اخر مواضيع المنتدى

العودة   نايل موتورز - NileMotors.net > الساحة التعليمية > القــــسم التعلــــيمى
بحث مخصص
عزيزى الزائر انت غير مسجل لدينا حيث يمكنك التسجيل عبر اضغط هنا
إضافة رد
كاتب الموضوع husseinoo مشاركات 993 المشاهدات 178580  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
 
LinkBack أدوات الموضوع انواع عرض الموضوع
قديم 29-06-2010, 02:44 PM   #361
عضو جديد
البيانات الشخصية
مواضيعي / ردودي
الحالة
nadeen غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 0
معجب بمشاركة (أرسل): 0
معجب بمشاركة (تلقى): 1

افتراضي

السلام عليكم ورحمة الله وبركاته

معلش يا جماعة استحملوا سؤالى شوية لأنى لسة مبتدئة ، عايزة أعرف لو انا مثلا دخلت فى شارع على الشمال وكان ضيق وفجأة لقيت نفسى قربت زيادة عن اللزوم من العربية اللى راكنة على شمالى اعمل ايه؟ أكسر الدريكسيون يمين جامد علشان ابعد ولا برضو الباب الخلفى ممكن يكحت فى العربية ولو جعت علشان اعدل نفسى وابعد عنها كمان ممكن اكحت فى العربية اللى جنبى ، طاب اعمل ايه؟

nadeen غير متواجد حالياً   رد مع اقتباس
قديم 29-06-2010, 03:41 PM   #362
عضو برونزي
 
الصورة الرمزية husseinoo
البيانات الشخصية
مواضيعي / ردودي
الحالة
husseinoo غير متواجد حالياً

حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 68
معجب بمشاركة (أرسل): 0
معجب بمشاركة (تلقى): 30

مـجـمـوع الأوسـمـة: 1

التميز



افتراضي

المشاركة الأصلية كتبت بواسطة nadeen مشاهدة المشاركة
السلام عليكم ورحمة الله وبركاته

معلش يا جماعة استحملوا سؤالى شوية لأنى لسة مبتدئة ، عايزة أعرف لو انا مثلا دخلت فى شارع على الشمال وكان ضيق وفجأة لقيت نفسى قربت زيادة عن اللزوم من العربية اللى راكنة على شمالى اعمل ايه؟ أكسر الدريكسيون يمين جامد علشان ابعد ولا برضو الباب الخلفى ممكن يكحت فى العربية ولو جعت علشان اعدل نفسى وابعد عنها كمان ممكن اكحت فى العربية اللى جنبى ، طاب اعمل ايه؟



سؤال حضرتك فى منتهى الأهمية

انظرى حضرتك الى الصورة التالية



فى الصورة تظهر السيارة الخضراء
يريد صاحب السيارة الخضراء الدخول الى الشارع ناحية اليمين

فى الحالة دى يجب مراعاة التالى:
اولا: يحاول يبعد عن الرصيف على قدر الامكان
ثانيا: كل تركيزه هايكون على العربية الزرقاء

انظرى الى الصورة التالية



فى الصورة السابقة يظهر ان سائق السيارة الخضراء كله تركيزه على الفانوس الايسر لسيارته
وانه يقترب على قدر الامكان من الفانوس الايمن الخلفى للسيارة الزرقاء

الخلاصة: ان السيارة الخضراء تذهب الى الشىء البعيد ... والبعيد هنا هو السيارة الزرقاء

انظرى الى الصورة التالية


فى الصورة يستمر قائد السيارة الخضراء فى الدوران والاقتراب قدر الامكان من السيارة البعيدة "السيارة الزرقاء"


ملحوظة: طبعا قبل الدخول هاتضغطى على الدبرياج بالكامل
ورجلك التانية هاتكون فوق الفرامل
وهاتدخلى براحة قوى
يعنى هاتفضلى تضغطى على الفرامل للتحكم فى سير العربية
وتتركى السيارة تدخل الملف بدون الضغط على دواسة البنزين
فى الغالب هايكون الغيار المستخدم هو الغيار التانى

لا تضغطى بنزين إلا بعد التأكد من أن العربية عدلت نفسها ودخلت الشارع فى أمان

لو شعرتى فى اى وقت ان المكان ضيق
ببساطة اضغطى على الفرامل ولا تستمرى فى الدخول
وما دام رجلك ضاغطة على الدبرياج عمر العربية ما هاتبطل منك

