متابع باهتمام
رقم العضوية : 132
تاريخ التسجيل : 24Apr2007
المشاركات : 155
النوع : ذكر
الاقامة : KSA
السيارة: abc
السيارة[2]: megane 2008
دراجة بخارية: aaa
الحالة :
السلام عليكم
كنت عايز اعرف متوسط تكلفة بناء منزل 4 أدوار مساحة 350 م في حدود كام تقريباً؟
علما بأن الأرض طينية، يعني أكيد هتهتاج قواعد محترمة.
طبعاً بتكلم عن البناء فقط دون الدخول في التشطيبات وغيرها.
وما هي الخطوات التي يجب اتباعها بعد شراء الأرض من حيث التراخيص ( رخصة البناء ) وخلافه.
والشكر للجميع.
رقم العضوية : 28462
تاريخ التسجيل : 25Dec2008
المشاركات : 734
النوع : ذكر
الاقامة : المملكة العربية السعودية
السيارة: اسبرانزا تيجو
السيارة[2]: فيات
الحالة :
متابع باهتمام
رقم العضوية : 38300
تاريخ التسجيل : 17Apr2009
المشاركات : 2,671
النوع : ذكر
الاقامة : egYpt - Cairo
السيارة: Pride 1.1 M\T 1999
السيارة[2]: Lancer 1.3 M\T 2008
دراجة بخارية: 000
الحالة :
انا والدى شغال فى العقارات فهقولك على قد خبرتى ولو محتاج اى استفسارات تانيه ممكن اسألك عليها
البدايه فى ناس هتقولك ادخل مخالف وأكل بتوع الحى وانت شغال اوفرلك وكدا , صدقنى ابدا الرخصه مع انها هتكلفك كتير بس هتوفرلك بعد كدا كتير جدا وهتبقى مطمن وانت شغال وهتلاقى اى مقاول عايز يشتغل معاك عكس وانت من غير رخصه فى مقاولين بتخاف او يشتغل معاك ويطلب اكتر من حقه بحجه انك مش معاك رخصه
انت هتنزل تسأل على المقاولين فى المنطقه اللى انت منها وياريت تشوف مقاول قريب منك بلاش تجيب واحد بعيد عن البيت قوى وتقوله على الرخصه وهو هجييب لك مهندس من الحى تتفاهم معاه , طبعا المهندس هياخد فلوس وبتبقى من 5 ل 7 الاف علشان الرخصه بس خليك فاكر انك تتفق معاه هيعمل ايه فى الرسمه علشان ميعملش حاجه تضايقك وتيجى بعد كدا تضطر تبنى مخالف زى مثلا المفروض انه بيسيب بين شباكك وبدايه حيطه الجار حوالى 2 متر مش فاكر اسمها ايه دى ودى تقدر تخليه يشيلها وهيقعد يقولك لا ويعمل فيها شريف اضغط عليه وكمان مكان الباب وتقسيم المحلات تحت كلها حاجات تحاول تظبطها معاه علشان كل ما هيجيلك نفتيش من الحى دى اول حاجات بيبصوا عليها
متعملش اى حاجه نهائى الا لما تطلع الرخصه حتى لو المقاول بيتنطط وعايز يشتغل , دوريه الحى لما بتلف ولقيتك ان شاء الله حتى بتحفر بس هيقولك عايزين فلوس وطبعا لازم تديهم لو مش معاك رخصه ولو واحد اخد منك بيتصل بكل زمايله وعلى ما اليوم يخلص هتبقى دافعلك بتاع 1000 جنيه اكراميات
بعد الرخصه برده هتدى شاى واكراميات لبتوع الحى بس مش كل يوم وبمزاجك مش بالغصب واللى هياخده ويقولك مش عاجبه خده منه تانى واطرده
ظبط علاقاتك مع الجيران علشان هتحتاج فى الاول ميه كتير جدا وقولهم هدفعلكم فاتوره الميه وقت ما ببنى وكدا علشان يبقى مش متضايقين منك ولو مفيش جيران جنبك ظبط نفسك من دلوقتى ودق طرمبه بموتور
وبعدين اول ما تيجى الرخصه توكل على الله
نسيت اقولك , المقاول هتتفق معاه طبعا المتر بكام قواعد وبكام ارضى وكل دور هيزيد كام , انا معرفش السعر ايه حاليا بس هسألك وارد عليك
والاهم ومتستهونش بالموضوع ده , اتفق معاه الاكل والاكراميات على مين ؟
خلى بالك ممكن يقولك على ويجى ساعه البناء يقولك معلش هات كذا ولا ودى كذا فخليك واضح معاه فى كلامك مثلا قوله فى 100 جنيه فى اليوم غدا وشاى وسجاير وانت والعمال حرين
هى عامه بتبقى اكتر من 100 فى اليوم فى القواعد والعواميد علشان بيبقى الانفار كتير لكن فى السقف بتبقى اقل فأنت ثبت سعر لكل الايام متوسط وليكن مثلا 120 واتفق معاه انت هتجيبلهم الشاى ولا هما ياخدوا حقه ويتصرفوا مع نفسهم
