الموضوع: محل الكاوتش اللى فى شارع السودان بيخرم الكاوتش

المشاركة الأصلية كتبت بواسطة sayedhassan

امبارح حصلى موقف حبيت احكيه ليكم علشان تخلوا بالكم كويس جدا من بتوع الكاوتش
انا ماشى فى شارع السودان لقيت واحد امام محل كاوتش بيقولى العجلة اليمين نايمة
ركنت على جنب وبصيت على العجلة تمام مش نايمة ولا حاجة
اسف للاطالة بس انا حبيت احكيلكم بالتفصيل حتى لا تقعوا فى نفس المقلب خلاصة الكلام
1- تعامل فقط مع بتاع الكاوتش اللى انت تعرفه
2- انزل من العربية وقف بجوار العامل
3- لا تترك العامل وتذهب الى العربية لو طلب منك يعنى لو قالك اكسر الدركسيون قله اكسره انت وخلى عينك عليه
4- لا تلحم لحام خوابير
5- عنوان بتاع الكاوتش شارع السودان بجوار السلام شوبنج سنتر

على فكرة امبارح حصل معايا فى نفس المحل ومسكتهم مسحت بيهم البلاط ... قولتلو يزود هو لقيتة ماسك كوريك وبيفك العجلة وشغال مع نفسة.

قولتلة انت مش سامعنى ولا اية ... انا بقولك زود هوا بس.

قالى يا بية مش هناخد كتير عشان هتنام منك.

قولتلة انت مش سامعنى ولا اية ... انا بقولك زود هوا بس.

بعد كدة مشيت رحت لاقرب محل كاوتش لقيت ضغط العجلة 45 والمفروض تبقى 30.

يعنى العجلة كانت مضبوطة اصلا، وعلى فكرة كانوا موقفين واحد بردة قالى ان العجلة نايمة.

المكان: شارع السودان امام معرض الشركة المتحدة بتاعت دايهاتسوا (كنت بدفع قسط العربية).


انا لى تجربة سيئة قبل دى ركبولى 61 خابور بـ 610 جنية واضطريت اغير الكاوتشات بـ 2000 جنية.