فى الحالة دى هاترجعى للخلف وتحاولى مرة تانية


طيب لو كنتى راجعة للخلف ها تعملى ايه ؟
انظرى الى الصورة التالية :


فى الصورة تظهر السيارة الخضراء ويريد قائدها الرجوع الى الخلف والدخول فى الشارع الجانبى

يلاحظ التالى:
ان كل تركيز صاحب السيارة الخضراء على الاقتراب قدر الامكان من السيارة القريبة منه
والسيارة القريبة منه هنا هى السيارة الزرقاء


انظرى الى الصورة التالية



يظهر فى الصورة ان قائد السيارة الخضراء مستمر فى الرجوع ويحاول الاقتراب قدر الامكان من السيارة الزرقاء

كل تركيز قائد السيارة الخضراء على فانوسه الايمن الخلفى
وينظر بتركيز على الفانوس الايمن الخلفى للسيارة الزرقاء

انظرى الى الصورة التالية


يستمر قائد السيارة الخضراء فى الدوران للخلف
ويحافظ دائما على الاقتراب من السيارة القريبة منه وهى السيارة الزرقاء
حتى يتم الانتهاء من الدوران
يعنى اول ما يشوف ان ظهر العربية دخل الشارع .. يبدأ على طول فى تحويل عجل العربية الى الشكل المستقيم "يعنى يعدل الدركسيون عدل" ويستمر فى الرجوع


الخلاصة: عند الذهاب الى الامام
يكون التركيز على الشىء البعيد من العربية

عند الرجوع للخلف
يكون التركيز على الشىء القريب من العربية

ارجو ان اكون وفقت

فى انتظار التواصل

مع اطيب التمنيات
اخوكم حسين غزالة




الصور المرفقة
نوع الملف: jpg turn1.jpg‏ (50.1 كيلوبايت, المشاهدات 108)
نوع الملف: jpg turn2.jpg‏ (52.8 كيلوبايت, المشاهدات 106)
نوع الملف: jpg turn3.jpg‏ (53.7 كيلوبايت, المشاهدات 107)
نوع الملف: jpg turn4.jpg‏ (32.0 كيلوبايت, المشاهدات 107)
نوع الملف: jpg turn5.jpg‏ (34.3 كيلوبايت, المشاهدات 106)
نوع الملف: jpg turn6.jpg‏ (35.3 كيلوبايت, المشاهدات 106)
 
اخر مواضيعى

0 مطلوب كاسيت سيارة مستعمل
0 احترس من النصابين .... فى المرور
0 رجاء شرح تابلوه مازدا 323 موديل 1982
0 مطلوب سيارة فولكس بيتلز ... حالة فوق الممتازة
0 مطلوب بيتلز 1300 .... شرط الحالة الممتازة جدا

 
husseinoo غير متواجد حالياً   رد مع اقتباس
قديم 29-06-2010, 10:54 PM   #363
عضو جديد
البيانات الشخصية
مواضيعي / ردودي
الحالة
nadeen غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 0
معجب بمشاركة (أرسل): 0
معجب بمشاركة (تلقى): 1

افتراضي

ألف شكر لحضرتك يا أستاذ حسين وربنا يجزيك كل الخير على اهتمامك ووقتك اللى مش بتبخل بيه على اى حد محتاج مساعدة ... شكراااااااا

nadeen غير متواجد حالياً   رد مع اقتباس
قديم 30-06-2010, 03:19 AM   #364
عضو جديد
البيانات الشخصية
مواضيعي / ردودي
الحالة
yasiressa غير متواجد حالياً

حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 0
معجب بمشاركة (أرسل): 0
معجب بمشاركة (تلقى): 0

افتراضي

السلام عليكم ورحمة الله وبركاته

الحمد لله النهارده مشيت بسيارتى مشوار حلو من كوبرى عرابى شبرا الخيمة حتى نهاية شارع شبرا
مارا بكوبرى عرابى طبعا وكوبرى المظلات
وفى العودة من ش الترعة الى ش شبرا الخلفاوى كوبرى المظلات كوبرى عرابى

يعنى المشى مش بطال لم ازيد عن 40 كيلو طول السير
وطبعا ماشى على الغيار التانى
بس وانا راجع صعب على نفسى ان كله عمال يجرى وانا لا
قمت مغير على التالت وفاتح حتى 70 ومطولتش لانى دخلت على اشارة الخلفاوى فوقفت

