و هما أمريكا بالإلنترا و أوروبا بالـ I30.
لكن العربيتين طبعاً متصنيعين في كوريا بنفس معايير الجودة لإنهم عربية واحدة أساساً حتى الـ I30 SW بتنزل في أمركا بإسم Elantra Touring.
و شكراً

كلام جميل جدا
بس فى الحاله دى يبئا ال i30 اضمن لان معروف عن السوق الانجليزى والاوروبى انه ليه معايير جوده وامان صعبه جدا
لكن اميريكا مش كده خالص واى عربيه بتدخلها عادى

المشاركة الأصلية كتبت بواسطة gemino

الاجابة بسيطة و هى نفس السبب فى عدم انتشار الميجان السيدان فى اوروبا و الفيات لينيا .
الاوروبيين مش بيحبوا السيدان

ممكن بس فيه عربيات هيونداى سيدان هناك عادى


طب يا جماعه بغض النظر عن الشنطه انهى احسن ؟؟؟
وايه كماليات الi30 ووسائل امانها بعد مرورها على غابور طبعا
وهل عفشة الi30 بتهبط بردو من ورا ولا لا؟؟؟
وايه سعر ال كامله مانيوال وشكرا