هل فعلا لبونتو 1خشنه

**m000dy** · 03-02-2010 07:42 PM

سؤال بتسأله كل مايركب معايا حد ( بونتو MK1 موديل 95 )
هو العربيه دى خشنه ليه ؟؟؟؟
الغريبه انى مش حاسس بخشونه لكن اما ركبت فى مره جنب اخويا وكان هو اللى سايق حسيت فعلا بزنة الموتور تحت رجلى
واحد من اصحابى قاللى ان مواتير الفيات واللانشيا تحديدا خشنه بس ده مش عيب ده تصنيف موتور وطريقة عمله وتسمى nervous engines ودى مواتير بتحس بيها وهى دايره زى الجولف
هل الكلام ده صحيح ولا فى حاجه عندى واروح اكشف عليها

**mada_mada81** · 07-02-2010 02:10 PM

المشاركة الأصلية كتبت بواسطة m000dy

سؤال بتسأله كل مايركب معايا حد ( بونتو mk1 موديل 95 )
هو العربيه دى خشنه ليه ؟؟؟؟
الغريبه انى مش حاسس بخشونه لكن اما ركبت فى مره جنب اخويا وكان هو اللى سايق حسيت فعلا بزنة الموتور تحت رجلى
واحد من اصحابى قاللى ان مواتير الفيات واللانشيا تحديدا خشنه بس ده مش عيب ده تصنيف موتور وطريقة عمله وتسمى nervous engines ودى مواتير بتحس بيها وهى دايره زى الجولف
هل الكلام ده صحيح ولا فى حاجه عندى واروح اكشف عليها

انا معايا نفس العربية بس للامانة مش حاسس باللى انت بتقول علية العربية ناعمة جدا

**m000dy** · 07-02-2010 08:10 PM

هى العربيه ناعمه بس فى مرحله من مراحل تزويد البنزين بحس برعشه فى العربيه كلها
تفتكر دى قواعد موتور ولا فى حاجه مفكوكه
وكمان اما بنزل من مطب واديها التانى بترعش خفيف
ده بردو طبيعى ؟

**m000dy** · 07-02-2010 08:22 PM

معلش بقى يامادا ياريت كمان تقولى على اللى بتصلح عنده العربيه عشان انا بصراحه لسه جايبها قريب وبدأت بقى اعمل فيها شغل مع ان العربيه مش محتاجاه بس اهو بقى من باب النهارده معايا بكره مامعاييش
يعنى مثلا انا بسافر كتير واللى قبلى كان مولعها سفر فرحت توكيل اوبل هنا عندنا هو صاحب اخويا فقاللى خدها على نضافه ولو محتاجه او مش محتاجه مادام بتسافر يبقى اعمل طقم شنبر ومش هايكلفك وقد كان وطبعا ماحسيتش باى فرق لانها ماكانتش محتاجه بس ماندمتش انى عملته بالعكس اهو كله فى العربيه وبدل ماكانت هاتطلب كمان 5 سنين هاتطلب كمان 10
دلوقتى بقى عشان الامان ناوى اغير الحاجات المتحركه فى العربيه والمهم فناوى ان شاء الله اغير الصلايب بروس الكبالن عشان ابقى متطمن وانا مسافر بيها بس المشكله الناس هنا فى السويس مافيهمش صنايعيه
مثال : اول ماجبت العربيه ببص فى الحوض لقيت ترامل سلك المروحه مكشوفه وهى نحاس وجنب الميه بتاعت الردياتير فرحت لواحد ( ودى مش محتاجه صنايعى ) عشان اغير الترامل دى باتنين تانيين بغطا بلاستيك فيها حاجه دى؟
الباشا كان هايجيبلى وش سلندر وخلا الردياتير سحب هوا
عموما بعد اذنك تدلنى على حد كويس بتتعامل معاه وبيفهم عشان عاوز اغير روس الكبالن ( مع انهم زى الفل والله )
وبالمره حد يكون كويس فى ظبط الانجيكشن عشان بعد ماعملت طقم الشنبر بقت بتاكل بنزين بعببببببببط