ووسط المشوار فولت بعد ما دخلت بنزينتين
الاولى كان فنطاس بيفضى فيها بنزين 80 ومليانه عربيات
وطبعا انا دخلت على 92 كان فاضى فطلبوا استنى نصف ساعة
فقلت اروح بنزينه تانيه وقررت الخروج من وسط جيش تكوسه واقفه علشان ال80
وطبعا قعدت الف بالعربية وسطهم ما يين شمال و يمين علشان اعرف اخرج


طبعا اكيد فيه غلطات عملتها هى بسيطة لكن طبعا بالنهار مشكله
منها معرفتش اركن فى شارع شبرا بين عربيتين واقفين موازى للرصيف
( مع انى قريت ازاى اركن وفهمت القصة بس طبعا لم اتدرب عليها)
المهم بعد ربع ساعة قدام و وراء ركنت ونزلت اشوف راكن ازاى لقيت نفسى راكن
ونص ظهر العربيه للشارع

((كان معايا مراتى وابنى وكنت ناوى اعزمهم على عصير))

طبعا شفت المنظر كده قمت طالع بالعربية وقلت لهم مرة تانيه

طبعا بعد ما رجعت عاوز اركن وانا بأركن عمودى على كوبرى وكانت الطامةالكبرى علشان جرحت العربية من اليمين والشمال فى الطوب اللى متحدد بيه الفواصل بين العربيات
طبعا بعد برضة ربع ساعة لحد ما الحارس جه زقعد يقلى ازاى اعدل نفسى
بس الحمد لله انها جت على قد كدة

وكنت قريت على طريقة هنا فى المنتدى لمعالجة الخدوش اشوفها واحاول اعملها نفعت خير وبركه منفعتش نشوف طريقة تانيه

بس اهم حاجة ان الواحد قدر يتغلب على جزء من خوفه من السواقة
اعتقد انى محتاج كمان مرتين او ثلاثه خروج والجو رايق
فبل ما ابتدى انزل بالنهار وسط الزحمة
واكيد محتاج ادرب نفسى على الركن بنوعيه علشان العمليه مش مستحمله حرقة دم

وربنا يسهل
انا طبعا اسف انى وجعت دماعكم بحكايتى
بس بجد انا استفدت منكم كتير ومن النصائح اللى قريتها هنا
قلت اكتب اللى بعمله ولو حد شاف انه ممكن يقوللى حاجة تنفعى
يقوللى عليها
وبرضة اهى خبرات بنجمعها نستفاد منها واكيد حد تانى حيقرها يستفاد هو كمان
وطبعا الاخوة اللى حيدونا خبراتهم برضة حيستفادو برضة
بس حسنات عند ربنا
والسلام عليكم

yasiressa غير متواجد حالياً   رد مع اقتباس
قديم 30-06-2010, 07:26 PM   #365
عضو برونزي
 
الصورة الرمزية husseinoo
البيانات الشخصية
مواضيعي / ردودي
الحالة
husseinoo غير متواجد حالياً

حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 68
معجب بمشاركة (أرسل): 0
معجب بمشاركة (تلقى): 30

مـجـمـوع الأوسـمـة: 1

التميز



افتراضي

بسم الله الرحمن الرحيم
اللهم صل على محمد وعلى آله وصحبه أجمعين



ركن السيارة

نظرا لاهمية ركن السيارة ... هاحاول اشرحه مرة تانية

انظر الى الصورة التالية


تلاحظ فى الصورة الفرق بين السيارتين
يعنى لا تقترب من السيارة المتوقفة بشكل جامد إلا إذا كان المكان ضيق ... يعنى يا دوب يكفى عربيتك فى الحالة دى اقترب من السيارة الخضراء بقدر الإمكان
لو المكان واسع او مساحته معقولة ومريحة .. انا اترك مسافة تقريبا نصف متر بين السيارتين



انظر الى الصورة التالية

فى الصورة يظهر التالى
اول ما عربيتك تتخطى العربية الخضراء ... يعنى اكصدام العربية السوداء اول ما يعدى اكصدام العربية الخضراء
تبدأ على طول فى لف عجلة القيادة "الدركسيون" ناحية العربية الخضراء ... يعنى فى حالتنا هاتلف الدركسيون ناحية الشمال "ناحية الرصيف"

هاتلف الدركسيون بالكامل على الآخر




انظر الى الصورة التالية

اول ما تشوف الرصيف خلف سيارتك
تبدأ ترجع الدركسيون الى الوضع الطبيعى "تخليه على العدل" ... لكن بالتدريج ... وانت مستمر فى الرجوع .. ترجع شوية وتلف الدركسيون ناحية اليمين فى نفس الوقت




