صيدلية المنتدى ..كل مايخص الأدوية المصرية

**Moh.Fahmy** · 27-06-2010 07:12 PM

المشاركة الأصلية كتبت بواسطة misoalex

ايه يا باشا هو فين دكتور احمد

مهو لسه مجاش المنتدى ولا انت بتجهز السؤال من دلوقتى
هو البطيخ بتاع سلطه شنورى لسه عامل مفعوله لحد دلوقتى

يا خبر ابيض ده انا شكلي هيست خالص اصلي بشارك من كومبيوتر الشغل و الواحد كل شوية يدخل و يطلع و ما ببقاش مركز .علي العموم ده فال كويس و بشري خير ان الراجل راجع قريب . و الله ينور عليك خميس باشا و اهو السؤال جاهز و ناقص علي الاجابة عشان دكتور اول ما يرجع يجاوب علطول

**A7MED_PHARMA** · 27-06-2010 10:57 PM

المشاركة الأصلية كتبت بواسطة mohamedrefaay

اوميجا 3

مافائدته

تمت الاجابة عن السؤال سلفا
بأي حال
هوا بيساعد على تخفيض كوليسترول الدم ..يالإضافة لكونه
مكمل غذائي

المشاركة الأصلية كتبت بواسطة moh.fahmy

حمد لله علي سلامتك يا دوك نورت المنتدي و كفارة ان شاء الله و ربنا ما يعودها الايام دي

سؤال كده علي الماشي ايه رأي سعادتك في بانتوجار هل هو مفيد لعلاج تساقط الشعر و لا فيه حاجة من الادوية اللي حضرتك ذكرتها قبل كده افضل منه
و ايه افضل دواء فيتامين للاطفال من سن 4 الي 8 حاليا

و ربنا يباركلك يا زعيم

بانتوجار فعال جدا..وده عن تجربة مع بعض عملاء الصيدلية
لكن لازم العوامل التانية تكون متكاملة ..يعني لازم تناول الخضار والفواكه باستمرار .علشان مفيدة جدا لنمو الشعر
وزي تدليك فروة الرأس..لزيادة الدورة الدموية في فروة الرأس..لضمان وصول امداد دموي كافي للشعر

المشاركة الأصلية كتبت بواسطة misoalex

ايه يا باشا هو فين دكتور احمد

مهو لسه مجاش المنتدى ولا انت بتجهز السؤال من دلوقتى
هو البطيخ بتاع سلطه شنورى لسه عامل مفعوله لحد دلوقتى

شوفت شنوري بيعمل في الناس إيه

**heshamzaky** · 27-06-2010 11:58 PM

سؤال بقى ممكن جدا يكون مفيد لكل الناس مش عارف حد سألة قبل كدة و لا لآ انا مرة ذهبت لطبيب كان بيعالج ب الابر الصينية و حاجات كدة المهم كتب لى على دواء تركيب اسمة مكون من كلمة واحدة و رحت صيدلية العزبى و الدكتور عملة فائدتة انة يمنعك من التدخين يعنى بتحط منة 4 نقط على كوب ماء و تمضمضة و تبصقة مش تبلعة و بعدها لو شربت سيجارة تحس كان فى بقك طعم صبار رهيب لا يمكن احتمالة و لازم ترمى السجارة تعرف اسمة اية و شكرا لك

**A7MED_PHARMA** · 28-06-2010 01:40 AM

المشاركة الأصلية كتبت بواسطة heshamzaky

سؤال بقى ممكن جدا يكون مفيد لكل الناس مش عارف حد سألة قبل كدة و لا لآ انا مرة ذهبت لطبيب كان بيعالج ب الابر الصينية و حاجات كدة المهم كتب لى على دواء تركيب اسمة مكون من كلمة واحدة و رحت صيدلية العزبى و الدكتور عملة فائدتة انة يمنعك من التدخين يعنى بتحط منة 4 نقط على كوب ماء و تمضمضة و تبصقة مش تبلعة و بعدها لو شربت سيجارة تحس كان فى بقك طعم صبار رهيب لا يمكن احتمالة و لازم ترمى السجارة تعرف اسمة اية و شكرا لك

