التنتييش

**tatooo2005** · 16-02-2010 09:17 PM

العربيه رجعت تنتش تانى .....النتشه قلت بعد ماغيرت البوجيهات بس بردوو فيه تنتيش بتبان قوى لما اجيب تالت على سرعة 40 مثلا وابدأ اشد على الغيار التالت وهكذا لما انقل رابع وابدأ اشد على الرابع ....مع العلم :

انا غيرت الوجيهات بوبجيهات المانى الله اعلم بيهم هما ب 70 جنيه
السلوك انا حاسس انها كويسه وبطلع شراره وكله تمام
مش عارف باه الموبينه ايه دخلها فى الحوار

هل اجيب البوجيهات الأصليه واجرب , ولا ايه النظام انا خايف تطلع حاجه مش على الحسبان ومحدش عارف يفتى صح , ولا كلام حمدى مظبوط ويكون الموبينه مش تمام ... حد كده يدلينى لحسن انا اول مره يعدى عليا الموضوع ده ومحتار .

**tatooo2005** · 16-02-2010 09:19 PM

الأخ جوزيف اكيد هيجيب المفيد .... انا مستنى الردود

**aYaBooY** · 17-02-2010 11:49 AM

طيب يا خويا
قلتلك قبل كدة افتح الكبوت في حتة ضلمة و زود كذا مرة و شوف فيه شرز من سلوك البوجيهات ولا لا
موضوع الموبينة انا مش مقتنع بيه قوي بس ممكن نشك فيه لو موضوع التنتيش ليه علاقة متصلة مع حرارة العربية يعني لما تكون برده يبقي كويس و يظهر لما العربية تسخن و يختفي لو الحرارة قلت كدة ممكن نشك في الموبينة و ساعتها قبل ما تغير تركب واحدة تانية تجرب بيها لو الموضوع اتعالج يبقي تفكر في تغير الموبينة
البوجيهات ركبتها و خلاص ولا ظبطها على الفلر و الفورد ليها بوجيهات اسمها موتور كرافت العادية بـ 100 جنيه و البلاتينيوم ديه مخصوص للفيستا بـ 160 جنيه البوجيهات غير ديه هاتحتاج تظبط سنها على الفلر مقاس 1 و متسمعش لحد يقولك 1 ده كبير قوي و البوجيهات الالمانية معتقدش انها هاتعيش كتير كانت بتكمل عندي 7000 كم بالضرب
عموما انا مستني ردك في موضوع السلوك الاول
سؤال تاني ايه اخبار القاعدة بتاعت الفتيس الي كنت مغيرها اول ما اخدت العربية ؟؟

**egytamer** · 18-02-2010 09:34 AM

يا سلام يا aYaBooY خبرة بجد الكلام دة مش اول كلام بلشكل دة الراجل دة شكلو خريج مدارس فورد الثانوية

**aYaBooY** · 18-02-2010 04:19 PM

ماشي يا تامر بس كل ما في الامر اني كان عندي نفس المشكلة و كنت كل ما اسمع سعر اي حاجة من دول سلوك او بوجيهات كنت بسورء بس في الاخر جبت سلوك تركي اعدت 3 شهور و باظت و جبت الاصلي برده و البوجيهات بجد كنت بغيرها كتير لما كنت بسترخص و لما جبت الاصلي بتاعها نسيت انا اشتريتة من اد ايه

**tatooo2005** · 18-02-2010 04:33 PM

ينهار ابيض على الكلام الكبير .. ده انا طلعت لما اخذه ..... طبعا لاظبط حاجه ولا اتنيلت , انا جبت البوجيهات ام 70 جنيه ديه وركبتها علطول ... انا عمر ماحد قاللى فللر ديه قبل كده هههههه ... بس بجد جامد يا جووووو.. والسلوك بطلع شرز اه .

انا عارف انك طبعا مش طايقنى وانا اكيد عارف ليه .. بس معلش يا مان الجيات احسسن من الريحااات .......

القاعده تمام والفتيس زى السكينه فى الحلاوه ..

**tatooo2005** · 18-02-2010 04:37 PM

عاوزين نعمل موضوع جديد ونسميه ( انت تسأل و aYaBooY يجيب ) ... الراجل ده فعلا متعاون جدا وخدوم ولازم نعيينه فى المنتدى رئيس الفوردويه ..... ولا انتو ايه رايكووو

**reamoz** · 19-02-2010 03:01 AM

على فكرة موضوع البوجيهات الموتور كرافت ده مبالغ فيه جدا وانا عمري ما إستعملت الموتور كرافت دي وعمري ماهجيبها لأن سعرها إستهبال
انا كنت مركب بوجيهات ngk الـ3 شمعة وفضلو شغالين معايا أكتر من 60,000كم وكانوا ب75 جنيه بس ودلوقتي مركب شامبيون بقالهم 2 شمعة بقالهم حوالي 25,000 وشغالين 100%

**aYaBooY** · 20-02-2010 01:21 AM

المشاركة الأصلية كتبت بواسطة tatooo2005

ينهار ابيض على الكلام الكبير .. ده انا طلعت لما اخذه ..... طبعا لاظبط حاجه ولا اتنيلت , انا جبت البوجيهات ام 70 جنيه ديه وركبتها علطول ... انا عمر ماحد قاللى فللر ديه قبل كده هههههه ... بس بجد جامد يا جووووو.. والسلوك بطلع شرز اه .

انا عارف انك طبعا مش طايقنى وانا اكيد عارف ليه .. بس معلش يا مان الجيات احسسن من الريحااات .......

القاعده تمام والفتيس زى السكينه فى الحلاوه ..

طيب سيبك خالص من موضوع الموبينة المشكلة عندك من السلوك و لو هاتجيب تجيبها اصلي بـ 550 او ممكن تجيبها البوش بـ 350 بس الاصلي افضل و متتعبش نفسك و تجيب الصيني او التركي او الاسباني ملهومش اي لازمة بجد انا جبت الاسباني و اضريت اركب القديم لحد مااوصل للميكانيكي
و متتعبش نفسك و تجيب اي بوجيهات او اي قطعة غير لما تغير السلوك