انظر الى الصورة التالية

الصورة دى مهمة جدا جدا
وهنا تظهر اغلب اخطاء المبتدأين
اول ما نصف العربية السوداء يدخل خلف العربية الخضراء
ممكن تتوقف لو انت موش سريع
وتبدأ فى لف الدركسيون على الناحية المعاكسة للرصيف وهى ناحية اليمين
وتنظر امامك
يعنى لا تنظر خلفك
كل تركيزك هايكون على اكصدام عربيتك الامامى ... وتحاول تراعى انك ما تخبطش العربية الخضراء التى امامك
لو الامور ماشية تمام ... هاتستمر فى الرجوع الى الخلف
لو حصل مشاكل وشعرت انك هاتخبط العربية الخضراء من الامام ... توقف تماما ثم امشى الى الامام عشان توسع لنفسك مرة تانية واعد المحاولة




انظر الى الصورة التالية

فى الصورة يظهر ان السيارة السوداء
قائد السيارة كسر العجل تماما عكس الرصيف ناحية اليمين
واستمر فى الرجوع الى الخلف بدون اى مشاكل وطبعا عينه على كبوت العربية عشان ما يخبطش العربية الخضراء




انظر الى الصورة التالية

فى الصورة السيارة السوداء رجعت تمام التمام
وواقفة صح وموش لازقة للرصيف .. يعنى فيه مسافة صغيرة
لو حصل وكانت المسافة بينك وبين العربية الخضراء كبير ... ممكن تتقدم للامام قليلا

لو حصل وانت بترجع خبط الرصيف ... مافيش مشاكل .. اطلع للامام شوية ... وارجع تانى
ثم اكسر العجل مرة تانية على الآخر ناحية اليمين وارجع للخلف مرة تانية


اهم ملاحظات:
  • المسافة بينك وبين العربية المتوقفة كبيرة لو المكان واسع ... صغيرة لو المكان ضيق

  • اكسر الدركسيون اول ما اكصدامك يتخطى السيارة الخضراء ... اكسر الدركسيون ناحية الرصيف بالكامل على الآخر

  • اول ما نصف العربية يدخل انظر امامك واكسر الدركسيون بالكامل عكس الرصيف


يتبقى التجربة فى مكان واسع الاول
ومكان يكون غير مزدحم

ارجو ان اكون وفقت

فى انتظار التواصل

مع اطيب التمنيات
اخوكم حسين غزالة

الصور المرفقة
نوع الملف: jpg 6-30-2010 6-54-59 PM.jpg‏ (13.8 كيلوبايت, المشاهدات 94)
نوع الملف: jpg 6-30-2010 7-00-18 PM.jpg‏ (13.6 كيلوبايت, المشاهدات 93)
نوع الملف: jpg 6-30-2010 7-04-26 PM.jpg‏ (13.9 كيلوبايت, المشاهدات 94)
نوع الملف: jpg 6-30-2010 7-07-22 PM.jpg‏ (13.6 كيلوبايت, المشاهدات 93)
نوع الملف: jpg 6-30-2010 7-12-01 PM.jpg‏ (13.0 كيلوبايت, المشاهدات 93)
نوع الملف: jpg 6-30-2010 7-14-38 PM.jpg‏ (14.2 كيلوبايت, المشاهدات 92)
 
اخر مواضيعى

0 مطلوب كاسيت سيارة مستعمل
0 احترس من النصابين .... فى المرور
0 رجاء شرح تابلوه مازدا 323 موديل 1982
0 مطلوب سيارة فولكس بيتلز ... حالة فوق الممتازة
0 مطلوب بيتلز 1300 .... شرط الحالة الممتازة جدا

 
husseinoo غير متواجد حالياً   رد مع اقتباس
الإعجاب / الشكر
شكرًا lolod30 شكر لهذه المشاركة
قديم 30-06-2010, 08:23 PM   #366
عضو جديد
البيانات الشخصية
مواضيعي / ردودي
الحالة
yasiressa غير متواجد حالياً

حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 0
معجب بمشاركة (أرسل): 0
معجب بمشاركة (تلقى): 0

