| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 2 من 4 الأولىالأولى 1 2 3 4 الأخيرةالأخيرة
النتائج 11 إلى 20 من 38

  1. #11

    الصورة الرمزية ahmed_su

    رقم العضوية : 9524

    تاريخ التسجيل : 24Apr2008

    المشاركات : 6,381

    النوع : ذكر

    الاقامة : Cairo

    السيارة: Tempra_1996

    السيارة[2]: Cerato _2008_Auto

    دراجة بخارية: NO

    الحالة : غير متواجد

    افتراضي -

    الموضوع كبييييييير اوى

    بس متابع بشغف

    Eng.Ahmed Ismail


    You Can't Never Ever to Keep a Nice Car in This Country....!!! S.O.S
    [sor2]http://www.wasit.net/alrowad/images/hit.gif[/sor2]

    كل شيء عن السيراتو

    _______________
    اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..


    اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..

    اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك


    ______________________
    [shfaf2]http://www7.0zz0.com/2011/11/29/23/575740455.gif[/shfaf2]


  2. #12

    الصورة الرمزية Ahmed Nouh

    رقم العضوية : 38300

    تاريخ التسجيل : 17Apr2009

    المشاركات : 2,671

    النوع : ذكر

    الاقامة : egYpt - Cairo

    السيارة: Pride 1.1 M\T 1999

    السيارة[2]: Lancer 1.3 M\T 2008

    دراجة بخارية: 000

    الحالة : غير متواجد

    افتراضي -

    يا جماعه انا مقولتش هيخلى المقاول يرسم هو اكيد مش هيبنى فرن بلدى

    انا قولت هو يروح للمقاول يجيب له المهندس اللى بيتعامل معاه لأن لو راح الحى علشان يقابل المهندس من نفسه كدا هيتعمل عليه احلى شغل فى الحى وانا اشتغلت الموضوع ده كتير وشوفت فيه ايام ما يعلم بيها الا ربنا

    مع المهندس بقا ممكن تتفاهم فى الرسومات والكلام ده لو ليك حاجه معينه عايزه يعملهالك وهو بيعرف يتصرف فى الكلام ده فى الرسم ويطلعه برده مطابق للمواصفات

    التكلفه الاجماليه المهندس يقدر يقولهالك كدا كروكى لكن فى الحقيقه هيطلعلك مصاريف اكتر والارض ممكن اوى تاخد مون اكتر من اللى المهندس عامل عليها لان انت مازال شغال بلدى ومش معقول هتجيب مهندس يمسك الارض لأنك كدا هتتكلف حاجه تانيه وهتبقى سلمته الارض وبتستلم منه على طول ودى حاجه تنفع فى الشغل التجارى وانك تكون راجل بتفهم فى المبانى وتعرف تراجع وراه لكن لفرد عادى المهندس والمقاول هيحطك فى جيبه ويعمل عليك شغل

    الحكايه من برا كدا سهله لكن فى التعاملات اثناء الشغل فيه حاجات كتير بتتعرف مع الخبره

    انت اول حاجه بس اختار مقاول يعملك الشغل وقابل المهندس اتفق معاه على الرخصه والادوار وفى حاله ارضك هتعمل الرخصه حوالى 8 وبعدين قبل ما تبدأ ممكن تسأل تانى وربنا يقدرنا جميعا ونقولك على اللى نعرفه

    بس مقولتلناش الارض فين ولو فى حد اقصى للأدوار فى المنطقه او مساحه مستقطعه للشارع او حديقه او خلافه , على العموم هى الرخصه هتلاقيها 6 أو 12 علطول دلوقتى مفيش ادوار تانيه


    إفـلــت زمـام امـالــك


  3. #13

    الصورة الرمزية bishoo33

    رقم العضوية : 157

    تاريخ التسجيل : 24Apr2007

    المشاركات : 499

    النوع : ذكر

    الاقامة : الأسكندرية - محرم بك - الرصافة

    السيارة: كيا برايد 2003 سيدان

    السيارة[2]: هيونداى ماتريكس 2008

    دراجة بخارية: غير موجود

    الحالة : غير متواجد

    افتراضي -

    دوستم على الجرح
    اليومين دوله بفكر فى حاجه ذى كده
    متابع بأهتمام وكلى شغف لكل جديد

    أخوكم فى الله محمد مبروك


  4. #14

    الصورة الرمزية ashour100

    رقم العضوية : 132

    تاريخ التسجيل : 24Apr2007

    المشاركات : 155

    النوع : ذكر

    الاقامة : KSA

    السيارة: abc

    السيارة[2]: megane 2008

    دراجة بخارية: aaa

    الحالة : غير متواجد

    افتراضي جزاكم الله خيراً -

    السلام عليكم

    جزاكم الله خيراً، وخالص الشكر والتقدير للجميع:

    الاستاذ AhmedONouh: وفيت يا باشا وربنا يبارك ليك ولوالدك ويرزقكم من فضله.

