لو جنوط العربية مش الأصلية بتاعتها بيبقى فيه نسبة خلوص كبيرة شوية بين قلب السرة اللى بيريح عليها الجنط و خلوص داير الجنط نفسه
طيب ايه اللى يحصل فى حالة زيادة نسبة الخلوص
التحميل على المسمامير هيزيد مما يهدد بانثانئها و بالتالى تعريض حياتك للخطر
و ايه كمان
فى حالة المشى فترات طويله هتلاقى رجة فى العربية و انت مش عارف سببها تروح ترصص زى الفل تروح زوايا زى الفل
و ايه كمان
تلف البلية و ده نتيجة شبة مؤكده
طيب ايه افضل خامة للرنج
1. عندك الأصلى بتاع الجنط و ده بيبقى بلاستيك بس مايكونش جنط صينى
2. تعمله عمولة تيفلون عند الخراط و يتكلف حوالى الطقم 60 جنيه
3. اللى انا عملته فى عربية كرولا عملنا طقم رينجات صلب عند الخراط و بعد ما كان تقرير التوكيل كل مرة يقول الجنوط لازم تتغير بطلوا يطلعوها فى التقرير و اتصل بيا صاحبى خد نمرة الخراطك عشان التوكيل عايزها و بقى يعمل الرينجات لحساب واحد شغال فى التوكيل بس يعيبها انها مكلف شوية يعنى من 100-125 جنيه الطقم و بتحتاج دقة عالية جداً
النتيجة النهائية / جنط اسبور من غير رينجات تهديد حقيقى لراكبى السيارة
و ده اللى اعرفه
المفضلات