Thumbs up

المشاركة الأصلية كتبت بواسطة husseinoo مشاهدة المشاركة
بسم الله الرحمن الرحيم

اللهم صل على محمد وعلى آله وصحبه أجمعين




ركن السيارة



نظرا لاهمية ركن السيارة ... هاحاول اشرحه مرة تانية

انظر الى الصورة التالية


تلاحظ فى الصورة الفرق بين السيارتين
يعنى لا تقترب من السيارة المتوقفة بشكل جامد إلا إذا كان المكان ضيق ... يعنى يا دوب يكفى عربيتك فى الحالة دى اقترب من السيارة الخضراء بقدر الإمكان
لو المكان واسع او مساحته معقولة ومريحة .. انا اترك مسافة تقريبا نصف متر بين السيارتين



انظر الى الصورة التالية

فى الصورة يظهر التالى
اول ما عربيتك تتخطى العربية الخضراء ... يعنى اكصدام العربية السوداء اول ما يعدى اكصدام العربية الخضراء
تبدأ على طول فى لف عجلة القيادة "الدركسيون" ناحية العربية الخضراء ... يعنى فى حالتنا هاتلف الدركسيون ناحية الشمال "ناحية الرصيف"

هاتلف الدركسيون بالكامل على الآخر




انظر الى الصورة التالية

اول ما تشوف الرصيف خلف سيارتك
تبدأ ترجع الدركسيون الى الوضع الطبيعى "تخليه على العدل" ... لكن بالتدريج ... وانت مستمر فى الرجوع .. ترجع شوية وتلف الدركسيون ناحية اليمين فى نفس الوقت




انظر الى الصورة التالية

الصورة دى مهمة جدا جدا
وهنا تظهر اغلب اخطاء المبتدأين
اول ما نصف العربية السوداء يدخل خلف العربية الخضراء
ممكن تتوقف لو انت موش سريع
وتبدأ فى لف الدركسيون على الناحية المعاكسة للرصيف وهى ناحية اليمين
وتنظر امامك
يعنى لا تنظر خلفك
كل تركيزك هايكون على اكصدام عربيتك الامامى ... وتحاول تراعى انك ما تخبطش العربية الخضراء التى امامك
لو الامور ماشية تمام ... هاتستمر فى الرجوع الى الخلف
لو حصل مشاكل وشعرت انك هاتخبط العربية الخضراء من الامام ... توقف تماما ثم امشى الى الامام عشان توسع لنفسك مرة تانية واعد المحاولة




انظر الى الصورة التالية

فى الصورة يظهر ان السيارة السوداء
قائد السيارة كسر العجل تماما عكس الرصيف ناحية اليمين
واستمر فى الرجوع الى الخلف بدون اى مشاكل وطبعا عينه على كبوت العربية عشان ما يخبطش العربية الخضراء




انظر الى الصورة التالية

فى الصورة السيارة السوداء رجعت تمام التمام
وواقفة صح وموش لازقة للرصيف .. يعنى فيه مسافة صغيرة
لو حصل وكانت المسافة بينك وبين العربية الخضراء كبير ... ممكن تتقدم للامام قليلا

لو حصل وانت بترجع خبط الرصيف ... مافيش مشاكل .. اطلع للامام شوية ... وارجع تانى
ثم اكسر العجل مرة تانية على الآخر ناحية اليمين وارجع للخلف مرة تانية


اهم ملاحظات:

  • المسافة بينك وبين العربية المتوقفة كبيرة لو المكان واسع ... صغيرة لو المكان ضيق
  • اكسر الدركسيون اول ما اكصدامك يتخطى السيارة الخضراء ... اكسر الدركسيون ناحية الرصيف بالكامل على الآخر
  • اول ما نصف العربية يدخل انظر امامك واكسر الدركسيون بالكامل عكس الرصيف

يتبقى التجربة فى مكان واسع الاول
ومكان يكون غير مزدحم

ارجو ان اكون وفقت

فى انتظار التواصل

مع اطيب التمنيات
اخوكم حسين غزالة
ربنا يكرمك يا اخى

على فكرة شرح بسيط و وافى

yasiressa غير متواجد حالياً   رد مع اقتباس
قديم 30-06-2010, 09:33 PM   #367
عضو جديد
البيانات الشخصية
مواضيعي / ردودي
الحالة
abeeron غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 0
معجب بمشاركة (أرسل): 0
معجب بمشاركة (تلقى): 0