ونصيحه بلاش تبهدل نفسك معاهم فى موضوع الشاى ده واديهم فلوس وهما يعملوا اللى عايزينه علشان الموال ده ياما بتحصل خناقات بسببه والانفار دى معلش فى اللفظ بتبقى معندهاش دماغ وهتسمع منهم ما تكره وهيتحرق دمك فقلل تعاملك معاهم قدر الامكان
الاول طبعا المقاول هيقولك مبحفرش وهجيبلك حد بيحفر تتفاهم معاه , لازم لازم لازم تتفق معاه الردم اللى طالع هيروح فين واوعى تديله كل فلوسه الا لما يجى يردملك على القواعد بعد ما تخلص , او يبقى الحفر اتفاق بسعر وبعدين الردم اتفاق تانى علشان دول شويه حراميه وهيجى يحفر ومش هتشوف وشه تانى
ساعه الحفر عينك فى وسط راسك , كابلات كهرباء ومواسير المياه وكابلات التليفونات لو حاجه منهم اتقطعت وانت بتحفر هتبقى ليله الارض مش معديه , الاخ اللى جاى بيحفر لو عليه عايز يقلب الارض فى ساعه زن ويروح ولما بيلاقى حاجه بتعاكس فى الارض بيشطوها ويكمل انت كدا الاول روح اسأل الجيران الكابلات والمواسير فين وعلم عليها فى الارض ومتخليهوش يجى جنبها ابدا وياريت لو هتحفر عليها يبقى تجيب عمال باليد لسه كان فى ارض عندنا من فتره بنبنيها وكسرنا ماسوره مياه 3 بوصه والله صرفنا عليها 10 الاف جنيه
خلصت حفر طبعا اعمل حسابك على عربيه شفط ميه لأن هتلاقى ميه فى الارض كتييير وممكن تحتاج اكتر من مره تشفط
وبعد كدا شوفلك موان علشان تتعامل معاه , وهبقى اكملك بقى هتعمل ايه مع الموان وفيلم المون
بشكل عام اعمل حسابك القواعد والارضى نص تكلفه البناء كلها وهتشوف فيهم ايام مش لذيذه بس مجرد ما طلع الاول خلاص هتبقى مرتاح وكل الشغل سهل لأن القرف كله وانت شغال تحت الارض وبسوا الارض
التكلفه تقريبا مستحيل تحددها لأن طول ما انت بتبنى هيطلعك مصاريف مش عامل حسابها , بس بشكل عام الارض بسم الله ما شاء الله كبيره وفى القواعد والاول ممكن نقول هتتكلف من 200 ل 350 حسب الشغل اللى هتعمله فيها
اسأل انت بقا كل الاسئله اللى عندك علشان اجيبلك اجابات تفصيليه عنها
إفـلــت زمـام امـالــك
رقم العضوية : 30629
تاريخ التسجيل : 20Jan2009
المشاركات : 1,577
النوع : ذكر
الاقامة : El-Haram
السيارة: Rabena yesahel
السيارة[2]: Chevrolet Optra 2010 A/T
دراجة بخارية: No
الحالة :
رقم العضوية : 25216
تاريخ التسجيل : 15Nov2008
المشاركات : 14,019
النوع : ذكر
الاقامة : Haram & My mobile phone
السيارة: New Accent 08
السيارة[2]: Picanto 09
دراجة بخارية: no
الحالة :
جنب مبانى ولا ارض فاضية
لو جنبك مبانى
ممكن تحتاج تعمل خوازيق
وشوف
لو شفت عامل او مقاول بيموت ويقولك باقى الحساب
قله لا
لانه اول ما تديله باقى الحساب عمرك ما هتشوفه
والصنايعى فى مصر بيتمسك بالقرش
ةما تتفقش على مون ومصنعية لانه هيسرقك فى المون
لا هات حاجتك بمعرفتك
وزى ما احمد باشا قال
الرخصة مهمة لان قانون المبانى الحالى فيه حبس وازالة مش غرامة بس ومفيهوش تصالح ربنا يحميك منه
كمان الردم بعد الحفر افضل يكون بالرمل
وتعزل القواعد بيتومين
تلات مرات او اتنين على الاقل
والافضل تجيب مهندس معمارى يعمل الرسمه
لانه مش رسومات بس
لا بيكون فيها حساب الحديد وابعاد العمدان والكمر
وتابعنا معاك علشان كل مرحلة ليها مشاكلها
A.Saad
رقم العضوية : 53612
تاريخ التسجيل : 22Nov2009
المشاركات : 3,259
النوع : ذكر
الاقامة : Giza
السيارة: Nissan tiida HB '13, Renault Fluence '16
السيارة[2]: Mitsubishi Lancer '06
دراجة بخارية: ..
