نيسان التيما ولا تويوتا كامرى,,,عايز رايكم؟؟

**ahmedbibo** · 23-07-2010 03:58 AM

اه عشان احنا الى معاودنهم على كده من الاول عارف لو الحاجات زادت جنيه و قولنا لا مفيش حاجه هاتغلى امال ايه احنا هنزود تمن اللحمه 10 جنيه بس يا باشا الناس هتهيج كده ياعم تهيج ايه بس كلها يومين والناس هتشترى تانى

تلاقى واحد بيعمل اى حاجه غلط ياعم عادى احنا فى مصر

لا المليونرات بيشبعوا ولا الفقرا عارفين ياكلوا

ومحدش بقى زى زمان مفيش واحد بيدحك فى الشارع الا لو كان مجنون

حتى عشان تعمل مصلحه يطلع عينك يا راجل انا لما رخصت العربيه عشان ارخصها قعدت 6 ساعات 3 ساعات منهم عشان اجيب الراجل بتاع البصمه

ديه بقت حاجه تقرف ده لو بالضرايب و الجمارك بس الى بتيجى للدوله ممكن تحل الازمه الاقتصاديه العالميه دا احنا ممكن ندى ماعونه لامريكا يا جدع

ويقولك مصر فقيره

**mahmoodallam** · 23-07-2010 04:02 AM

المشاركة الأصلية كتبت بواسطة elrasy

بس نرجع ونقول احنا السبب علشان ساكتين على حقنا

في أوقات بقول احنا نستاهل اللي يجرالنا مادام ساكتين وقال ايه بنحمد ربنا
ايوا احمد ربنا بس مش معنى ده ان حقك يتاكل وخير بلدك يتنهب نهب وانت قاعد تتفرج .
لا ربنا ما قالش كدا حقك تدور عليه وتسعى لاخر لحظة في حياتك انك تاخدو حتى لو حقك ده 2 مليم .

**zsecsqxsw** · 23-07-2010 02:13 PM

والله انا حاليا في السعودية . . وكلمة حق : خد النيسان الالتيما
انا ركبت الثلاثة
اولا : الكامري الخامات من جوه كورولا بس على كبير شوية . . ومفيش منها الا اربعة سلندر حاليا فبالتالي السحب مش قد كده
هي ممكن تكون كويسى في سعر اعادة البيع و قطع الغيار لكن في الراحة كمان تخسر المنافسة

ثانيا : الاكورد .. عربية اصلا فخمة ( بس مش للدرجة اللى انت هتتوقعها ) و على رأي السعوديين " كشخة " يعني منظره .. المهم معروفة بانها تقيلة يعني مثلا الستة سلندر منها لو قارنته بالالتيما هيكون فرق واضح للالتيما مع ان الاثنين 6 سلندر وكسعر اعادة بيع فهو كويس ولكنه يعتبر الاقل بينهم وقطع الغيار غالية طبعا عن الكامري والالتيما

ثالثا : الوحش الياباني نيسان التيما واي كانت الدولة المصنعة .. فهي ناعمة جدااا وهادية وكمان اثبت من الكامري ولو الكلام على الستة سلندر
فمفيش عربية هتقارن بسحبها في نفس الفئة الا الاوريون ( وكمان الالتيما تطلع من الاوريون يعنى في السحب الالتيما اقوي ) ودي سعرها اعلى حبتين فمش هندخلها في المقارنة وكمان الالتيما هتعجبك جداا من جوه والخامات والتقفيل و غيره وبالنسبة لقطع الغيار فهي اغلى من الكامري واقل من الاكورد وسعر اعادة البيع كذلك اقل من الكامري واعلى من الاكورد

ودي مقارنة بسيطة في سحب وقوة العربيات :

الكامري : سعة المحرك 2400 سي سي , 157 حصان , العزم 220 نيوتن , الدفع امامى ( طبعا دي اربعة سلندر وهو بس اللى موجود )
الاكورد : سعة المحرك 3500 سي سي , 271 حصان , العزم 340 نيوتن , الدفع امامى
الالتيما : سعة المحرك 3500 سي سي , 270 حصان , العزم 350 نيوتن , الدفع امامى
المكسيما : 3500 سي سي , 290 حصان , العزم 350 نيوتن , الدفع امامى
الاوريون : 3500 سي سي , 268 حصان , العزم 340 نيوتن , الدفع امامى
----------------------------------------------------------------------------------------------------------------------
وخلى بالك انه اقواهم في التسارع الالتيما في حدود 6 ثوانى بالتمام والكمال ( والكمال لله وحده ) ويليها النيسان المكسيما بفارق ضئيل جداااااااااا 6.2 ثانية
وبعدهم الاوروين في حدود 6.5 ثانية

وده كله بسبب الوزن
الاكورد في حدود : 1645 كيلو جرام
الالتيما : 1549 كيلو جرام
المكسيما : في حدود 1623 كيلو جرام
الاوريون : 1625 كيلو جرام
الكامري : 1525 كيلو جرام

طبعا الاوزان دي مقربة جدااااااااااااااااااااا

وذي ما انت شايف انه احسن اختيار هو ::::::: النيسان الالتيما :::::::::::

المعلومات دي كلها من مجهودي الخاص ومن مجلات متخصصة في العربيات عندي وكمان من الواقع والتجربة الشخصية و المطارحة باكتر من عربية ( قصدي الشد والسباق بالعربيات دي في شوارع المدينة المنورة )

ومعلش لو كنت طولت في الموضوع بس انا احب لما اتكلم عن حاجة اكون فاهم فيها وبالارقام وواقع الخبره مش اي كلام وخلاص :d

ولك منى جزيل الشكر واتمنى اكون افدتك .. ( بس هي دي الخلاصة وانا لو مكانك هاخد الالتيما )

انا متأسف جدااااااااا لو كان الرد متأخر قوي بس انا لسة شايف الموضوع اعذرني معلش