الموضوع: فورد مونديو تستاهل ؟

بصراحه يا باشا أنا معايا فورد إسكورت ونفسى أبيعها عالشان أشترى مونديو
أنا شايف إنها عربيه كفاءة
توكل على الله وأشترى بس أهم حاجه الحاله
وسيبك من اللانوس والكريستاله الأتنين ميجوش صفر على الشمال قدام المونديو

هى عربيه تحفه طبعا بالامكانيات وقوه التحمل بس اسعارها غريبه اوى اليومين دول يعنى شايف واحد موديل 1998 واتوماتيك ب 35000 الف تقريبا وحاجات زى كده

الاول اسئل على قطع الغيار وشوفها نظامها ايه موجوده ولا لا غاليه ولا رخيصه هو ده اللى هيحدد اذا كانت العربيه هتنفعك ولا لا

تستاهلللللللل

حضرتك المنديو عربية رائعة كماليات وفخامة وشياكة واداء بس قطع غيارها غالية شويتين فاسئل الاول علي رينج الاسعار علشان متتخضش بعد كدة.
اعتقد ان مفيش 1600 اتوماتيك ال2000 بس هي الي اتوماتيك ولو حضرتك تحب تجيب منديو موديل 98 الي 99 2000 جيا وحالة نضيفة تبقي لقيت كنز مش هتفكر تبيعها الا علشان تركب مرسيدس او بي ام.
وياريت الاعضاء الي معاهم مونديو يكتبولنا كمليتها بالتفصيل للمودلين 1600 و 2000

1600 مانوال و 2000 اتوماتيك الفورد عموما اداء ممتاز طبعا بما انك نازل من كولت هاتلاحظ الاتي صوت المونديو اعلى سحبها اقل بكتير من الكولت بس ثباتها يضرب الاسيوي كله عدا
ثطع غيارها غالية بالنسبة للياباني بس عمرها الافتراضي طويل
بس اسال على قطع الغيار علشان تعرف انت تحدد هيا غالية عليك ولا عادي
بس عموما اكشف على العربية كويس قوي و يا ريت يكون في التوكيل علشان تعرف الي فيها كويس قوي
و متاخدش اي عربية منهم يكون فيها شغل من اي نوع حاول تاخدها متظبطة و عروسة

شكرا يا شباب على سرعه الرد
هى العربيه اللى ناوى عليها هتكون ان شاء الله 1600 و مانيوال و الاسعار كنت سألت على حيه حاجات اللى هى العاديه زى فلاتر و تيل و سيور غاليه بس مش اوى لانها اصلى تقريبا و المفروض انها معمره فبالتالى مش هتبقى غاليه اوى
لكن بالنسبه للحراره يا شباب هى بتسخن مثلا مع السرعات لانى كان معايا اوبل فكترا زمان و كانت بتسخن لما بجرى بيها اوى
و ايه اخبار التكييف قوى زى الاسيوى و لا لا
بصراحه انا العربيه عاجبانى جدا و من العربيات اللى مظلومه فى سعرها
جزاكم الله خيرا يا رجاله