    وشكر خاص لكل منA.Saad، Mostafa_Elhussain، HanyHany، : KSA2011، osoliman88.

    والحمد لله عرفت معلومات اقدر ابدأ بيها إن شاء الله

    * يبقى الخطوة الأولى هي الحصول على الرخصة، وده يتم عن طريق البحث عن المقاول والاتفاق معه، والوصول الى مهندس الحي عن طريقه.

    طيب سؤال 1 ؟
    هو مهندس الحي بيكون ليه في الرسومات والانشاءات بشكل فني، ولا دوره يجيب الموافقة بس.
    يعني ايهم احسن الذهاب الى مهندس معماري يرسم ويحدد المطلوب، واخد الرسمة وادور على المقاول، ومنه لمهندس الحي؟ ( وفي الحالة ديه تكلفة المهندس المعماري بتكون في حدود كام؟ )
    ولا اتجه مباشرة للبحث عن المقاول ومنه لمهندس الحي، ومهندس الحي يحدد الرسمه ويجيب الموافقة، ونوفر تكاليف المهندس المعماري.

    سؤال 2 ؟
    تكلفة الرخصة على ما ذكر في حدود متوسط 8، هل ده يشمل الورق والرسوم واكراميه مهندس الحي، ولا ايه بالضبط؟

    سؤال 3 ؟
    الوقت المستغرق للحصول على الرخصة في حدود قد ايه ؟

    سؤال 4 ؟
    في ناس تم ذكرها في المشاركات السابقة وموش عارف دورهم ايه بالظبط ؟

    المقاول، الحفار، الموان، المهندس المدني.

    سؤال 5 ؟
    فيه معلومات موش عارف يعني ايه ؟

    خوازيق في حالة وجود جيران، الردم بالرمل، عزل القواعد، الدور السحري.

    سؤال 6 ؟
    الارض مبني على جزء منها مبنى قديم بسيط في حدود 60 م والباقي جنينة 290، أي انها ارض اعتقد طينية، وامامها مصرف.
    فهل في اجراءات خاصة بالدور الارضي لضمان سلامته بعيد عن اي مشاكل تسريب مياه، والبعض يشير علي بتغطية الجزء من المصرف المار أمام الأرض على حسابي الشخصي عن طريق مواسير، فهل ده حل مناسب للتخلص من المصرف

    سؤال 7 ؟
    في حالة الحصول على الرخصة ان شاء الله، فيه وقت معين للبناء، تكون الايد العاملة ارخص ( شتاء، صيف، ....) ؟

    سؤال 8 ؟
    في حالة توافر السيولة المادية ممكن المشروع يخلص في وقت قد ايه؟

    ويارب ما كون طولت عليكم ولكم كل المودة والتقدير.


  5. #15

    الصورة الرمزية Ahmed Nouh

    رقم العضوية : 38300

    تاريخ التسجيل : 17Apr2009

    المشاركات : 2,671

    النوع : ذكر

    الاقامة : egYpt - Cairo

    السيارة: Pride 1.1 M\T 1999

    السيارة[2]: Lancer 1.3 M\T 2008

    دراجة بخارية: 000

    الحالة : غير متواجد

    افتراضي -

    اقتباس المشاركة الأصلية كتبت بواسطة ashour100 مشاهدة المشاركة
    السلام عليكم

    جزاكم الله خيراً، وخالص الشكر والتقدير للجميع:

    الاستاذ AhmedONouh: وفيت يا باشا وربنا يبارك ليك ولوالدك ويرزقكم من فضله.

    وشكر خاص لكل منA.Saad، Mostafa_Elhussain، HanyHany، : KSA2011، osoliman88.

    والحمد لله عرفت معلومات اقدر ابدأ بيها إن شاء الله

    * يبقى الخطوة الأولى هي الحصول على الرخصة، وده يتم عن طريق البحث عن المقاول والاتفاق معه، والوصول الى مهندس الحي عن طريقه.

    طيب سؤال 1 ؟
    هو مهندس الحي بيكون ليه في الرسومات والانشاءات بشكل فني، ولا دوره يجيب الموافقة بس.
    يعني ايهم احسن الذهاب الى مهندس معماري يرسم ويحدد المطلوب، واخد الرسمة وادور على المقاول، ومنه لمهندس الحي؟ ( وفي الحالة ديه تكلفة المهندس المعماري بتكون في حدود كام؟ )
    ولا اتجه مباشرة للبحث عن المقاول ومنه لمهندس الحي، ومهندس الحي يحدد الرسمه ويجيب الموافقة، ونوفر تكاليف المهندس المعماري.

    سؤال 2 ؟
    تكلفة الرخصة على ما ذكر في حدود متوسط 8، هل ده يشمل الورق والرسوم واكراميه مهندس الحي، ولا ايه بالضبط؟

    سؤال 3 ؟
    الوقت المستغرق للحصول على الرخصة في حدود قد ايه ؟

    سؤال 4 ؟
    في ناس تم ذكرها في المشاركات السابقة وموش عارف دورهم ايه بالظبط ؟

    المقاول، الحفار، الموان، المهندس المدني.

