|
| |
 |
           |
بحث مخصص
|
| |||||||
| ساحة تجارب القيادة ساحة لكتابة التقارير عن تجارب القيادة بواسطة الاعضاء وليست منقولة |
|
| | LinkBack | أدوات الموضوع | انواع عرض الموضوع |
15-01-2010, 01:39 AM
| #1 | ||
| |
جاتلى فرصة تجربة هوندا سيفيك موديل 2000 كوبيه ... موتور V-tec 1600 معدل ليصل لقدرة 135 حصان بالتمام و الكمال ... العربية زى دى  العربية وارد كندا ... مجهزة ب2 إير باجز و فرامل Abs ... ده غير الكماليات العادية و فتحة السقف .. الجنط 17 من النوع إللى هو الكاوتش رفيع جدا ... لدرجة مرة عسكرى حاول يكلبشها الكلبش مش راضى يقفل على العربية و مكنش معاهم نوع تانى ... المهم ... ندخل فى العربية ... جيت أرجع بضهرى ... البارك سينسور مش شغال فرجعت بالطريقة العادية و براحة لحد و عرفت أطلع من المكان .... الباشا مركب ديفيل و صوته عالى جدا و مزعج ... و بيخليك تيجى تشد الناس كلها تتفرج عليك .. دخلت العربية و مديت الكرسى لقدام .... عشان أطول أصل أنا قصير بعيد عنكم .gif "Mahf(5)") .. أغبى حاجة فى العربية دى إنخفاض مستوى حزام الأمان كان بايخ جدا ... العربية منخفضة جدا على الأرض .. . فبتحك فأى حاجة تيجى فى طريقها ... بس القعدة المنخفضة دى بتحس إنك متحكم ... أصلا العربية ممتازة فى حتت التحكم دى ... قاعد إنت و شايف جزء من الكبوت و حسيت بأبعاد العربية علطول و الدريكسيون مستواه حلو ... تحس العربية كده متصممة على قدك فكنت ماشى بثقة ... بدأت أشد سنة لقيت العربية بتسحب حلو جدا ... بس صاحبى قالى إحرق ... قمت حارق .... أول ما العربية تعدى ال4.5 Rpm فجأة بتنطلق بسرعة مباغته كانت ممكن تخلى الواحد يفقد السيطرة لثانية كده لأنك مش متعود على رد الفعل ده .. الفرامل كانت ضعيفة جدا .... حسيتها فرامل 128 مش عربية فيها ABS .. بس أكيد ترجع لأن ممكن تكون الفرامل مش بحالتها الطبيعية ... مش هقدر أتكلم على الثبات لأن مجربتش سرعة عالية ... فمن الغباء الحكم عليه من تجربتى .. نقلات الفتيس ما كنتش سلسة كده .. معرفش هل ده عيب فى الفتيس ولا هو عشان سبورت يبقى كده؟ الرؤية فى المرايات جيدة و مكنش فيها مشاكل .. زى ما قولت تحس إن إنت قعدت على الكرسى و ركبوا عليك العربية  .... التابلوه فقير جدا .... مش عربية موديل 2000 دى .. عربية موديل 88 مثلا ... كان سئ سئ ... و مش حلو خالص ... و خاماته معقولة لكن حسيتها مش قد كده بردوا ... مش دى هوندا إللى كنت متخيل خامات فظيعة .. بس جايز عشان موديل قديم , و بردوا معظم العربيات موديل 2000 نفس الخامات زى الكورولا عيون و المكوة .. المهم ... تقييمى الشخصى .... بس محدش يزعل يا جدعان عشان انا متقمص دلوقتى شخصية Jeremy Clarkson  ... ما أعجبنى فى السيارة .... هو أبعادها المتناسقة السهلة إللى تحسها معمولة عشانك , تسارع ممتاز ... شكل جميل طبعا و ملفت للأنظار , و العربية لما ترجبها و تعد ورا الدركسيون تحس إنك لازم تحرق و تشد .... يعنى تحس إنك عايز تجرى و تشد ... و خصوصا القعدة المنخفضة بتديك ثقة عالية قوى .... الرؤيا فى الزجاج ممتازة .... ماكنش فى مشاكل فى الرؤية أو حاجة مدياقانى ... تحكم كامل فى الطريق .... إللى بقى معجبنيش فى العربية : - محستش بأى متعة فى ركوب الهوندا ... مافيش أى أى نوع من الجاذبية السحرية فى العربية .. رغم شكلها السبور جدا جدا و الرائع ... لكن لا يوجد أى نوع من الإنجذاب .. الداخل ... لم أحس بالدريكسيون فى إيدى ... محستش بالدريكسيون و علامة هوندا ... ما