تكييف التمبرا محتاج مشورة

**M_selim** · 31-01-2010 08:46 AM

الزملاء الاحباء الفيتاوية عموما و التمبراوية خصوصا

أنا شاري عربية تمبرا موديل 1995 ايطالي من حوالي خمسة أشهر و قلت أوضب فيها شوية بشوية على قد الميزانية و الحقيقة انا معجب بيها جدا و هي عربية ممتازة......................لكن و آه من كلمة لكن .

الراجل اللي باع لي العربية قال لي التكييف سليم و محتاج شحن بس و طبعا صدقته و للأحتياط كشفت على التكييف في البنزينة و شحنت التكييف و قالو لي سليم ما فيهوش حاجة و كلفني الشحن 100 جنيه .

بعد ما شحنت بحوالي اسبوعين لقيت الهواء ساخن و كأن ما فيش فريون قلت أكيد في تسريب رحت لتوكيل فيات في شارع العريش علشان أكشف قعدوا ساعتين ماسكين نظارة سوداء زي نظارات الشمس و سلطوا جهاز بيطلع نور أزرق على الكمبرسور و السربنتينة و الخراطيم و قالو لي الدورة سليمة ما فيهاش حاجة و أكيد الفريون اللي شحنو لك به في البنزينة مضروب و أحنا بنشحن ب 350 جنيه و طبعا استكترت المبلغ قوي قلت لهم لا هأدفع كشف بس و على بداية الصيف اشحن
أخذوا ولاد التييييييييييييييييت 100 جنيه كشف ( فقط ) !!!!!!!!!!!!

المهم علشان ما أطولش عليكم أنا حاسس أن فيه لامؤاخذة تنفيس رحت مركز متخصص للتكييف ( حسب كلامه ) راح ضاغط دورة التكييف كلها بكمبرسور هواء من طبة خلف التابلوه بتاع العربية من جوه الكبوت اسفل وحدة الاشعال الالكتروني و بعدين رش ماء و صابون على الخراطيم و الكمبرسور لقيت فيه فقاقيع هواء و صابون خارجة من الوجه الامامي للكمبرسور و من الوش الخلفي غير ان كان فيه زيت خارج من الوش الخلفي للكمبرسور .

الراجل قال لي الكمبرسور أنتهى و لازم يتغير و أنا ممكن أصلح لك التنفيس بالوش الامامي لكن الخلفي مالوش حل و انصحك ما تحاولش تلح الوجه الخلفي لانه ما بيتصلحش و هياخذوا فلوسك و بعدها يبوظ تاني و رفض يأخذ أي مليم كشف و قال لي الكشف ببلاش غير ان أي كشف على الخراطيم و السربنتينة مالوش معنى طالما الكمبرسور بيفوت .

طبعا كانت قنبلة لاني رحت الكيلاني سألت على الكمبرسور الاصلي الامريكي للتمبرا لقيته موجود ب 2500 جنيه حتة واحدة و لي اسئلة للزملاء الاحباء :

1- هو كلام الراجل ده مضبوط و لا بيستسهل تغيير الكمبرسور ؟؟؟؟؟؟؟؟؟

2- هو موضوع الكشف بماء و صابون مع ماء مضغوط سليم و الا لأ ؟؟؟؟؟؟؟؟؟

3- أجيب كمبرسور استيراد و الا جديد و فين الاقي الاستيراد طالما الجديد غالي جدا ؟؟؟؟؟؟؟؟؟؟؟