http://www.nilemotors.net/Nile/124691-61.html

للذهاب للموضوع

المشاركة الأصلية كتبت بواسطة ahmed-moga

حصل معايا الموضوع دة بس علي اسوأ ودفعت 250 وكان في بنزينه وكنت لسه جايب الكاوتش مبقلهوش 3 ايام وكان نوعه بيرل 6000 وداخل ازود هوا الواد قلي اباشا العجله دية لازم ينكشف عليها علشان الهوا 15 قلتله اكشف وفك العجله ونفخها علي الآخر وجاب قزازه فيها ميه وصابون وقعد يعدلي الأخرام اللي في الفرده حوالي 7 اخرام وهات ياخوابير بس المرة دية اختلف نوع الخابور ياباني ب12 جنيه وده كانت اول فرده وانا مش واخد بالي كان في صبي صغير كان بيشوفلي بقيه الهوا علي باقي العجلات واتاريه بيخرم بأبره وقالي العجل كله ناقص قوي ماعدا العجله اللي انا واقف ناحيتها وطبعا فكهم وهات ياخوابير وبعد عملية الخوبره حسابي طلع 250 بالمصنعيه والشاي بتاعهم اللي يطفحوة سم ينزل يقطع مصرينهم ان شاء الله وطبعا في كل فردة من التلاتة اتحط 7 او 8 خوابير في كل فردة خلصت مشواري اللي مقعدش ساعة وانا راجع لقيت واحد بيشاورلي في عربية جنب مني وبيقولي الفردة اللي ورا نايمه فركنت من حظي الحلو قدام واحد بتاع كاوتش غلبان وعارف ربنا فك الفردة وبص وقالي ايه دة يابيه العجله مش نافعه الخوابير معظمها جنب بعضيها وكسرت السلوك اللي جوة قلت يانهار اسود دة عملي ال3 فرد كده قالي انا هاعملك دية استبن وهابصلك علي ال2 الباقين لقاهم زيها قلتله ركبلي الأستبن بس وسيب الفرد دية زي ماهي بصراحة كنت خايف ليكون بيشتغلني فاتصلت بواحد صاحبي ظابط في جهاز امني حساس وقلتله علي اللي حصل قلي طب عدي عليه ان رايح الشغل دلوقتي عديت عليه خدته ورحنا لولاد 0000 قلتله الواد ده اللي عمل معايه النصبه فراح ندهله واول ماجه قله فك الفردتين دول قله خير هو فيهم حاجه قاله قالوا فكهم بس وانا هاقولك هب راحوا جايبين رفعتين وفكين الفرد وطلعتلهم الفرده اللي باظت قاله عندك كاوتش جديد 14 بريدجستون انا فهمت علي طول صاحبي في دماغه ايه المهم قالة مجود ياباشا بس غالي قاله مش مشكله عامل كام قاله 550 للفردة البنزينه دية في الدقي قدام الشيراتون اكيد عرفتوها بعدين صاحبي قاله ولا اقلك غيرلي ال4 فرد كدة يبقي حسابنا 2300 بالمصنعيه صح الواد فرح قال صح ياباشا المهم مكنش عندهم غير اتنين فقالي استريحوا يابشوات عقبال مانجيب الفردتين التانين من محل قريب منا راح قله أطلبنا شاي من الكوفي شوب بتاعكم والمشاريب عليكم ولاانتم بخله راح جري علشان يجيب الشاي قله ده انتم هاتشيلوا مشرييب قعدت اضحك طبعا اكيد انتم عرفتوا هوه في دماغه ايه المهم مفيش ربع ساعه وجابوا الفردتيين التانيين وهما بيركبوها عمل تليفون حوالي 15 ثانيه مدة المكالمه المهم راحوا مليين الكاوتش نتروجين وميه ميه راح قاله خد الكاوتش القديم ليك مش عايزينه الواد قعد يشكره وكان ناقص انه ينحني ليه نيجي لآحلي حته انا كنت مستنيها قاله حسابك كام فرد الصنايعي وقاله زي ماانت قلت الأول ولا انت بخيل وبترجع في كلامك قاله لأ انا مبرجعش في كلامي وهاتخده بزياده وحط صحبي ايده في جيب الجاكت والتاني فرحان ومستني الفلوس راح مطلع ايدة( وبصراحه هيه مش ايد زي ايد البشر)وراح طاخ بعزم مافيه بالقلم علي خلقته انا اتهيألي ساعتها ان في كاوتش فرقع الواد وقع علي جنبة من القلم الأول وهب اداله التاني الواد اغمي عليه فعلا وجم عمال البنزينه وهب جت عربية نجدة اللي كان طالبها ونزلوا وفضوا الأشتباك اللي كان هايروح فيه بقية العمال بتوع الكاوتش راح طبعا معرف ظابط النجده شخصيتة وعلي اللي عملوه في العربيه بعد ماالواد فوئوه وعرفوه غلطته واتاري كان معمول فيه محضر بسبب نفس الموضوع وصاحبي مصمم وفي دماغه الف فردة كاوتش انه لازم يخده معاة وبعد توسلات الصنايعه اللي معاه ليه سابه وكفايه عليه انه هايتحمل تمن الفرد الجديده واخدنا 250 اللي دفعتهم وسابنلهم ال3 فرد اللي بوظهم واخدنا ال2 السلام اديته واحدة لعربيته وانا اخدت واحده للأستبن بس واحنا ماشيين كنت هموت علي نفسي من الضحك قالي دول صنف مايجيش الا بالطرقعه لاحول ولاقوة الا بالله هو الواحد لازم يكون له ظهر علشان محدش يشتغله

والله انت راجل ابن راجل ... انا لي تجربة سيئة جدا.

http://www.nilemotors.net/Nile/124691-61.html

.