كنش ليها أى تأثير .... كأنى راكب أى عربية مجهولة الهوية ... فين إحساس تمسك الدريكسيون العلامة إللى عليه تسيطر عليك .... ماكنتش عندى أى رغبة إننى أحسس على الدريكسيون و على التابلوه و أنظر ليه بإعجاب ... لأ .... كانت الركوبة فعلا حسستنى إنى مش عايز أركب تانى ... نوع من التنفير ... محستش بأى متعة فى ركوب الهوندا ... ثانى نقطة .. الموتور .... سحب الموتور ماكنش سلس ... عارف لما تركب عربية تكبس بنزين جامد تحس إنك راكب سجادة سحرية كده هتأخذك و تطير ؟؟؟ ده بقى مش موجود فى الهوندا ... مافيش السلاسة دى إللى تحسسك بالواقعية السحرية (متسألنيش الكلمة دى معناها إيه) .. و صوت الموتور مافيهوش الزنة الحلوة دى ... لأ .. صوته مش حلو خصوصا مع الديفيل ... الفتيس نقلاته مش سلسه بتاتا .... معرفش العيب من الهوندا ولا فى عيب فى الفتيس أصلا .. عشان كده مش هتكلم كتير فى الموضوع ده ... و ده كان تقييمى السريع للهوندا ... إللى للأسف ... لم تنال إعجابى ...  !Addicted to Piano!  | ||
     |
|
15-01-2010, 03:53 PM
| #2 | ||
| |
اكيد حضرتك كنت راكب عربية مقلوبة 3 او 4 مرات عل الاقل كان ليا نفس التجربة من يومين على عربية لكن موديل 93 el يعنى مانيوال وكربراتير وكانت ماشاء الله عليه تحفة ثبات وفرامل وشد وكل اللى انتا عايزوا I Can Forgive But I Can't Forget  | ||
| |
|
15-01-2010, 06:35 PM
| #3 | |||||||||||||||||||||||||
| |
حالة الفرامل واضح إنها ضعيفة و أكيد عيب إستخدام عشان كده متناقشتش فيه كتير ... الثبات الحقيقة انا مجربتش على سرعة عالية فمن الصعب الحكم عليه ... و يمكن إن حالة العربية مش كويسة قوى بردوا وعشان كده محكمتش عليه كتير .. كان كل تقييمى فى حتت ركوبه الهوندا و إحساسك إيه !Addicted to Piano! | |||||||||||||||||||||||||
| |
|
15-01-2010, 06:49 PM
| #4 | |||||||||||||||||||||||||
| |
مكنش فيها دة:   للبيع: عفشة و فرامل ميتسوبيشى لانسر ايفو 4 http://www.nilemotors.net/Nile/167974-4.html#post3872890775 | |||||||||||||||||||||||||
| |
|
15-01-2010, 10:32 PM
| #5 | |||||||||||||||||||||||||
| |
الحقيقة مأخذتش بالى .... بس متهيألى ماكنش فيها لكن مش متأكد !Addicted to Piano! | |||||||||||||||||||||||||
| |
|
18-01-2010, 12:44 AM
| #6 | |||||||||||||||||||||||||
| |
ساعات بيكون اوبشن!! شكراً لنقل التجربة يا سيف | |||||||||||||||||||||||||
| |
|
18-01-2010, 10:37 AM
| #7 | ||
| |
شكرا علي التجربه مهندس أحمد سمير | ||
| |
|
18-01-2010, 10:44 AM
| #8 | ||
| |
العربية اللى انت جربتها دى خردة و اسف على الكلمة دى . لان معايا هوندا سيفيك كوبيه 1998 و 1500 سى سى و الحمد لله العربية جميلة و سريعة و طبعا ثبات جميل . و لو عايز تشوفها ابقى كلمنى . انا عربيتى اوتوماتيك و دى بس اللى مزعلنى كان نفسى عربيتى تكون عادة لمتعة القيادة . FAKOUSSA | ||
| |
|
21-01-2010, 07:37 PM
| #9 | |||||||||||||||||||||||||
| |
العفو على إيه حضرتك ... دى حاجة على قدى كده  !Addicted to Piano! | |||||||||||||||||||||||||
| |
|
21-01-2010, 07:37 PM
| #10 | |||||||||||||||||||||||||
| |
العفو حضرتك !Addicted to Piano! | |||||||||||||||||||||||||
| |
|
| أدوات الموضوع | |
| انواع عرض الموضوع | |
| |
جميع المشاركات تعبر عن اراء ووجهة نظر اصحابها فقط والمنتدى غير مسئول عنها
تجربتى لهوندا سيفيك كوبيه موديل 2000 
العرض العادي