4 - هل ينفع أصلح الكمبرسور الموجود حاليا ؟؟؟؟؟؟؟؟؟؟؟؟؟؟؟؟

**ZALABANY** · 31-01-2010 09:13 AM

شوف يا باشا مشكلتك حصلت معايا والكمبريسور كان فعلا بيسرب الفريون ولقيت الجديد غالي قدام سيادتك حل من اتنين إما هاتروح لواحد بتاع تكييفات محترم يعملك طقم اصلاح للكمبريسور زي ما انا عملت وشغال تمام وبياخد وقته او تجيب واحد استيراد وممكن يتعمله طقم اصلاح برده الكومبريسور ممكن تجيبه استيراد
الورشه اللي رحتلها بصراحو ممتازين وظبطولي الدنيا في شارع كمال هويدي العمرانية قبل الكنيسه على اليمين وانت رايح على التلاتيني الورشه اسمها am والصنايعي كان اسمه محمود
واوعي تروح ال سعيد اللي في اخر ترسا حراميه دفعت عندهم حوالي 700 جنيه وباظ بعديها بشهر ولا حاجه
بالنسبه للكمبريسور استيراد
ممكن تلاقيه عند واحد من الثلاثه دول أحمد رضا اللي ورا بيتزاا هت الهرم ومبي سابقا تليفونه 35843066 - 35825575 - 0184138554
عندك محمد عمر في العمرانيه شارع التلاتيني 0101317839- 0100243816
وعندك القوار في وكالة البلح 0162656847
8 حارة الزعترة وكالة البلح
بعد كده ممكن تسأل عند أي حد تاني
وسعره في رنج من 300 الى 350 وبيبقى على التجربه بس ياريت تستشير أخصائي التكييف الأول

**M_selim** · 31-01-2010 12:51 PM

أهلا بك يا أخ زلباني و سعيد بمعرفتك

أنا متشكر جدا على سرعة استجابتك و قلت يمكن الموضوع يأخذ وقت و لكن عشمي فيك كان خير و لكن لي بضعة اسئلة بناء على كلام الراجل بتاع التكييف

أقتباس :
-------------------------------------------------------
شوف يا باشا مشكلتك حصلت معايا والكمبريسور كان فعلا بيسرب الفريون ولقيت الجديد غالي قدام سيادتك حل من اتنين إما هاتروح لواحد بتاع تكييفات محترم يعملك طقم اصلاح للكمبريسور زي ما انا عملت وشغال تمام وبياخد وقته
--------------------------------------------------------
كلام جميل يا باشا و لكن ما المقصود بطقم الاصلاح ؟؟؟؟؟؟؟؟؟؟ أنا حسب ما شفت بعيني الوش الامامي كان بيطلع فقاقيع صابون بعد كبسه بالهواء و الخلفي فقاقيع صابون و زيت و الراجل بتاع التكييف قال لي انسى تصليح الوش الخلفي خالص و جيب جديد أحسن او استيراد بس تكون ضامنه .

لي سؤال ثاني : أنت عامل الاصلاح ده من قد ايه و بقاله قد ايه شغال و هل بتشغل التكييف كثير و الا فترات متقطعة ؟؟؟؟؟؟؟؟؟؟؟؟ و بعدين هل بيفك الكمبرسور و بتستلمه بعد قد ايه و كيف تعرف أنه صلحه ؟؟؟؟؟؟؟؟؟؟

سؤال ثالث و معلهش اسئلتي كثير هو التصليح عبارة عن خرط بساتم زي عمرة الموتور على اعتبار أن كمبرسور التكييف موتور صغير فيه 5 بساتم على قدر معلوماتي و الا بيخرط الوش و الا بيغير شنابر زي الموتور ؟؟؟؟؟؟؟؟؟؟؟؟؟؟

سؤال رابع : كلفك التصليح قد ايه ؟؟؟؟؟؟؟؟؟؟؟؟

---------------------------------------------------------
او تجيب واحد استيراد وممكن يتعمله طقم اصلاح برده الكومبريسور ممكن تجيبه استيراد
الورشه اللي رحتلها بصراحو ممتازين وظبطولي الدنيا في شارع كمال هويدي العمرانية قبل الكنيسه على اليمين وانت رايح على التلاتيني الورشه اسمها am والصنايعي كان اسمه محمود
--------------------------------------------------------

طب لو كان الاستيراد هيتعمله اصلاح يبقى أصلح اللي عندي احسن و لكن برضه سؤال هل في امل في الاصلاح أم نصب في نصب و الواحد يجيب استيراد بحالة جيدة أفضل ؟؟؟؟؟؟؟؟؟؟

بالمناسبة انا من سكان الهرم و عارف شارع الثلاثيني و أنا بأدخله من شارع عثمان محرم , الطالبية المتفرع من شارع الهرم و بعدين بأعدي خاتم المرسلين و أدخل شمال على أول شارع الثلاثيني من شارع عثمان محرم فهل شارع كمال الهويدي قريب من أول الثلاثيني طالبية أم من عند ترعة الزمر و الورشة في بالضبط في الشارع .؟؟؟؟؟؟؟؟؟؟؟؟؟