افتراضي

سلام عليكم
الف شكر يا ا. حسين وربنا يجازيك خير
بخصوص نصائحك بالنسبة لتقطيع العربية..متشكرة جدا ..اخويا كان فعلا غير البوجيهات بس فاعلي الخير اللي بيركنوها لي كتير قالوا لي ان فيها سنة كهربا زيادة هي اللي بتخليها تنط وتقطع..فهاحاول اخلي اخويا يوديها لكهربائي
الركن كتر خيرك حضرتك وضحته كويس جدا (انا فعلا باستغرب ازاي بتقدر تتجاوب بهذه السرعة والكفاءة والتبسيط مع تساؤلاتنا..ماشاء الله ربنا يبارك فيك ويجعله في ميزان حسناتك).. مشكلتي اني باركن كدا بس في مكان ضيق جدا وعلى رصيف مش عالي بس حدوده قائمة فمتعبة في الارتفاع عليها (هو رصيف كدا وكدا: عرضه ييجي 40 سم ومحدش بيمشي عليه اساسا فالعربيات بتركن عليه ومفيش حل لها غير كدا)... المهم اني لا مجال عندي لترك مسافة مع السيارة المجاورة اللي هاركن وراها وبتكون مشكلتي اني ارجع وراها من غير ما اجرح العربية اللي ع الجهة التانية (الشارع عربية يمين وعربية شمال ومكان حركة لعربية واحدة بينهم!).. لذلك غالبا يظهر فاعل خير بيستنى ييجي ربع ساعة يشوف ويلاقيني فشلت فيتطوع مشكورا ويركنها لي...بس والله ساعات باركنها وحدي..بس باحتاج شوية وقت
بالنسبة للحركة او اللف ين سيارتين..حضرتك نصحت فيه نادين كويس جدا ..واضيف عليه ان اللي كان بيعلمني كان بيقول لي ابدا الف لما قايم العربية يعدي الهدف او الحاجة اللي هالف حواليها ..المقصود بالقايم نهاية الرفرف لو بالف لقدام او نهاية الشنطة او بداية الباب الخلفي لو بالف لورا...ارجو ان تكون هذه النصيحة مفيدة لنادين وباقي اخواتنا هنا.. انا باحاول اطبقه مع محاولة الاحساس بالوضع وبيساعدني ان عربيتي الحمد لله صغيرة...محتاجين بقى لما ربنا يكرم بعربية اكبر موضوع خاص للمبتدئين في قيادة عربية اكبر:)

abeeron غير متواجد حالياً   رد مع اقتباس
قديم 01-07-2010, 01:39 AM   #368
عضو فضي
البيانات الشخصية
مواضيعي / ردودي
مزاجي:
الحالة
sara2001 غير متواجد حالياً

حاصل على الاستيكر
الإعجاب بالمشاركات
شكرًا (أرسل): 5
شكرًا (تلقى): 3
معجب بمشاركة (أرسل): 9
معجب بمشاركة (تلقى): 11

افتراضي

السلام عليكم ورحمة الله وبركاته
الف شكر يا أ. حسين على شرحك الوافي ونصائحك المفيده
جزاك الله كل خير وجعله في ميزان حسناتك

عندي تجربتين للسير بالعربيه واجهتني فيهم بعض المشاكل اهمهم او اصعبهم بالنسبه لي السير في شارع عريض ثم التفرع منه الى طريق ضيق واولوية المرور في هذه الحاله لمين
خاصة ان مفيش حد بينتظر يعني الموضوع عايز شوية عافيه مش عايز ذوق خالص
او السير في طريق يصب فيه تفرعات اخرى من على اليمين او اليسار يعني اليمين عربيات خارجه من نفق والشمال عربيات خارجه من طريق عمودي وانا في الطريق اللي في المنتصف
وبكده العربيات دي لازم تدخل في بعضها لو فضلت بنفس سرعتها لأن الحارات بتضيق وتصب كلها في المنتصف (زي الطريق من عند كوبري قصر النيل يمين في اتجاه جاردن سيتي)
انا بحاول افضل محافظه على حارتي وده بيكون صعب جدا لو الدنيا زحمه لأن اللي في اليمين واللي في الشمال بيكسروا على اللي في المنتصف وربنا بيستر


الحاجه التانيه عند ميدان الجلاء دلوقتي انا جايه من شارع التحرير وداخله يمين في شارع مراد من فوق النفق وفي نفس الوقت في شارع عمودي على طريقي خارج منه عربيات اتجاهها عمودي على طريقي في اتجاه كوبري الجلاء والطريقين مفتوحين في نفس الوقت مش عارفه ازاي
العربيات كلها كانت داخله في بعض الأولويه في المرور المفروض تكون لمين انا عديت بأعجوبه بعد زعيق من والدي مع اللي جاي عمودي علي يعني لو مش معايا مش عارفه هاعمل ايه

