بالفعل حضرتك انا رحت القرية بس شهر 3 اللى فات..وبما انى اخر موقع فالمسافة بالفعل موش بعيدة عادى ولو كنت حضرتك شفت ماكيت القرية كنت هتلاقى كل وحدات القرية بميل بحيث انك تشوف البحر يعنى الوحدات مش معدولة زى القاهرة كدة والعمارات اللى هنا لاء مايلة ومتوازية...وعلى فكرة من الماكيت برضه وكمان لما رحت وشفت فيه بوابتين للقرية البوابة الخارجية وبوابة تانية تبتدى من بعدها الشاليهات اللى انا يعتبر اولهم وبين البوابتين دول الخدمات والحدائق وعشان كدة انا ببوص عليهم وبكدة متهيالى الوضع اهدى من حمام السباحة اللى اعتقد انه هيكون ازعاج جامد اوى اوى وعلى فكرة القرية بتتميز ب 3 بحيرات صناعية فى كل مرحلة ولما رحت كانت مجرد حفريات وكنت هناك المغرب اصلا فمعرفتش اشوف كويس بس اللى هما "واعدين بيه" ان البحيرات دى هيكون فيها جزر فى المنتصف وعليها مطاعم وحركات " والله اعلم بس معرفشى وصلوا لفين دلوقتى... بس ما قالشى لحضرتك امتى المرحلة التالتة؟ اصلى شايف برضه ان تقريبا نص المرحلة التانية او اقل شوية اللى همه غاليين بالقرب من البحر لسه ما تمش التعاقد عليه من خريطة التعاقدات بتاعتهم اللى على الحيطة دى وللعلم انهم مش مدخلين معاهم اى بنوك يعنى شغالين على اقساط الحاجزين وعشان كدة مفيش شيكات مجرد دفعات مثبوتة فى العقد وانا شايف ان دى ميزة كويسة برضه للامان وهوما شارطين ان لو مادفعتش فى خلال 15 يوم من معاد القسط يتم التصرف فى الوحدة دون الرجوع اليك عشان يضمنوا حقهم وانا شايف انها معادلة عادلة بحيث لا قدر الله معرفتش اكمل مروحشى النيابة!!!
المفضلات