    سؤال 5 ؟
    فيه معلومات موش عارف يعني ايه ؟

    خوازيق في حالة وجود جيران، الردم بالرمل، عزل القواعد، الدور السحري.

    سؤال 6 ؟
    الارض مبني على جزء منها مبنى قديم بسيط في حدود 60 م والباقي جنينة 290، أي انها ارض اعتقد طينية، وامامها مصرف.
    فهل في اجراءات خاصة بالدور الارضي لضمان سلامته بعيد عن اي مشاكل تسريب مياه، والبعض يشير علي بتغطية الجزء من المصرف المار أمام الأرض على حسابي الشخصي عن طريق مواسير، فهل ده حل مناسب للتخلص من المصرف

    سؤال 7 ؟
    في حالة الحصول على الرخصة ان شاء الله، فيه وقت معين للبناء، تكون الايد العاملة ارخص ( شتاء، صيف، ....) ؟

    سؤال 8 ؟
    في حالة توافر السيولة المادية ممكن المشروع يخلص في وقت قد ايه؟

    ويارب ما كون طولت عليكم ولكم كل المودة والتقدير.
    الله يكرمك يا استاذ عاشور وربنا يتممها لك على خير ان شاء الله

    1 - المهندس بتاع الحى هو مهندس مدنى عادى بس كل ما هنالك انه متعين فى الحى وبيبقى ليه سكه جوا فبيريحك من قرف الجرى ورا الورق واكراميات الحى وهو بيتعامل بطريقته , معنديش فكره لو مهندس من برا هيتكلف كام بس لو فعلا محتاج يبقى المهندس ده فاهم كويس اوى رخامه مهندسين الحى لأنك اخدت اللقمه منهم وهيبدأو يطلعولك غلطات فى الرسم لا تتوافق مع متطلبات الحى بعكس لو المهندس اللى انت جيبته من جو هيمشيلك حاجات مخالفه كمان لو تحب واعمل حسابك ان لو عملتها عند مهندس برا برده هتدفع فى الحى لأن مفيش حاجه بتخلص فى الحى ببلاش ابدا

    2 - تكلفه الرخصه اللى بيتفق معاها المهندس عليها دى بتبقى 70% ليه والباقى رسوم وهياخدها ومش هيطلب منك جنيه تانى هو بقى بيطلع منها نصيبه والاكراميات للناس اللى جوا ومصاريف الورق

    3 - زمن الرخصه حسب الضغط على الحى بتاعك من ناحيه الانشاءات بس بتاخد عامه من شهر لشهرين يمكن اقل ويمكن أزيد بس طبعا انت تابع مع المهندس الورق فين دلوقتى كل اسبوع

    4 - المقاول : ده هو اللى هيمسك عمليه البناء هيجيب لك المعدات والعمال فى كل المراحل وهيشرف على الشغل وهيستلم من العمال ويسلمك وهو اللى عنده الخشب اللى هتشتغل بيه وتقدر تقول انه المهندس التنفيذى للمشروع

    الحفار : ده هتحتاجه فى حاله اذا كان المقاول ملوش دعوه بأعمال الحفر , بيبقى واحد هيجيبهولك المقاول يجيبلك حفار اللى هو بجنزير وبلدوزر علشان تحفر الارض للقواعد هتلاقيه بيقول عليها لبشه :) , وهتحتاجه تانى للردم على القواعد بعد ما تخلص ومجرد ما طلعت بعواميد الاول مش هتشوف وشه تانى

    المهندس المدنى : فى ناس بتبقى مش فاضيه للبناء فبتجيب مهندس يمسك الموضوع من اوله لأخره وانت بس تديله فلوس وتراجع وراه فواتير وبعدين تستلم منه وهو بقى بيروح للمقاول ويتفاهم معاه ويبقى انت برا الموضوع خالص

    الموان : ده اللى هتجيب منه الطوب والاسمنت والحديد والزلط وده ليه حكايه طويله فى التعامل هقولهالك فى الاخر


    5 - الخوازيق دى نوع من انواع القواعد , فى ناس بتعمل بس حفر على قد العواميد المسلحه وتصب فيها مسلح وتطلع منها العواميد لحد فوق ودى بتبقى فى بيوت الاهالى اللى مش هتعلى عن 4 ادوار وبيبقى صاحب البيت مش عايز يدخل نفسه فى تكلفه كبيره , وفى قواعد مسلحه اللى هى تحفر الارض كلها وبعدين تصب فيها كلها مسلح ودى بتبقى فى العمارات المساحات الكبيره وادوارها عاليه وبيعملها الاهالى عادى بس اللى عايزين بيت واقف صح ومخدوم ومش مهم التكلفه لأنها بترمى معاك فلوس جامد وبيبقى شدتها حسب سمكها وبيتعمل لها الاول صبه اسمنت وبعدين صبه مسلح اقفاص حديد بكل مساحه الارض يتصب فيها اسمنت بزلط برمل والكلام ده المهندس هيبقى يكلمك فيه وقت الرسمه حسب متطلباتك وظروفك الماديه