---------------------------------------------------------
بالنسبه للكمبريسور استيراد
ممكن تلاقيه عند واحد من الثلاثه دول أحمد رضا اللي ورا بيتزاا هت الهرم ومبي سابقا تليفونه 35843066 - 35825575 - 0184138554
عندك محمد عمر في العمرانيه شارع التلاتيني 0101317839- 0100243816
وعندك القوار في وكالة البلح 0162656847
8 حارة الزعترة وكالة البلح
بعد كده ممكن تسأل عند أي حد تاني
وسعره في رنج من 300 الى 350 وبيبقى على التجربه بس ياريت تستشير أخصائي التكييف الأول
--------------------------------------------------------
أنا عارف القوار اللي في الوكالة و اشتريت منه قبل كده كذا حاجة كانت ناقصة لكن شكرا على الثنين الجداد ما كنتش أعرفهم و هل عندهم كل حاجات التمبرا ؟؟؟؟؟؟؟؟؟؟؟

لي سؤال آخر هل لو جبت كمبرسور استيراد فيه طريقة لقياس قوة كبسه زي الموتور ؟؟؟؟؟؟؟؟؟؟؟؟؟

**ZALABANY** · 31-01-2010 02:49 PM

بص يا باشا بالنسبة لطقم الإصلاح ده بيبقى اولسيهات وجوانات عشان التسريب لكن لو الكومبريسور صوته عالي يعني حصل حاجه في الكمبريسور نفسه من جوا ما بيتصلحش ولا بيتخرط انا بصراحه مش عارف موضوع الخلفي والأمامي ده انا اللي اعرفه ان الكمبريسور كان بيسرب فريون ولما الراجل صلحة و كبسله هوا بطل تسريب
طقم الاصلاح انا عملته في بداية الصيف واشتغل معايا الصيف كله وحتى الان شغال الى ان يقضي الله امرا كان مفعولا واتكلف 200 جنيه طقم الاصلاح
موضوع بأه انك تجيب واحد استيراد بحاله جيده الإستيراد كله حظوظ يا باشا خاصة في الكمبريسور والمواتير والحاجات اللي زي دي وبتبقى على التجربة والصنايعي بيبقى ليه نظرة طريقى تجربته بيكبسه هوا ويتأكد انه مش بيسرب وبيشغل الكمبريور يتأكد ان صوته مش عالي بس
على فكرة موضوع انك تجيب واحد جديد وتعمله طقم اصلاح وارد في حالة ما يكون بتاعك انت اصلا بايظ من جوا بس استنضف واحد استيراد وان شاء الله يشتغل من غير طقم اصلاح ولا حاجه

**ZALABANY** · 31-01-2010 02:55 PM

على فكره الورشة مكانا لو انت جاي من اتجاه المريوطيه في اتجاه ترعة الزمر في شارع خاتم المرسلين هاتيجي بنزينة مصر البترول على شمالك هو الشارع اليمين قدام البنزينة على طول هاتفضل ماشي فيه هاتلاقيها ورشة تكييف على يمينك مكتوب عليها am خلي بالك عشان في ورشة تكييف تانيه قبلها

**abdelmessih67** · 01-02-2010 08:33 AM

الف شكر للأخ زلباني على مشاركته أنا متابع باهتمام لان التكييف عندي برضه ابتدأ يبقى ضعيف مع العلم انه كان شغال ثلاجة بعد ما شحنته .

على فكرة انا برضه شحنته زي ما قال الاخ سليم في التوكيل بتاع فيات البرقان في شارع العريش ب 320 جنيه .

لي سؤال للاخ زلباني : انا صوت الكمبرسور عندي ناعم جدا و أول ما شحنت كان التكييف قوي جدا لدرجة اني كنت بأوطيه لكن دلوقتي لقيته ضعف شوية فهل لاني في الشتاء ما بشغلوش كثير ؟؟؟؟؟؟؟؟؟ ولا ممكن يكون في تسريب من الجوانات ؟؟؟؟؟

لي سؤال ثاني الورشة اللي في العمرانية خدت 200 جنيه مصنعية و طقم جوانات و الا انت جبت طقم الجوانات و هم خدوا المصنعية فقط ؟؟؟؟؟؟؟؟؟ و جبت منين طقم الاصلاح اللي ذكرته ؟؟؟؟؟؟؟؟؟؟؟

