الموضوع: نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

موضوع فوق الممتاز استفدت منه كتير وليا سؤال انا محتاجه عربيه مستعمله وسعرها فى حدود 10 او اقل تنصنحنى بنوع ايه وشكرا لحضرتك

المشاركة الأصلية كتبت بواسطة husseinoo

بسم الله الرحمن الرحيم
اللهم صل على محمد وعلى آله وصحبه أجمعين




المرشد الاساسى

فى مهارات قيادة السيارة

كشف المنطقة العمياء ... ويتم التدريب على كشف السيارات المتواجدة فى المنطقة العمياء لسيارتك بالنظر المباشر فوق كتفك خصوصا عند الإنتقال الى الحارة اليمين "الحارة الملاصقة للرصيف" ... او الإنتقال الى الحارة الوسطى ... يعنى مثلا تكون راكن وهاتبدأ فى السير ولك رغبة فى الإنتقال الى الحارة الوسطى على سبيل المثال .. طبعا ده تدريب فى منتهى الجمال ومهم جدا جدا جدا خصوصا للمبتدأين

استخدام الإشارات .... خصوصا عند الإنتقال من حارة إلى حارة او الدخول فى الملفات ... للأسف فيه ناس كثير تكتفى باستخدام الإشارات فى الملفات فقط ... وفيه اللى بيخاف على ماكينة الإشارات وخايف انها "تتلف وتبوظ" .... هههههه لدرجة ان يستخسر يستخدم الإشارات هههههههههههه وفيه اللى عربيته مافيهاش إشارات من اساسه ههههههههههههههههه وفيه اللى موش عارف ومقدر اهمية الإشارات من اساسه


الدخول شمال او يمين ... يعنى تبقى ماشى فى آمان الله ... ويطلب صديقك منك الدخول يمين او شمال .... ونشوف حضرتك هاتتصرف ازاى ... هل هاتندفع الى الملف بدون مقدمات ... هاتتصرف ازاى... ويتابعك ويشوف هل هاتنظر فى المرايات لكشف السيارات من حولك ؟ .... ولا هاتندفع للملف بدون النظر حولك ؟
طيب لو كان فيه عربية قادمة من خلفك ... هل هاتستطيع تقدير سرعتها ؟ ... يعنى هاتشوف ان فيه فرصة كويسة للدخول يمين ولا تنتظر شوية حتى تمر هذه السيارات المسرعة ...

طبعا فيها عربيات بتمر من على يمينك عادى خالص هههههههه ... يعنى يبقى ماشى على طول وانت تارك له الشمال فاضى ورغم ذلك يمر من على يمينك
الموضوع محتاج تدريب كويس جدا جدا


استخدام الإشارة قبل الملف بحوالى 30 متر تقريبا ... يعنى موش قبل كده ... مثلا يطلب منك الدخول فى الملف القادم ... ونشوف حضرتك هاتستخدم الإشارة قبل الملف بـ 30 متر فعلا ولا هاتستخدم الإشارة قبل الملف مثلا بـ 100 او 200 متر ...

طبعا استخدام الإشارة المبكر جدا يعتبر خطأ ويسبب مشاكل للآخرين ... يعنى لو انا استخدمت الإشارة بدرى قوى اصبح ليس لها معنى .... ممكن العربيات التى فى الخلف تعتقد انى ناسى الإشارة اساسا .... والمفروض انك تستخدم الإشارة فى التوقيت المناسب اللى كل العربيات مركزة فيه وعايزين يعرفوا انت ناوى تمشى مثلا على طول ولا هاتدخل الملف .

التوقف الهادىء
وفيه من الممكن ان اطلب من السائق التوقف على احد الأجناب مثلا ... واشوف هو هايتوقف ازاى ؟ ... هل هايضغط على الفرامل بشكل جامد ؟ ... ولا هايضغط على الفرامل بشكل هادىء ومتدرج ؟ ... هل بحس بأن العربية "بتترج" جامد اثناء التوقف ؟ ... وطبعا هل قائد السيارة بيضغط على البنزين والفرامل فى نفس الوقت ... بعض المبتدأين بيضرب "لخمة" .. بدل ما يضغط على الفرامل يضغط على البنزين ... واحيانا بدل ما يضغط على الفرامل يضغط على الفرامل والبنزين فى نفس الوقت ...



ده غير التدريب على التوقف الهادىء فى الزحام وفى المواقف المختلفة ... لو فيه حد ضغط على الفرامل والبنزين فى نفس الوقت ... يبقى خلاص "ما يقطعش الجوابات" ... ويرجع يتعلم تانى وبشكل جادى

هههههههههه من يومين اكتشفت حاجة تكسف وتضحك فى نفس الوقت هههههههه اكتشفت انى عشان لابس "جزمة سفتى" ... وش الحذاء كبير ولما اضغط على الفرامل اكتشفت انى بضغط على البنزين فى نفس الوقت ههههههههههه

وانا اقول لنفسى هى العربية احيانا موش بتقف كويس ليه ؟ ........ شوف العبقرية ... اهى دى حاجة عمرها ما كانت تخطر على بالى ... يعنى عشان غيرت "الحذاء" .. ظهرت مشاكل لم اتوقعها هههههههههه إلا بالصدفة




المطلوب منك عدم التوقف غير الضرورى ... يعنى ايه ؟ ... يعنى مثلا انت شايف ان الإشارة "صفراء" او "خضراء" يبقى مافيش داعى للتوقف تماما ...