هحاول احط صوره للطريق علشان اوضح وجهة نظري

في حاجه تانيه عايزه اسأل فيها دلوقتي لو الشارع اتجاهين بس حاره واحده وفي حد جاي من بعيد في الإتجاه المقابل باقلبله نور علشان يستنى لما اعدي
طيب اللي بيكون عايز يتخطاني من اليمين لأني ماشيه في اليسار ومش هينفع اعديه افهمه ازاي الموضوع ده؟ الطريق ده حارتين بس وبيكون في الزحمه وغالبا اللي بيعمل كده بيكون تاكسي عايز يمشي يمين شويه ويرجع يكسر على ويمشي في الشمال
معلشي صدعتكم النهارده اكمل بكره بإذن الله

sara2001 غير متواجد حالياً   رد مع اقتباس
قديم 01-07-2010, 02:11 PM   #369
عضو برونزي
 
الصورة الرمزية husseinoo
البيانات الشخصية
مواضيعي / ردودي
الحالة
husseinoo غير متواجد حالياً

حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 68
معجب بمشاركة (أرسل): 0
معجب بمشاركة (تلقى): 30

مـجـمـوع الأوسـمـة: 1

التميز



افتراضي

المشاركة الأصلية كتبت بواسطة abeeron مشاهدة المشاركة
السلام عليكم

وعليكم السلام ورحمة الله وبركاته

الف شكر يا ا. حسين وربنا يجازيك خير

بارك الله فيكى ... وشاكر افضالك على الدعاء الجميل

بخصوص نصائحك بالنسبة لتقطيع العربية..متشكرة جدا ..اخويا كان فعلا غير البوجيهات بس فاعلي الخير اللي بيركنوها لي كتير قالوا لي ان فيها سنة كهربا زيادة هي اللي بتخليها تنط وتقطع..فهاحاول اخلي اخويا يوديها لكهربائي

احيانا موضوع سنة الكهرباء الزيادة دى بتكون فى صالح قائد السيارة ... يعنى انا مثلا العربية بتاعتى تويوتا كان فيها سنة كهرباء زيادة ... لكن كنت اشعر انها بتسحب وبتجمع وبتجرى اسرع ... اول ما خفيت سنة الكهرباء الزيادة دى .. حسيت ان العربية موش بتسحب زى الأول ... على العموم اعتقد ان ضبط الكهرباء للعربية موضوع مهم جدا ... لدرجة ان فيه ناس بتضبط السيارة مرة فى الشتاء ومرة فى الصيف .. وفى الغالب بيعلى العربية شوية "يعنى يرفع ضخ البنزين فى الكاربوراتير" شوية عشان لو كان قائد السيارة مبتدأ العربية ما تبطلش منه .. على ما رجله تتعود .. وبعد ما ياخد على العربية ويتمكن من السواقة كويس ... يرجع تانى يضبط العربية سواء كاربراتير او كهرباء على المعدل الطبيعى ... هو على العموم الكهرباء الزيادة خصوصا فى الصيف موش كويسة على الموتور لانى اسمع ان العربية تسخن زيادة عن اللزوم ... ولو حاسة ان الحرارة طبيعية وان العربية بتسحب معاكى كويس وبتجرى كويس .. اتركيها زي ما هى وما تخليش حد يلعب فيها كثيير.



الركن كتر خيرك حضرتك وضحته كويس جدا (انا فعلا باستغرب ازاي بتقدر تتجاوب بهذه السرعة والكفاءة والتبسيط مع تساؤلاتنا..ماشاء الله ربنا يبارك فيك ويجعله في ميزان حسناتك)..

الله يكرمك ويبارك فى حضرتك

مشكلتي اني باركن كدا بس في مكان ضيق جدا وعلى رصيف مش عالي بس حدوده قائمة فمتعبة في الارتفاع عليها (هو رصيف كدا وكدا: عرضه ييجي 40 سم ومحدش بيمشي عليه اساسا فالعربيات بتركن عليه ومفيش حل لها غير كدا)... المهم اني لا مجال عندي لترك مسافة مع السيارة المجاورة اللي هاركن وراها وبتكون مشكلتي اني ارجع وراها من غير ما اجرح العربية اللي ع الجهة التانية (الشارع عربية يمين وعربية شمال ومكان حركة لعربية واحدة بينهم!).. لذلك غالبا يظهر فاعل خير بيستنى ييجي ربع ساعة يشوف ويلاقيني فشلت فيتطوع مشكورا ويركنها لي...بس والله ساعات باركنها وحدي..بس باحتاج شوية وقت

مع الوقت والتدريب كله هايكون تمام إن شاء الله

بالنسبة للحركة او اللف ين سيارتين..حضرتك نصحت فيه نادين كويس جدا ..واضيف عليه ان اللي كان بيعلمني كان بيقول لي ابدا الف لما قايم العربية يعدي الهدف او الحاجة اللي هالف حواليها ..المقصود بالقايم نهاية الرفرف لو بالف لقدام او نهاية الشنطة او بداية الباب الخلفي لو بالف لورا...ارجو ان تكون هذه النصيحة مفيدة لنادين وباقي اخواتنا هنا..