    بص فى الصوره دى , اللى تحت ده 20 سم من الصبه العاديه والاقفاص دى كانت تجهيز رمى الصبه فى القواعد المسلح





    الردم بالرمل : انت طبعا هتحفر علشان تعمل قواعد وبعد ما تخلص سواء كانت مسلحه او خوازيق وتعمل سملات الدور الاول والعواميد عايز بقا تردم الفراغ ده علشان يبقى الدور الارضى ليه ارضيه لأن القواعد دى بتبقى سطح الارض بشويه وانت الاول هيبقى عالى ففى ناس بتردم بالتراب اللى طلعته تانى لكن فى حالتك انت بتقول الارض طين يبقى علشان الطين ده ميريحش ويقرفك فى الارضيات بعد كدا ممكن تردم برمله نضافه ومش هتريح مع الوقت

    الدور السحرى : هو هو فكره الجراج , انت طبعا مش هتبنى بسوا الشارع لكن هتطلع على الاقل متر عن الشارع ودايما خليك اعلى واحد فى الجيران علشان لما تحب تبيع ده بيرفع سعر البيت وبيديله واجهه فى وسط الشارع الا اذا كان الشارع ده متسفلت وكبير , فالدور ده بتعمل انك تعلى البيت شويه كمان ويبقى من غير ما تردم فى فرق بين الاول والقواعد تروح فاتح فيه ابواب دكاكين ويبقى تدخله بالعربيه بمنزل كجراج او تأجره مخازن او خلافه بس نصيحه بلاش تعمل كدا لو ارضك فيها ميه هيعملك مشاكل مستقبليا او هيصرف معاك عزل كتير جدا دلوقتى لو هتتلافى المشكله دى

    بص الصوره دى ده كدا القواعد المسلحه خلصت والعواميد اللى طالعه دى اللى هى انت هتقف عليها بالدور الاول وخلى بالك راس العمود من فوق توازى سطح الشارع يعنى كل الهيصه دى تحت فأنت بقا المفروض تردم الكلام ده علشان يبقى فى ارض للأول وفى نفس الوقت ممكن تعلى العواميد دى شويه كمان وتعملها جراج



    ودى العواميد دى وهى بتتقفل بحوائط تجهيزا للردم وبص هتلاقى العمود من فوق يادوب بسوا البيت اللى فى الوش



    وبعدين بيتم عمل حاجه اسمها سمل وهى كمره هيترص عليه الطوب بعد كدا للأول



    ودى بعد ما اتردم بص الحيطه اللى كانت فوق بقت فين والكمر اللى معدى ده ( السمل ) هو ده بدايه الاول



    وكدا الاول خلص هترص الطوب وتصب وتكمل بقا الادوار عواميد طوب صب بنفس المنوال



    عزل القواعد : بيبقى بمواد كيماويه وده علشان لو الارض رشحت ميه متبوظش لك الشغل اللى انت عملته تحت وده بيحميك على المدى الطويل خصوصا ان طبيعه ارضك اكيد فيها ميه وكمان بيبقى الموضوع ده مفيد فى ان الدور الاول يبقى الرطوبه فى الحوائط فيه قليله والدهان ميقشرش مع الوقت زى كل الادوار الارضى اللى مش معزوله


    6 - انا هقولك رأى بس انا مش مهندس طبعا فحد من الاخوه المهندسين يفيدك اكتر منى بكتير , الارض اللى فيها ميه مصرف دى بتتعامل نفس معامله ارض فيها ميه مالحه وبيتم استخدام اسمنت لكل القواعد اسمه Sea water او بيقول عليه المقاول السويتر وده بيبقى اسمنت معالج انه يقاوم الميه المالحه وتأثيرها على المدى الطويل وفى فكره تانيه كنا بنعملها فى الاراضى اللى زى كدا , بعد ما القواعد بتخلص بنبنى تحت الارض بجانب القواعد قبل الردم حائط طوب بينه وبين القواعد حوالى 10 سم من كل جوانب اللارض اللى مفيهاش جيران وبعدين نعزل الحائط ده كله ببلك كويس قوى وكدا انسى ان الميه تعدى للقواعد نهائى لا فوق ولا تحت لأن انت بيبقى تحت المسلح فى طبقه اسمنت عادى تحميه اساسا من الميه اللى تحته

    7 - لا عادى هى نفس اليوميه وبعدين انت ملكش دعوه بالموضوع ده انت مثلا هتتفق مع المقاول ان المتر ب 45 وخلاص هو بقا بيدفعلهم