بص ياسيدي
الواحد مهما عرف في مجاله..مش هيعرف كل حاجة
وفوق كل ذي علم..عليم

إن شاء الله أسألك صيادلة من أهل الخبرة القدااااام ..وأجيبلك إسمه
أنا يدوبك 6 سنين خبرة بس

**heshamzaky** · 28-06-2010 01:48 AM

المشاركة الأصلية كتبت بواسطة a7med_pharma

بص ياسيدي
الواحد مهما عرف في مجاله..مش هيعرف كل حاجة
وفوق كل ذي علم..عليم

إن شاء الله أسألك صيادلة من أهل الخبرة القدااااام ..وأجيبلك إسمه
أنا يدوبك 6 سنين خبرة بس

ماشى و لو اى واحد مدخن مثلى اتحداة لو عرف يشرب سيجارة استحالة انا بصراحة بطلت المضمضة دى و الروشتة ضاعت الكلام دة من اكتر من 12 سنة تقريبا و ما عرفتش استطعم سيجارة الا بعد اسبوع و العزى كان بيعمل الدواء التركيب دة زجاجة فى حجم زجاجة القطرة ب 7 جنية فقط

**heshamzaky** · 28-06-2010 10:01 AM

المشاركة الأصلية كتبت بواسطة moh.fahmy

يا ريت يا دكتور احمد تهتم بالموضوع ده و تسأل فيه لانه مهم جدا - صحيح انا ما بدخنش سجاير انما عندي صديق عزيز بيدخن و نفسه يبطل و مش عارف

الله ينور عليك هشام باشا و ياريت لو تتابع الموضوع و تحاول تجيب اسم الدواء ده لانه حيكون مهم جدا

و الله الروشتة ضاعت بس هو كان دواء تركيب تقريبا و كنت بشترية من صيدلية العزبى فرع كلية البنات و اسم الدواء كان كلمة واحدة و الزجاجة حجم زجاجة القطرة بتاعن العين و ب 7 جنية فقط بص هو عامل زى دواء اسمة ايزى كويت بس مش غالى بقولك ب 7 جنية بس دة من 12 سنة حتى لو ب 30 جنية مش مشكلة دة جبار لو مضمضت و حاولت تشرب سيجارة بقك حا يبقى طعمة صبار بشع و لو قرصت على نفسك و شربت سيجارة ممكن تتقيأ كل الى فى معدتك انسى كان دواء جبار و الدكتور الى كتبة كان اسمة د/على رمضان عيادتة متفرعة من شارع رمسيس ناحية غمرة

**A7MED_PHARMA** · 14-07-2010 03:50 AM

أخر أخبار نواقص السوق

الأصناف الغير متوفرة الأيام دي هيا
1.أفيل .. أمبول
2.تافيجيل .. أمبول
3.أدينوبليكس .. أمبول
4.الفاكيموتربسين .. ولو موجودة بتنزل للصيدلي بدون أي ربح
5.سبازموتال .. نقط
6.فلورست .. أقراص

ولو حد من أهالي الشرقية بيحتاج الأنسولين مكستارد (إلي سعره 31.00 جنيه)

أنا -بحمد الله- جبت منه كمية بخصم هايل
يعني إلي محتاجه
ممكن ياخده مني بسعر 25 جنيه
..والغرض خدمة للأعضاء ليس إلا..
أنا عندي 15 قطعة بس ...ودول جولي كده خدمة
فقولت لو حد بيستهلكه بصفة منتظمة ..ممكن أوفرله 6 جنيه في القطعة

..والله أعلم بما في الصدور..

-

-

-

الموضوع: صيدلية المنتدى ..كل مايخص الأدوية المصرية

LinkBack

أدوات الموضوع

عرض

-

-

-

-

المواضيع المتشابهه

كل مايخص مواتير الهوندا بمميزاتها واسعارها

لو عاوز تفتح صيدلية؟؟؟

قائمة الأدوية التي قررت وزارة الصحة تخفيض سعرها

الأدوية فى منزلك

سيبكوا من الأدوية خااااااااااالص و إدوها أعشاب

الكلمات الدلالية لهذا الموضوع

المفضلات

المفضلات

ضوابط المشاركة