الحالة :
لو عايز تعمل حاجه صح ادي العيش لخبازه
يعني اللي يرسم الرسمه مهندس معماري واللي يصمم ويشرف على البنا مهندس مدني مش اي مقاول من المقاولين الكومبو اللي بيطلعو الرخصه وبيرسمو الرسمه ويبنو بمزاجهم ويجيبلك واحد شكله مسجل خطر ويقولك دا البشمهندس
وانا شفت مقاولين بيعملو حاجات غريبه وبيهدرو خامات كتير عالفاضي لانه بيبقى حافظ مش فاهم
وثانياً اوعى تخالف في اي حاجه لاننا دفعنا 10الاف غرامه على حاجات ملهاش لازمه
وبالنسبه للاسعار فهي كل يوم بسعر احنا كان البيت اللي قدامنا بتاع تاجر اسمنت وكان مظبطنا في الموضوع ده
وربنا يعينك عالموضوع ده لانه شاق ومكلف ولسا بعد البناء في تشطيب وحاجه تخنق بس النتيجه بتاعته بتبقى مفرحه وبتحسسك براحه نفسيه وبتنسيك كل التعب اللي تعبته
رقم العضوية : 38084
تاريخ التسجيل : 14Apr2009
المشاركات : 619
النوع : ذكر
الاقامة : Egypt
السيارة: لا يوجد
السيارة[2]: كيا كارينز 2010 هاي لاين
الحالة :
اي عضو يحتاج اي استشارة في هذا المجال فليراسلني لمساعدته وافادته من البدايه للنهاية بالطريقة السليمة
والله الموفق والمستعان
مهندس معماري / هاني محمد مراد
architect12@hotmail.com
سبحانك اللهم وبحمدكأشهد ألا اله الا انتاستغفرك واتوب اليك
رقم العضوية : 43413
تاريخ التسجيل : 12Jul2009
المشاركات : 2,039
الاقامة : Elmansoura City
الحالة :
بص يا باشا التكلفه تعملها ممم ال 100 متر الدور الاول ممكن تكلفك حوالى 40.000 يعنى 350 ممكن تخش فى 140.000 وكل دور وانت طالع على المساحه دى حوالى 45.000
يعنى مبانى بس على الاحمر 350.000 تغرقلك الدنيا ان شاء الله
نصيحه اعلى بالدور الارضى على اد ما تقدر و اعمل دور سحرى هتستفيد منه بعد كده باى حاجه
حاول تستفيد من كل شبر فى البيت صح
شوف رسمه واتنين و 10
مدخل البيت خد قرار صح فيه و يبقى على اى واجهه اذا المنطقه على كذا شارع واسال برضه
ما تعملش بلكونات كتير واستفاد منها كمساحه جوه البيت افضل
فيه ناس بتعمل تلتوار او طلطوار ههه حوالين البيت يفضل انك ما تعملوش الا لما تشوف انت ناوى على ايه فى الدور الارضى هتستفيد منه ازاى عشان ما تعملوش وترجع تكسره
وربنا يكرمك ويوفقك ان شاء الله
رقم العضوية : 28462
تاريخ التسجيل : 25Dec2008
المشاركات : 734
النوع : ذكر
الاقامة : المملكة العربية السعودية
السيارة: اسبرانزا تيجو
السيارة[2]: فيات
الحالة :
يا أخوان الموضوع محتاج الى مهندس مدني
لأنه هناك حسابات تقريبية للعلاقة بين المتر المربع والمتر المكعب للخرسانة
بالاضافة الى أنه يمكن حساب تكلفة المتر المكعب متضمنا الحديد والأسمنت والمصنعية وكل شى
وبالطبع الأمر بيختلف حسب الدور حيث ان الدور الأرضي تقريبا يمثل مرة ونصف تكلفة كل دور من الأدوار العليا
اعتقد هو ده اللى بسأل عنه صاحب الموضوع
رقم العضوية : 27858
تاريخ التسجيل : 16Dec2008
المشاركات : 366
النوع : ذكر
الاقامة : Dahab
السيارة: gen3
السيارة[2]: Gen 2
دراجة بخارية: no
الحالة :
متابع باهتمام
]
المفضلات