    8 - والله حسب تساهيل ربنا , ممكن القواعد تاخدلها شهرين شغل على ما تطلع بيها فوق الارض وممكن ربنا يسهلها فى شهر تكون خلصت حسب المشاكل اللى هتقابلك وظروف المقاول اللى انت شغال معاه بس بشكل عام بعد ما تطلع بالاول خلاص لو انت هتبقى معلق اللى هو الطوب بعد البنا ممكن تخلص دور كل اسبوع لكن لو هتبقى طوب الاول وتصب عليه وده الافضل للبيت طبعا الدور هياخد اسبوعين وهو مرتاح


    معلش انا اسف لو كترت الصور بس انا خدت بالى ان خبرت قليله فى الموضوع فمش هتبقى متخيل معاى اللى بشرحهولك وفكرت ان الصور افضل

    وتحت امرك فى اى اسئله تانيه


    إفـلــت زمـام امـالــك


  6. #16

    الصورة الرمزية bishoo33

    رقم العضوية : 157

    تاريخ التسجيل : 24Apr2007

    المشاركات : 499

    النوع : ذكر

    الاقامة : الأسكندرية - محرم بك - الرصافة

    السيارة: كيا برايد 2003 سيدان

    السيارة[2]: هيونداى ماتريكس 2008

    دراجة بخارية: غير موجود

    الحالة : غير متواجد

    افتراضي -

    رائع يا أحمد
    والله العظيم انا سعيد جدا لأنى بدأت أفهم الprocess ماشيه ازاى
    الله ينور عليك

    أخوكم فى الله محمد مبروك


  7. #17

    الصورة الرمزية د.اسماعيل النجار

    رقم العضوية : 3178

    تاريخ التسجيل : 13Nov2007

    المشاركات : 513

    النوع : ذكر

    الاقامة : طنطا

    السيارة: تويوتا كورولا mmt2008

    السيارة[2]: اوبل قيكترا c2007

    دراجة بخارية: لايوجد

    الحالة : غير متواجد

    افتراضي -

    اقتباس المشاركة الأصلية كتبت بواسطة ahmed0nouh مشاهدة المشاركة


    الله يكرمك يا استاذ عاشور وربنا يتممها لك على خير ان شاء الله

    1 - المهندس بتاع الحى هو مهندس مدنى عادى بس كل ما هنالك انه متعين فى الحى وبيبقى ليه سكه جوا فبيريحك من قرف الجرى ورا الورق واكراميات الحى وهو بيتعامل بطريقته , معنديش فكره لو مهندس من برا هيتكلف كام بس لو فعلا محتاج يبقى المهندس ده فاهم كويس اوى رخامه مهندسين الحى لأنك اخدت اللقمه منهم وهيبدأو يطلعولك غلطات فى الرسم لا تتوافق مع متطلبات الحى بعكس لو المهندس اللى انت جيبته من جو هيمشيلك حاجات مخالفه كمان لو تحب واعمل حسابك ان لو عملتها عند مهندس برا برده هتدفع فى الحى لأن مفيش حاجه بتخلص فى الحى ببلاش ابدا

    2 - تكلفه الرخصه اللى بيتفق معاها المهندس عليها دى بتبقى 70% ليه والباقى رسوم وهياخدها ومش هيطلب منك جنيه تانى هو بقى بيطلع منها نصيبه والاكراميات للناس اللى جوا ومصاريف الورق

    3 - زمن الرخصه حسب الضغط على الحى بتاعك من ناحيه الانشاءات بس بتاخد عامه من شهر لشهرين يمكن اقل ويمكن أزيد بس طبعا انت تابع مع المهندس الورق فين دلوقتى كل اسبوع

    4 - المقاول : ده هو اللى هيمسك عمليه البناء هيجيب لك المعدات والعمال فى كل المراحل وهيشرف على الشغل وهيستلم من العمال ويسلمك وهو اللى عنده الخشب اللى هتشتغل بيه وتقدر تقول انه المهندس التنفيذى للمشروع

    الحفار : ده هتحتاجه فى حاله اذا كان المقاول ملوش دعوه بأعمال الحفر , بيبقى واحد هيجيبهولك المقاول يجيبلك حفار اللى هو بجنزير وبلدوزر علشان تحفر الارض للقواعد هتلاقيه بيقول عليها لبشه :) , وهتحتاجه تانى للردم على القواعد بعد ما تخلص ومجرد ما طلعت بعواميد الاول مش هتشوف وشه تانى

    المهندس المدنى : فى ناس بتبقى مش فاضيه للبناء فبتجيب مهندس يمسك الموضوع من اوله لأخره وانت بس تديله فلوس وتراجع وراه فواتير وبعدين تستلم منه وهو بقى بيروح للمقاول ويتفاهم معاه ويبقى انت برا الموضوع خالص

    الموان : ده اللى هتجيب منه الطوب والاسمنت والحديد والزلط وده ليه حكايه طويله فى التعامل هقولهالك فى الاخر


