الموضوع: استفسارعاجل بشأن شالية فى رأس سدر

ياجماعه لو حد عند تفصيل ياريت يقولها

-نظام الفلوس...والاقساط
- لوحد راح هناك ياريت يقول الاخبار....مثلا بعد القريه عن البحر...المكان ......الخ

المشاركة الأصلية كتبت بواسطة dr_asaos

ماشى الكلام يا شباب:s_thum1[1]:..القرية على البحر علطول طبعا...انا بالنسبة ليا تعاقدت على الشاليه الاوسط مساحة ال100م2 صافى موش ال60م2 وكان الاعلان بيقول انه ب100الف شهر 3 اللى فات فلما رحت طبعا مالقتهوش بس كان موجود على الخريطة بالفعل فاختارت الدرجة اللى بعده علطول وهو برضه اخر صف بس بيبوص على منطقة الخدمات والفندق والمسجد والمول والحدائق فأنا قلت مصلحة والمسافة بينى وبين شاطئ البحر 500م يعنى دى اقصى مسافة ومن بعدى بتبدى منطقة الخدمات اللى قلتلكم عليها وشفت ده على الماكيت ورحت بنفسى هناك وكل الوحدات معمولة بميل بحيث انك تشوف البحر بس طبعا يعنى كل ما تتقدم يكون احسن وكمان لقيت البوابة والمدخل زى الفل وهيا بعد موسى كوست علطول تقريبا تانى او تالت قرية بعد نقطة عيون موسى يعنى فعلا من اوائل القرى قبل مدينة راس سدر بتقريبا 30 كم وكمان الكهربا والمية شغالين وفى اماكن ساكنة بالفعل وحركة البناء شغالة رغم انى كنت هناك والشمس بتغرب اصلا...يعنى كنت مستبشر خير...بالنسبة للورق انا كمان اخدت نسخة من التخصيص من هيئة التنمية السياحية لشركة ايجيبكووكمان العقد معاهم محترم جدا ومفيش شيكات والكلام الفاضى ده..وعلى فكرة التعاقد فيه كل حاجة حتى مواصفات التشطيب والمواد المستخدمة فيه وكله عليه توقيعى وتوقيع العضو المنتدب بتاع الشركة وخاتم الشركة وحتى ورقة بالماكيت موضح عليه مكان الشاليه وكمان العقد متضمن عقوبة التأخير والتعويض ...هوالشاليه بتاعى هيكون خلضان فى خلال عام ان شاء الله انما بقية القرية كاملة فى خلال عامين من تاريخ التعاقد يعنى من تاريخ الاعلانات دى:u_thin1[1]:...نيجى بئه للسعر:m_yes[1]:..الشالية بتاعى كان ب109 الف لو دفعت 15% الباقى هيبقى على 3 سنين لو دفعت 20%الباقى هيبقى على4سنين ولو دفعت 30%الباقى على 5سنين والدفع كل3شهور(وده النظام لكل الوحدات هناك سواء شاليه 60م2 او 100م2 او حتى فيلا) وعند الاستلام بيتم دفع 10%من قيمة التعاقد كوديعة لصيانة القرية وعلى فكرة ده النظام المعمول بيه فى اغلب قرى رأس سدر وفى نظام انك ممكن تدفع 15%مقدم وعند معاد سداد اول قسط يعنى بعد 3 شهور ممكن ادفع 15%كمان بحيث انى اكسب موضوع ال5 سنين ده وده اللى انا عملته وبالتلى انا بدفع 3800جنيه كل 3 شهوريعنى قرب 1250جنيه شهريا وطبعا الاسعار دى اقل كتير بالنسبه للشاليه ال 60 م2 ولما رحت ادفع اول قسط كانوا عاوزين يعملولى ابديت ويدونى شاليه اعلى بالسعر القديم بتسهيلات اكتر ليه بئه؟عشان شاليهى يعرفوا ينزلوا بيه اعلان تانى عشان رخيص وفى نفس الوقت يحاولوا يخلصوا من شاليه غالى بس انا توسمت فيهم الخير بس اسعار الشاليهات بتزيد اوى اوى كل ماتدخل نمرة على الشاطئ اللى للعلم شاطئ حلو فعلا يمكن بتزيد10 الاف جنيه كل ما تدخل نمرة على البحر ...ودلوقتى كنت عاوز اعرف فى حد لسه متابع ولا لاء عشان محدش يقدر يضمن مواعيد التسليم وربنا يجعله خير...

الف شكر يا باشا عل المعلومات الجميله ديه ان شاء الله انا هاروح فى اقرب وقت واشوف الدينا فيها ايه
و غالبا هاروح القريه نفسها عشان اشوف كل حاجه على الطبيعه

المشاركة الأصلية كتبت بواسطة dr_asaos

ويا ريت تبلغنا شوفت ايه ووصلوا لحد فين ان شاء الله

اول معرف حاجه هاادخل واعمل بيها تقرير ...ربنا يسهل

ده كلام كويس
ربنا يوفقك و يباركلك
أنا كنت بتكلم على اللي شفته و ده كان بعد راس سدر ب 15 كيلو و ممكن يكون كل منقة ليها سعر ...

الشط اخباره ايه هناك ؟ عشان راس سدر فيها شط رمل و اماكن تانية الشط فيها صخور

المشاركة الأصلية كتبت بواسطة dr_asaos

الشط رملى مش صخرى:s_thum1[1]: وعاملين ممشى كمان ادامه..ده كان اخر حاجة وصلتلها ويارب يكون هناك الوضع احسن دلوئتى

كده تمام قوي
ربنا يباركلك يا باشا
و ربنا يرزقنا و نبقى جيرانك
ان شاء الله