وطبعا لا تتوقف بشكل هادىء ... ولا تندفع بعربيتك لآخر لحظة ... يعنى مثلا يطلب منك التوقف فى احد الآماكن ... حتى الآن لا يشعر المبتدأ بسرعة العربية ... ولا بالمساحة التى سوف تحتاجها للتوقف ... ولا بضغطة رجله على الفرامل هل هى جامدة ولا خفيفة ولا ضعيفة ؟ .... وتقديره للمكان اللى مطلوب منه التوقف فيه هل هو بعيد ولا قريب ... هل يبدأ فى التوقف الآن ولا ينتظر شوية ؟ ...
الموضوع موش سهل ... يعنى ظاهره سهل ولكنه خطر جدا ...


مثلا انت نازل من فوق كوبرى بسرعة وهاتدخل يمين محتاج انك تهدى العربية ... طيب عملية التهدئة دى هاتبدأ امتى ؟ ... لو بدأت بدرى قوى وهديت العربية جامد جدا فى الوقت اللى فيه العربيات مسرعة جدا من خلفك ... النتيجة ايه ؟ .... النتيجة موش كويسة .... طيب لو فوجىء قائد السيارة اللى خلفك ... انك توقفت بشكل مفاجىء وحاد ... النتيجة ايه ؟ .... النتيجة موش كويسة ... يبقى انت محتاج تدريب جامد
امشى ... توقف هنا .... امشى .... توقف هنا ... وهكذا ... حتى يشعر المدرب انك مية مية فى عملية التوقف دى واحساسك بالعربية ممتاز.

التوقف عند مرور المشاة
تبدأ فى التدريب على التوقف قبل علامات مرور المشاة ... طبعا تراعى عدم التوقف على الخطوط المخصصة للمشاة ... والتوقف الهادىء ... وإذا كان مافيش علامات فى الشارع لمرور المشاة ... لازم تقدر انت بنفسك المساحة اللى هايمر منها المشاة .... وتترك لهم مساحة كافية للمرور بأمان.


تابــــــع


فى إنتظار التواصل


مع اطيب التمنيات
اخوكم حسين غزالة

جميل جدا مفيد جداً شكرا جدا انا عمال اكتب ايه اللي مفروض اتدرب عليه لما اجيب العربية قريب ان شاء الله انا اتعلمت السواقة من فترة بس بعد اللي قريته حسيت اني لازم اتعلم من تاني
كل سنة وانتم طيبون جميعا وشكر خاص للاستاذ حسين

والله موضوع ممتاز وعمال اتعلم منه كل شويه حاجه
بس بصراحه موضوع كبير برضو ومش هقدر اقري كله
ومعلش عندي كام سؤال كده
دلوقتي انا كنت اتعلمت السواقه من حوالي 6 سنين كانت عربيه بيري وكانت العربيه صغيره وعلى القد كدا وكله كان تمام دلوقتي الحج معاه جيلي ام جراند العربيه فعلا فرق شاسع بين اللى اتعلمت عليها وبين دي دي كانها سفينه كدا كبيره جدا غير التانيه
المهم انا اتعلمت تقريبا فى 2010 وبطلت سواقه جيت السنه دي اسوق لقيت الدنيا ملغبطه وخدت وقت فى حاجات كتيره وعندي اخطء كتيره ديما الناس بتعلقلي عليها فلوسمحت عايز نصيحتكم وخبرتكم اعمل ايه فيها
1- دلوقتي بيني وبين الغيار الاول تقريبا فى طار قديم انا بدي العربيه الاول وبعدين التاني على طول ولو رجعت للاول لازم لازم العربيه تقف مني ودا طبعا بيخلي شكلي وحش قدام الناس ولو زحمه مقلوش بقا على اللى بيحصل فى ايه الحل لمشكله زي دي
2- للما بدي العربيه التاني والتالت العربيه كلها بتتهز مني واللى راكبين معايا لازم يعلقو عليا وكذلك الرابع لكن الخامس مفهوش حاجه مش عارف برضو ايه الحل للمشكله دي
3- المريا اليمين مش عارف اظبطها على ايه بالظبط يعني ابقي مبين حته من العربيه ولا مبين الشارع ومش شايف العربيه والارتفاع برضو قد ايه يعني المفروض من الاخر ابقي شايف ايه منها
4-دلوقتي انا متعود وانا داخل على مطب ببقي محمل فرامل لحد ما العربيه تنزل من علي المطب بشيل رجلي واحد صحبي كان سايق عربيته ورايا ولما وصلنا قالي انا بتدوس فرامل وانت على المطب وان انا كده مش سواق السواق لازم يشيل رجله قبل المطب ويسيب العربيه براحته عايمه
يا رب تفديوني وشكرا مقدما وان شاء الله هضيف شوية مشاكل تاني معايا

السلام عليكم انا عارفه انه موضوع. تافه واتقال كتير
بس انا لسه جديدة في الجروب وفي السواقه والعربية كمان
انا جبت عربية اوبل فيكترا 94 اتوماتيك هي كويسه بس محتاجه تظبيطات كتير
مشكلتي اني بتعلم السواقه لسه ومش ببقي عارفه امشي مستقيم بلاقي المدربه تقولي سنه يمين وانا مش ببقي عارفه اني محتاجه اخش يمبن شويه انا بقالي كتير في نفس المشكله اعلاجها ازاي
شكرا مقدما

جزاكم الله خيرا موضوع اكثر من رائع