    5 - الخوازيق دى نوع من انواع القواعد , فى ناس بتعمل بس حفر على قد العواميد المسلحه وتصب فيها مسلح وتطلع منها العواميد لحد فوق ودى بتبقى فى بيوت الاهالى اللى مش هتعلى عن 4 ادوار وبيبقى صاحب البيت مش عايز يدخل نفسه فى تكلفه كبيره , وفى قواعد مسلحه اللى هى تحفر الارض كلها وبعدين تصب فيها كلها مسلح ودى بتبقى فى العمارات المساحات الكبيره وادوارها عاليه وبيعملها الاهالى عادى بس اللى عايزين بيت واقف صح ومخدوم ومش مهم التكلفه لأنها بترمى معاك فلوس جامد وبيبقى شدتها حسب سمكها وبيتعمل لها الاول صبه اسمنت وبعدين صبه مسلح اقفاص حديد بكل مساحه الارض يتصب فيها اسمنت بزلط برمل والكلام ده المهندس هيبقى يكلمك فيه وقت الرسمه حسب متطلباتك وظروفك الماديه

    بص فى الصوره دى , اللى تحت ده 20 سم من الصبه العاديه والاقفاص دى كانت تجهيز رمى الصبه فى القواعد المسلح





    الردم بالرمل : انت طبعا هتحفر علشان تعمل قواعد وبعد ما تخلص سواء كانت مسلحه او خوازيق وتعمل سملات الدور الاول والعواميد عايز بقا تردم الفراغ ده علشان يبقى الدور الارضى ليه ارضيه لأن القواعد دى بتبقى سطح الارض بشويه وانت الاول هيبقى عالى ففى ناس بتردم بالتراب اللى طلعته تانى لكن فى حالتك انت بتقول الارض طين يبقى علشان الطين ده ميريحش ويقرفك فى الارضيات بعد كدا ممكن تردم برمله نضافه ومش هتريح مع الوقت

    الدور السحرى : هو هو فكره الجراج , انت طبعا مش هتبنى بسوا الشارع لكن هتطلع على الاقل متر عن الشارع ودايما خليك اعلى واحد فى الجيران علشان لما تحب تبيع ده بيرفع سعر البيت وبيديله واجهه فى وسط الشارع الا اذا كان الشارع ده متسفلت وكبير , فالدور ده بتعمل انك تعلى البيت شويه كمان ويبقى من غير ما تردم فى فرق بين الاول والقواعد تروح فاتح فيه ابواب دكاكين ويبقى تدخله بالعربيه بمنزل كجراج او تأجره مخازن او خلافه بس نصيحه بلاش تعمل كدا لو ارضك فيها ميه هيعملك مشاكل مستقبليا او هيصرف معاك عزل كتير جدا دلوقتى لو هتتلافى المشكله دى

    بص الصوره دى ده كدا القواعد المسلحه خلصت والعواميد اللى طالعه دى اللى هى انت هتقف عليها بالدور الاول وخلى بالك راس العمود من فوق توازى سطح الشارع يعنى كل الهيصه دى تحت فأنت بقا المفروض تردم الكلام ده علشان يبقى فى ارض للأول وفى نفس الوقت ممكن تعلى العواميد دى شويه كمان وتعملها جراج



    ودى العواميد دى وهى بتتقفل بحوائط تجهيزا للردم وبص هتلاقى العمود من فوق يادوب بسوا البيت اللى فى الوش



    وبعدين بيتم عمل حاجه اسمها سمل وهى كمره هيترص عليه الطوب بعد كدا للأول



    ودى بعد ما اتردم بص الحيطه اللى كانت فوق بقت فين والكمر اللى معدى ده ( السمل ) هو ده بدايه الاول



    وكدا الاول خلص هترص الطوب وتصب وتكمل بقا الادوار عواميد طوب صب بنفس المنوال



    عزل القواعد : بيبقى بمواد كيماويه وده علشان لو الارض رشحت ميه متبوظش لك الشغل اللى انت عملته تحت وده بيحميك على المدى الطويل خصوصا ان طبيعه ارضك اكيد فيها ميه وكمان بيبقى الموضوع ده مفيد فى ان الدور الاول يبقى الرطوبه فى الحوائط فيه قليله والدهان ميقشرش مع الوقت زى كل الادوار الارضى اللى مش معزوله


    6 - انا هقولك رأى بس انا مش مهندس طبعا فحد من الاخوه المهندسين يفيدك اكتر منى بكتير , الارض اللى فيها ميه مصرف دى بتتعامل نفس معامله ارض فيها ميه مالحه وبيتم استخدام اسمنت لكل القواعد اسمه sea water او بيقول عليه المقاول السويتر وده بيبقى اسمنت معالج انه يقاوم الميه المالحه وتأثيرها على المدى الطويل وفى فكره تانيه كنا بنعملها فى الاراضى اللى زى كدا , بعد ما القواعد بتخلص بنبنى تحت الارض بجانب القواعد قبل الردم حائط طوب بينه وبين القواعد حوالى 10 سم من كل جوانب اللارض اللى مفيهاش جيران وبعدين نعزل الحائط ده كله ببلك كويس قوى وكدا انسى ان الميه تعدى للقواعد نهائى لا فوق ولا تحت لأن انت بيبقى تحت المسلح فى طبقه اسمنت عادى تحميه اساسا من الميه اللى تحته