**Dr. Halawa** · 08-02-2010 04:19 AM

المشاركة الأصلية كتبت بواسطة m000dy

معلش بقى يامادا ياريت كمان تقولى على اللى بتصلح عنده العربيه عشان انا بصراحه لسه جايبها قريب وبدأت بقى اعمل فيها شغل مع ان العربيه مش محتاجاه بس اهو بقى من باب النهارده معايا بكره مامعاييش
يعنى مثلا انا بسافر كتير واللى قبلى كان مولعها سفر فرحت توكيل اوبل هنا عندنا هو صاحب اخويا فقاللى خدها على نضافه ولو محتاجه او مش محتاجه مادام بتسافر يبقى اعمل طقم شنبر ومش هايكلفك وقد كان وطبعا ماحسيتش باى فرق لانها ماكانتش محتاجه بس ماندمتش انى عملته بالعكس اهو كله فى العربيه وبدل ماكانت هاتطلب كمان 5 سنين هاتطلب كمان 10
دلوقتى بقى عشان الامان ناوى اغير الحاجات المتحركه فى العربيه والمهم فناوى ان شاء الله اغير الصلايب بروس الكبالن عشان ابقى متطمن وانا مسافر بيها بس المشكله الناس هنا فى السويس مافيهمش صنايعيه
مثال : اول ماجبت العربيه ببص فى الحوض لقيت ترامل سلك المروحه مكشوفه وهى نحاس وجنب الميه بتاعت الردياتير فرحت لواحد ( ودى مش محتاجه صنايعى ) عشان اغير الترامل دى باتنين تانيين بغطا بلاستيك فيها حاجه دى؟
الباشا كان هايجيبلى وش سلندر وخلا الردياتير سحب هوا
عموما بعد اذنك تدلنى على حد كويس بتتعامل معاه وبيفهم عشان عاوز اغير روس الكبالن ( مع انهم زى الفل والله )
وبالمره حد يكون كويس فى ظبط الانجيكشن عشان بعد ماعملت طقم الشنبر بقت بتاكل بنزين بعببببببببط

(الصلايب بروس الكبالن)
ايه ده و ايه خطورته

**m000dy** · 08-02-2010 10:39 AM

(الصلايب بروس الكبالن)
ايه ده و ايه خطورته

على حد علمى يافندم ان الكوبلن ده عباره عن بار كده وليه راس ودى اسمها راس الكوبلن ودى بس اللى بتتغير كل فتره مادام البار ده سنونه كويسه
اما الصلايب فهى اللى بتنقل الحركه من الدركسيون للكبالن تحت ولو فيها بوش بترج معاه الدركسيون وبتعمل صوت فى المطبات كانها جايبه مساعد
وطبعا من مكانها واضح مدى خطورتها وعموما اى جزء متحرك فى العربيه هو اخطر جزء
يعنى تخيل لو الموتور انفجر وانت ماشى بسرعه هايحصل ايه؟ العربيه هاتقف مكانها
اما لو البيضه ملصت شوف انت بقى هايحصل ايه؟ مش هاقوللك غير ان الدركسيون هايلف معاك على الفاضى وتخيل انت بقى وانت ماشى على سرعه
ربنا يحفظنا ويحفظك ويبعد عننا شر الطريق
اى استفسار تانى انا تحت امرك

**m000dy** · 08-02-2010 10:43 AM

رد عليا ياعم مادا ولا انت مكوش على الميكانيكى بتاعك ومش عاوزنا نعرفه؟ ههههههههههههه
ماتضطرنيش اراقبك

**galilio_mad** · 08-02-2010 01:05 PM

المشاركة الأصلية كتبت بواسطة m000dy

اما الصلايب فهى اللى بتنقل الحركه من الدركسيون للكبالن تحت ولو فيها بوش بترج معاه الدركسيون وبتعمل صوت فى المطبات كانها جايبه مساعد

ايه علاقة الكبالن بالدركسيون ؟؟؟؟؟؟؟؟؟؟؟؟؟؟

الكوبلن هو الجزء الخارجى المتحرك و بيبقى عبارة عن مفصلة كبيرة دائرية الحركة يعنى بتلف على محور متوسط و فى كل الاتجاهات عشان تنقل الحركة من الفتيس و الاكس الى العجل

الصلايب بتبقى فى اخر الاكس , جوه الكبايه بتاعة الفتيس و لما بتبوظ بتعمل طقة فى بداية الحركة او مع دوسة البنزين الجامدة

**m000dy** · 11-02-2010 01:15 PM

الكوبلن هو الجزء الخارجى المتحرك و بيبقى عبارة عن مفصلة كبيرة دائرية الحركة يعنى بتلف على محور متوسط و فى كل الاتجاهات عشان تنقل الحركة من الفتيس و الاكس الى العجل

الصلايب بتبقى فى اخر الاكس , جوه الكبايه بتاعة الفتيس و لما بتبوظ بتعمل طقة فى بداية الحركة او مع دوسة البنزين الجامدة

ياباشا لو تاخد بالك هاتلاقينى كاتب على اد علمى
ثانيا اما الصليبه بتعمل طقه بس امال ليه لما تمسك بار الكوبلن من تحت وتهزه تلاقيه بيروح وييجى معاك وتسمع نفس صوت الطقه بس على تخبيط اكتر منه مجرد طقه