شكرا لاهتمامك

**m2010** · 02-02-2010 01:32 AM

اشترى واحد استيراد وريح دماغك من قلة خبرة الصنيعية و قطع الغيار الصينى اللى مش نفعة لو انت فى اسكندرية ممكن تجيبه ارخص ممكن من عند
جوده فى العجمى0120564842
اومن عند موسى فى المحطة0127371664

**ZALABANY** · 02-02-2010 08:00 AM

المشاركة الأصلية كتبت بواسطة abdelmessih67

الف شكر للأخ زلباني على مشاركته أنا متابع باهتمام لان التكييف عندي برضه ابتدأ يبقى ضعيف مع العلم انه كان شغال ثلاجة بعد ما شحنته .

على فكرة انا برضه شحنته زي ما قال الاخ سليم في التوكيل بتاع فيات البرقان في شارع العريش ب 320 جنيه .

لي سؤال للاخ زلباني : انا صوت الكمبرسور عندي ناعم جدا و أول ما شحنت كان التكييف قوي جدا لدرجة اني كنت بأوطيه لكن دلوقتي لقيته ضعف شوية فهل لاني في الشتاء ما بشغلوش كثير ؟؟؟؟؟؟؟؟؟ ولا ممكن يكون في تسريب من الجوانات ؟؟؟؟؟

لي سؤال ثاني الورشة اللي في العمرانية خدت 200 جنيه مصنعية و طقم جوانات و الا انت جبت طقم الجوانات و هم خدوا المصنعية فقط ؟؟؟؟؟؟؟؟؟ و جبت منين طقم الاصلاح اللي ذكرته ؟؟؟؟؟؟؟؟؟؟؟

شكرا لاهتمامك

يا باشا أنا تحت أمرك
بص مبدئيا 320 جنيه شحن الفريون كتييييير جدا كبيره يعني 150 جنيه عند اي واحد بتاع تكييفات نضيف ولعلمك العربية ما بتاخدش ب 50 جنيه فريون وفي مواضيع كتير نا في المنتدى عن الفريون
بالنسبه للصوت اللي انت تقصده صوت الكمبريسور ولا صوت المروحة اللي جوا هو صوت الكمبريسور عامة عندي مش هادي اوي ملحوظ برده واظن ما لوش علاقه بقوة التبريد بالنسبه لموضوع الجوانات لازم يتكشف على الكبريسور نفسه عشان لو في تسريب ممكن يكون من الكمبريسور أو من الخراطيم وممكن يكون الاكسبينشن نفسه اتوسخ او اتسد عشان كده التبريد ضعف
الورشه بتاعة العمرانيه اخد 200 جنيه طقم الاصلاح من عنده بالمصنعية

**abdelmessih67** · 02-02-2010 08:09 AM

شكرا يا أخ زلباني على مشاركتك

أنا معاك 320 جنيه أتضحك علي فيهم و علشان كده أنا مش رايح التوكيل الحرامي ده تاني خصوصا أنه ما فاتش غير كام شهر و التبريد ضعف و كان المفروض على مبلغ زي ده يعملوا صيانة شاملة للتكييف .

المهم لي سؤال : الورشة اللي في العمرانية مضمونين و كويسين يعني هل لو لقى مافيش فايدة في الكمبرسور يقوللك و لا بيصلح و خلاص زي ما بتوع الشحن بيشحنوا و خلاص و بعدها تكتشف أن الدورة بتسرب ؟؟؟؟؟؟؟؟؟؟؟؟

سؤال ثاني : هل بيديك ضمان على طقم الاصلاح ؟؟؟؟؟؟؟؟؟ و بقالك عامل الشغلة دي من قد ايه ؟؟؟؟؟؟؟؟؟؟

شكرا ليك مرة ثانية

**abdelmessih67** · 02-02-2010 08:12 AM

المشاركة الأصلية كتبت بواسطة m2010

اشترى واحد استيراد وريح دماغك من قلة خبرة الصنيعية و قطع الغيار الصينى اللى مش نفعة لو انت فى اسكندرية ممكن تجيبه ارخص ممكن من عند
جوده فى العجمى0120564842
اومن عند موسى فى المحطة0127371664

شكرا يا أخ m2010 على مشاركتك , هي العجمي بعيدة لكن المحطة قريبة نوعا ما مني و أنا في الهرم