    7 - لا عادى هى نفس اليوميه وبعدين انت ملكش دعوه بالموضوع ده انت مثلا هتتفق مع المقاول ان المتر ب 45 وخلاص هو بقا بيدفعلهم

    8 - والله حسب تساهيل ربنا , ممكن القواعد تاخدلها شهرين شغل على ما تطلع بيها فوق الارض وممكن ربنا يسهلها فى شهر تكون خلصت حسب المشاكل اللى هتقابلك وظروف المقاول اللى انت شغال معاه بس بشكل عام بعد ما تطلع بالاول خلاص لو انت هتبقى معلق اللى هو الطوب بعد البنا ممكن تخلص دور كل اسبوع لكن لو هتبقى طوب الاول وتصب عليه وده الافضل للبيت طبعا الدور هياخد اسبوعين وهو مرتاح


    معلش انا اسف لو كترت الصور بس انا خدت بالى ان خبرت قليله فى الموضوع فمش هتبقى متخيل معاى اللى بشرحهولك وفكرت ان الصور افضل

    وتحت امرك فى اى اسئله تانيه

    ===================================
    الف شكر على الشرح الجميل الوافى لكن لى استفسار حضرتك شرحت فى البند 5 نظام الخوازيق والقواعد واللبشة وقبل كدة قلت لو فية جار فايه علاقة نظام اللبشة بالجار يعنى افترض انى انا الجار ايه حقى على اللى بيبنى يعن يحفر جنبى مباشرة لغاىة اساسات بيتى اوحتى اسفل وهل دا له تاثير على بيتى ولا يترك مسافة غير محفورة بينى وبينه ولو كان حقه الحفر بكامل المساحة وبجوارى مباشرة فاية الحتياطات اللى ممكن اعمله علشان بيتى مايريحش او يميل ناحية الجار نتيجة الوزن الهائل على التربة المجاورة لى

    د/اسماعيل النجار


  8. #18

    الصورة الرمزية tabeb

    رقم العضوية : 34542

    تاريخ التسجيل : 04Mar2009

    المشاركات : 1,393

    النوع : ذكر

    الاقامة : GIZA

    السيارة: 2olo ya rab

    السيارة[2]: fiat 131

    الحالة : غير متواجد

    افتراضي -

    موضوع جميل
    ليا سؤالين لو سمحتم
    اولا الرخصة دي شكلها ايه؟
    لان احنا مرخصين وللاسف مش لاقي الرخصة بس فيه الورق الهندسي اللي هو علي ورق الكلك معمول ب5 ادوار واحنا مطلعين 3

    ثانيا تكلفة الدور كام علما ان الارض مكتوبة في العقد 178 متر


  9. #19

    الصورة الرمزية Ahmed Nouh

    رقم العضوية : 38300

    تاريخ التسجيل : 17Apr2009

    المشاركات : 2,671

    النوع : ذكر

    الاقامة : egYpt - Cairo

    السيارة: Pride 1.1 M\T 1999

    السيارة[2]: Lancer 1.3 M\T 2008

    دراجة بخارية: 000

    الحالة : غير متواجد

    افتراضي -

    اقتباس المشاركة الأصلية كتبت بواسطة bishoo33 مشاهدة المشاركة
    رائع يا أحمد
    والله العظيم انا سعيد جدا لأنى بدأت أفهم الprocess ماشيه ازاى
    الله ينور عليك
    اى خدمه ولو عندك اى استفسار تحت امرك

    اقتباس المشاركة الأصلية كتبت بواسطة surgeon1 مشاهدة المشاركة
    ===================================
    الف شكر على الشرح الجميل الوافى لكن لى استفسار حضرتك شرحت فى البند 5 نظام الخوازيق والقواعد واللبشة وقبل كدة قلت لو فية جار فايه علاقة نظام اللبشة بالجار يعنى افترض انى انا الجار ايه حقى على اللى بيبنى يعن يحفر جنبى مباشرة لغاىة اساسات بيتى اوحتى اسفل وهل دا له تاثير على بيتى ولا يترك مسافة غير محفورة بينى وبينه ولو كان حقه الحفر بكامل المساحة وبجوارى مباشرة فاية الحتياطات اللى ممكن اعمله علشان بيتى مايريحش او يميل ناحية الجار نتيجة الوزن الهائل على التربة المجاورة لى
    العفو يا دكتور

    والله انا مكدبش عليك معرفش ايه علاقه تفضيل الخوازيق فى حاله وجود جار لأنى لسه واخد بالى دلوقتى من كلام استاذ احمد سعد فى النقطه دى ومش عارف اذا كان قصده على خوازيق القواعد ولا نوع تانى بيتم تنفيذه فى حاله الجيران انا كنت بشرح الفرق بين القواعد فى البيوت العاديه بشكل عام