الاخ العزيز م / محمد سعد
انا كان معايا عربية فورد مونديو موديل 98 1600 زيتك . العربية كانت ممتازة جدا وتكاد تكون بحالة الزيرو . المونديو بشكل عام ممتازة شكلا وموضوعا . اداء رائع حجم عائلى جيد جدا . متانة وعفشة ممتازة وتكييف كويس وحتى الكاسيت والسماعات حلوين جدا . استهلاك البنزين معقول جدا بالنسبة لل 1600 وهى بشكل عام ركوبة كويسة جدا ..[gdwl]لكن[/gdwl].
المشكلة الوحيدة هى مش سعر قطع الغيار اللى هيا فعلا غالية لكن المشكلة هى انك تبقى دايما عندك حالة من القلق يا ترى ايه اللى ممكن يعطل بكرة؟؟؟؟؟ ويا ترى هيتصلح بكام؟؟؟؟؟ طيب لو حصلها حاجة وانا مسافر فى اى مكان هلاقى قطع غيار ولا لا ؟؟؟؟؟ ويا ترى المكان ده فيه ميكانيكى للفورد ولا لا ؟؟؟؟؟؟؟ كل الاسئلة دى محتاجة منك اجابات واقعية ومتخليش اعجابك بالعربية ينسيك المواقف اللى ممكن تقع فيها وما اكثرها . العربية فعلا سعرها لا يتناسب ابدا مع كفائتها لكن فى حدود نفس السعر ممكن تلاقى عربيات كتير افضل منها من ناحية راحة البال وعدم شعورك بالقلق .
كلامى ده عن تجربة فعلا ورغم ان العربية كانت عاجبانى جدا الا انى لن اكرر التجربة دى تانى وافضل اشترى اى حاجة كورى او يابانى .. حتى لو قررت ابيع ,ابيعها فى نفس اليوم مش هاقعد جنبها سنة لغاية ما الاقى اللى يشتريها..
خليك فى الكريستالة او الهوندا السيفك او حتى اللانوس هترتاح اكتر صدقنى ..
ربنا يوفقك لما فيه الصواب ..

المشاركة الأصلية كتبت بواسطة mohamed808

الاخ العزيز م / محمد سعد
انا كان معايا عربية فورد مونديو موديل 98 1600 زيتك . العربية كانت ممتازة جدا وتكاد تكون بحالة الزيرو . المونديو بشكل عام ممتازة شكلا وموضوعا . اداء رائع حجم عائلى جيد جدا . متانة وعفشة ممتازة وتكييف كويس وحتى الكاسيت والسماعات حلوين جدا . استهلاك البنزين معقول جدا بالنسبة لل 1600 وهى بشكل عام ركوبة كويسة جدا ..[gdwl]لكن[/gdwl].
المشكلة الوحيدة هى مش سعر قطع الغيار اللى هيا فعلا غالية لكن المشكلة هى انك تبقى دايما عندك حالة من القلق يا ترى ايه اللى ممكن يعطل بكرة؟؟؟؟؟ ويا ترى هيتصلح بكام؟؟؟؟؟ طيب لو حصلها حاجة وانا مسافر فى اى مكان هلاقى قطع غيار ولا لا ؟؟؟؟؟ ويا ترى المكان ده فيه ميكانيكى للفورد ولا لا ؟؟؟؟؟؟؟ كل الاسئلة دى محتاجة منك اجابات واقعية ومتخليش اعجابك بالعربية ينسيك المواقف اللى ممكن تقع فيها وما اكثرها . العربية فعلا سعرها لا يتناسب ابدا مع كفائتها لكن فى حدود نفس السعر ممكن تلاقى عربيات كتير افضل منها من ناحية راحة البال وعدم شعورك بالقلق .
كلامى ده عن تجربة فعلا ورغم ان العربية كانت عاجبانى جدا الا انى لن اكرر التجربة دى تانى وافضل اشترى اى حاجة كورى او يابانى .. حتى لو قررت ابيع ,ابيعها فى نفس اليوم مش هاقعد جنبها سنة لغاية ما الاقى اللى يشتريها.. :zb_sor1[1]:
خليك فى الكريستالة او الهوندا السيفك او حتى اللانوس هترتاح اكتر صدقنى ..
ربنا يوفقك لما فيه الصواب ..

مع كامل الإحترام لرأيك ياباشا وأنا من مالكي الفورد
العربية لو مافيهاش مشاكل طالما إللي راكبها بيفهم في العربيات وودنة معاها والصيانات الدورية اللي المفروض تتعمل بيعملها، العربية دي عمرها ماهتعطل منه ولا هتقف بيه في طريق سفر مهما طال لأن دي مش عربية إستهلاكية زي أغلب الكوري تشتغل كام سنة وبعد كدة تفتح بقها لأ دي عربيات معمرة جداً وإعتمادية جداً

عموماً لصاحب الموضوع أن يستخير وإن شاء الله يوفق لما فيه الخير