الموضوع: استفسارعاجل بشأن شالية فى رأس سدر

[overline]
السلام عليكم اصدقائى ..... انا اسمى تامر وناوى ان شاء الله اشترى شاليه او فيلا ال 90 متر فى وندرلاند راس سدر ..(المرحلة التالتة ).. لكن النهاردة دخلت على جوجل و شفت موقع القرية و الانشاءات اللى فيها و انا ليا استفسارين يا ريت حد منكم مشكور يرد عليا فيهم ....
اولا :- هل الوضع الان زي ما هو موجود على جوجل من حيث الانشاءات
ثانيا :- هل موجموعه الشاليهات و الفلل اللى على شمال وندر لاند هى دى المرحله الثالثه و لا دى قريه اسبرنج لاند الملاصقه لوندر لاند
[/overline]

و لكم جزيل الشكر

انا حجزت الشاليه الدورين ال 90 متر...قدام حمام السباحه ..طبعا في الاعلان مكتوب انه ب 109000 بس كل مانتقدم نمره ناحيه البحر بيزيد 10000.. المرحله الثالثه فيها 9 حمامات سباحه.... وهي عباره عن 4 صفوف .. هما دلوقتي بيبيعوا في اول صفين بس.. والمفروض انهم بداءو الحفر فيهم.. والتسليم 2013

المشاركة الأصلية كتبت بواسطة mmabdelrahman

انا سعيد بالمشاركة معكم وارجو ان اى حد حاجز فى وندر لاند يدخل معانا ونتواصل لانى انا واخى حاجزين هناك واكيد هنحب نعرف من بعض ايه اخر الاخبار هناك وعلى فكرة انا بروح راس سدر بصفة منتظمه كل شهر لعملى
وبمر على القرية يعنى لو حد عنده استفسار يسئل وسوف ارد عليه

أهلا وسهلا وأنا كمان حاجز هناك ويا ريت نتواصل علطول وأخبار العيد هناك ايه لو حد راح؟

المشاركة الأصلية كتبت بواسطة mahmedmady

مرحب بكم جميعا انا كنت في القرية اخر مرة في العيد ورايت ان معدل الشغل في القرية بطيئ نسبيا وبسؤالهم عن السبب قالو ان العمالة قلت بسبب الثورة المهم ان الشالية الخاص بي وهو برقم e16\3 استكمل انشائيا وقريبا سوف يبدا التشطيب وممكن ان استلمة مع بداية السنة الجديدة وللعلم انا امضيت وقت جميل علي الشاطئ ونزلت البحر مع الاولاد وكان فية حوالي اربع اسر علي الشاطئ والجو كان جميل جدا برغم درجة الحرارة المرتفعة في القاهرة لو حد راح القرية او عندة معلومات عنها او ممن استلم وحدتة ياريت يتواصل معنا

طيب أخبار الشاطئ هناك ايه؟ رملى أم صخرى؟ وهل تم حفر البحيرات؟وصحيح أخبار طريق رأس سدر ايه؟ لسه بايظ وفيه اصلاحات؟ وأخبار الأمان ايه على الطريق برده؟

المشاركة الأصلية كتبت بواسطة MTAK

ممكن اعرف حضرتك بدأت الحجز من امتى
انا بدأت من شهر 11 - 2010

وأنا من شهر مارس 2010

المشاركة الأصلية كتبت بواسطة mahmedmady

انا حجزت الشاليةe16\3 بتاريخ 7\2010 وهو دور اول مساحة 60 متر صافي بسعر 139000 لانة زو موقع مميز بحري+يري البحر والبحيرة و2حمام سباحة وبجوار الفلل وانا ذهبت الشركة منذ حوالي اسبوع لاعمل تعديل داخلي في المطبخ فطلبت منهم عمل كاونتر بطول 2.5م وعلية قرص من الرخام وقابلت المهندس هاني وتم عمل المقايسة سعر المباني والسراميك 500 جنية اما الرخام فيبدا من 500 جنية وعلمت منه ان الشالية يمكن ان استلمة مع بداية 2012 واثناء وجودي في الشركة استفسرت عن من يقوم بتركيب عداد الكهرباء والماء فاجاب ان الشركة هي التي تقدم الطلب وان سعر عداد الكهرباء 5000 وعداد المياة 2500 طبعا بلاضافة الي 10%من الثمن للصيانة عند الاستلام اما المشكلة اللى انا قلقان منها انهم عمالين يفتحوا في بيع وحدات في اماكن جديدة في القرية وعمل مرحلة الحفر وبدون ان ينتهوا من المراحل السابقة مثل الجراح الذي يعمل عملية واثناء العملية يتركها ويذهب الي عملية اخري وهكذا اما بالنسبة للخدمات فلا اتوقع ان ينتهوا منها علي بداية 2013 كما قالوا اما بالنسبة للاخ اللي بيقول انهم عارضين فلل بسعر 99000 اظن انة دعاية حتي يتصل العميل ومن الاخر لايوجد شاليهات حتي بنفس السعر