    بس تقدر تقول فى حاله وجود جيران بنقول ان البيوت شايله بعضها وتقليلا للتكلفه بنعمل خوازيق بدلا من قواعد مسلحه وده طبعا فى حاله لو البيت مش هيطلع بأدوار كتير وليكن مثلا اخر الحركه دى فى حدود 5 ادوار واكتر من كدا يبقى لازم قواعد وطبعا التقديرات دى بتكون من تخصص المهندس اللى هيعمل الرسمه

    وطبعا التربه مفيش مجال انها تريح من على الاجناب لأنك بتبقى لازق فى الجار وفى عواميد على الحرف ماسكه البيت داير وبيبقى مقاس عواميد الحواف اكبر من مقاس العواميد اللى جوا علشان بتبقى محمله


    اقتباس المشاركة الأصلية كتبت بواسطة tabeb مشاهدة المشاركة
    موضوع جميل
    ليا سؤالين لو سمحتم
    اولا الرخصة دي شكلها ايه؟
    لان احنا مرخصين وللاسف مش لاقي الرخصة بس فيه الورق الهندسي اللي هو علي ورق الكلك معمول ب5 ادوار واحنا مطلعين 3

    ثانيا تكلفة الدور كام علما ان الارض مكتوبة في العقد 178 متر
    الرخصه بتبقى الرسم الهندسى بتاع البيت ومعاها ورقه واحده فيها اختام وبيانات الارض , ولو لقيتها قبل ما تشتغل صور الرخصه الهندسيه الكبيره 5 صور وخليها عندك فى مكتبات كبيره بتصور الخرايط

    الادوار المخالفه دى هتعمل مشاكل فى دخول المرافق حاول تتصرف فيها من دلوقتى وتروح الحى تزود ادوار على الرخصه هيجى معاك مهندس يعاين الاساسات علشان يصرحلك بالادوار الجديده لازم تأكله جامد علشان ممكن يجيبلك ازاله فى يوم وليله وخليك انت سباق وروح اتصرف فيها بدل ما لا قدر الله يجولك هما

    تكلفه الدور بصراحه مقدرش افيدك فيها لأنها معتمده على مساحه الارض ومقاسات العواميد وعددها فأنت تحسبها بأجره المقاول فى المتر والمون اللى محتاجها


    إفـلــت زمـام امـالــك


  10. #20

    الصورة الرمزية A.Saad

    رقم العضوية : 25216

    تاريخ التسجيل : 15Nov2008

    المشاركات : 14,019

    النوع : ذكر

    الاقامة : Haram & My mobile phone

    السيارة: New Accent 08

    السيارة[2]: Picanto 09

    دراجة بخارية: no

    الحالة : غير متواجد

    افتراضي -

    الخوازيق اللى بين الجيران

    عارفين الناس اللى بييجوا يحفروا فى الارض برافعة بينزلوها وتلاقيهم بيلفوا حواليها وبيقعدوا يغنوا اغانى جميلة
    دول كدة بينزلوا الخازوق
    وده فكرته
    اسياخ حديد ملفوفه على شكل دايرة بتنزل فى الارض ويتصب عليها خرسانة والمسافة بينهم تقريبا متر او نص متر مش فاكر
    والهدف ان التربة ما تتحركش من تحت بيت الجار

    التربة ممكن تتحرك امتى
    لو اللى هيحفر نزل عنك
    او انه عنده مياة فى الارض وسحبها بغشومية يعنى جاب ماكينة سريعة للسحب

    surgeon

    طبعا اللى بينبى يعمل الخوازيق
    كمان يحط عازل بينه وبين الجار فى الاماكن الخرسانة علاشن ما تلزقش
    العاظل ده ممكن يكون
    ابلاكاش
    الواح فوم
    او شكاير اسمنت ودى اضعفهم والبديل الفوم والابلاكاش مش غاليين

    A.Saad



 
صفحة 2 من 4 الأولىالأولى 1 2 3 4 الأخيرةالأخيرة

المواضيع المتشابهه

  1. تكلفة بناء دور تانى كام والتراخيص
    بواسطة beshomilan في المنتدى المنتــــــدى الاجتمــاعى
    مشاركات: 11
    آخر مشاركة: 21-10-2012, 06:05 PM
  2. تكلفة بناء دور ارضى + اول علوى على مساحة 105 متر كام؟
    بواسطة mohaismail في المنتدى المنتــــــدى الاجتمــاعى
    مشاركات: 15
    آخر مشاركة: 13-09-2011, 08:05 PM
  3. الضريبة علي الجيتس وخطوات ما بعد الاستلام
    بواسطة zawahry في المنتدى هيــونــداى
    مشاركات: 1
    آخر مشاركة: 21-08-2010, 03:57 PM
  4. تكلفة بناء
    بواسطة fady.bekatcho في المنتدى المنتــــــدى الاجتمــاعى
    مشاركات: 3
    آخر مشاركة: 01-08-2010, 08:06 PM
  5. مشاركات: 10
    آخر مشاركة: 22-04-2010, 10:49 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0