أنا حجزت فى شهر مارس 2010 ورحت القرية مرة واحدة بس فى نفس الشهر ومن ساعتها لحد دلوقتى مارحتش...أنا حاجز c18\4 المرحلة التانية والمساحة 100م2 صافى دور تانى ودى أخر صف فى القرية بتطل على منطقة الخدمات اللى هتتعمل أخر حاجة طبعا مش قبل سنتين تلاتة كمان فى اعتقادى..وكنت سألت فى مقر الشركة وقالولى ان المبنى خلص وفعلا كان متصور عندهم على أساس انها أخر صف بس كان نفسى أشوفها بس أول مرة أعرف انى ممكن أعمل تعديل من غير ما حديقولى...المفروض انهم يكلمونى ويقولولى لو ليا أى طلبات خاصة بالتشطيب قبل ما يبتدوا... فيا ريت حضرتك تقولى عملت ايه بالظبط لغاية ما انتهيت الى المهندس هانى...

المشاركة الأصلية كتبت بواسطة mahmedmady

هذا العرض فعلا موجود وهو عبارة عن شالية مساحتة 90 متر علي دورين بسلم داخلي بمعني 45+45 بحديقة والدور الثاني شالية بسلم خلفي ومعة الروف وبسؤالهم عن مكانة فين في القرية كانت الاجابة اخر صف في القرية وبجوار قرية سبرنج لاند وطبعا الاسعار كلما اتجهنا للامام تزيد لتصل الي 320000 ولاستلام بعد سنتين

الكلام ده فعلا صحيح..الاعلان بيكون صحيح بس انسى انك تلاقيه على الأقل تعمل حسابك على 10 ألاف جنيه زيادة..وكل ما بتروح تدفع قسط بيحاول يبدل معاك بشاليه أغلى لو كان سعرك لقطة بحيث يخلص من الشاليه الغالى ويستغل شاليهك الرخيص وينزل بيه اعلان....
المهم يا وندرية يا جيرانى عاوز نفضل على اتصال علطول ومتابعة أول بأول للموضوع هناك ويا ريت لو فى صور...

المشاركة الأصلية كتبت بواسطة mr_fox

انا حجزت الشاليه الدورين ال 90 متر...قدام حمام السباحه ..طبعا في الاعلان مكتوب انه ب 109000 بس كل مانتقدم نمره ناحيه البحر بيزيد 10000.. المرحله الثالثه فيها 9 حمامات سباحه.... وهي عباره عن 4 صفوف .. هما دلوقتي بيبيعوا في اول صفين بس.. والمفروض انهم بداءو الحفر فيهم.. والتسليم 2013

ألف مبروك يا باشا وكان على كام؟

حد شاف يا جماعة الاعلان بتاع الاهرام اناهردة عن قرية مينا ريزورت فى راس سدر, كانو كاتبين ان السعر بيبدأ من 55555 و الفيلا 125000, حد يعرف حاجة عن القرية دى او الشركة المالكة -مينا . هى بردو شركة الوعد الى بتسوقلوهم الى هيا صاحبت اسبرنج .بس السعر بصراحة فرصة لو حقيقى.

المشاركة الأصلية كتبت بواسطة ayman mohamed

حد شاف يا جماعة الاعلان بتاع الاهرام اناهردة عن قرية مينا ريزورت فى راس سدر, كانو كاتبين ان السعر بيبدأ من 55555 و الفيلا 125000, حد يعرف حاجة عن القرية دى او الشركة المالكة -مينا . هى بردو شركة الوعد الى بتسوقلوهم الى هيا صاحبت اسبرنج .بس السعر بصراحة فرصة لو حقيقى.

أه طبعا لقطة..المهم كام كيلو من النفق وقبل ولا بعد رأس سدر وهل شركة مينا دى تبع مينا الساحل الشمالى لو كدة تبقى شركة محترمة ...بس أنا معرفشى حاجة عن القرية الصراحة...لازم المشوار المتين!!

المشاركة الأصلية كتبت بواسطة shikh_khaled

السلام عليكم ورحمة الله وبركاته

فيه إعلان في الأهرام اليوم 15/11

مودرن وندرلاند شاليه 70 م 2نوم 2حمام 2تراس ريسبشن مطبخ ب 69000 ج

01004709929

حد حاجز هناك

هى مودرن وندر لاند دى حاجة غير وندرلاند؟

لأ قرية مينا ريزورت دى بعد راس سدر ب 20 كيلو تقريبا. بيقولو بعد لاسياندا على طول, هما كانو بيقولو البحر بعد المدينة احلى بكتير بس مش عارف هو المكان دا يبقى حلو ولا اية.