دى نصيحة اكثر من رائعة
وخير الكلام ما قل ودل
ده كلام الخبير ... عشرة على عشرة
هههههههه
ياريت تفتكرى معانا كل كلمة قالها المدرب لحضرتك فى اى موضوع ... واضح جدا ان الراجل ده فاهم كويس جدا


انا باحاول اطبقه مع محاولة الاحساس بالوضع وبيساعدني ان عربيتي الحمد لله صغيرة...محتاجين بقى لما ربنا يكرم بعربية اكبر موضوع خاص للمبتدئين في قيادة عربية اكبر:)

العربية الصغيرة دى نعمة كبيرة جد جدا
اولا استهلاك البنزين قليل جدا
ثانيا عملية جدا داخل شوارع المحروسة المزدحمة
ثالثا تركن فى اى مكان حتى ولو صف ثانى

المشكلة الوحيدة انها موش عائلية ... ولا تصلح فى السفر وحمل الاوزان.

لكن بحسبة سريعة ... الواحد موش مقطع السفر ... ولا فى وقت للخروج وحمل اوزان كبيرة ...


مع اطيب التمنيات
اخوكم حسين غزالة


 
اخر مواضيعى

0 مطلوب كاسيت سيارة مستعمل
0 احترس من النصابين .... فى المرور
0 رجاء شرح تابلوه مازدا 323 موديل 1982
0 مطلوب سيارة فولكس بيتلز ... حالة فوق الممتازة
0 مطلوب بيتلز 1300 .... شرط الحالة الممتازة جدا

 
husseinoo غير متواجد حالياً   رد مع اقتباس
قديم 01-07-2010, 02:59 PM   #370
عضو برونزي
 
الصورة الرمزية husseinoo
البيانات الشخصية
مواضيعي / ردودي
الحالة
husseinoo غير متواجد حالياً

حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 68
معجب بمشاركة (أرسل): 0
معجب بمشاركة (تلقى): 30

مـجـمـوع الأوسـمـة: 1

التميز



افتراضي

المشاركة الأصلية كتبت بواسطة sara2001 مشاهدة المشاركة
السلام عليكم ورحمة الله وبركاته
الف شكر يا أ. حسين على شرحك الوافي ونصائحك المفيده
جزاك الله كل خير وجعله في ميزان حسناتك

وانا اسعد انسان اليوم بعد الدعاء الجميل ده الله يكرمك ويسعدك دنيا وآخرة

عندي تجربتين للسير بالعربيه واجهتني فيهم بعض المشاكل اهمهم او اصعبهم بالنسبه لي السير في شارع عريض ثم التفرع منه الى طريق ضيق واولوية المرور في هذه الحاله لمين
خاصة ان مفيش حد بينتظر يعني الموضوع عايز شوية عافيه مش عايز ذوق خالص

ههههههههه
هى الاماكن المزدحمة دى عاملة زى طابور الجمعية ... كل واحد بيفكر فى نفسه فقط ... للاسف
... أنا عن نفسى حتى الآن لو فيه شارع انا عارف انه مزدحم ... مابفكرش انى انزل فيه بالعربية من اساسه .... يعنى من يومين كنت نازل النعام عشان اصلح الريسيفر .. وكانت الساعة العاشرة مساء ... قلت انزل بالعربية ... لكن افتكرت ان ميدان ابن الحكم دائما مزدحم بشكل غير عادى ... المهم ركبت الموصلات ... واللى توقعته حصل ... ازدحام رهيب لدرجة ان العربيات تمشى محطة واحدة فى ربع ساعة على الاقل ... ومافيش اى مكان للركن ... حمدت ربنا انى ما خرجتش بيها اساسا



او السير في طريق يصب فيه تفرعات اخرى من على اليمين او اليسار يعني اليمين عربيات خارجه من نفق والشمال عربيات خارجه من طريق عمودي وانا في الطريق اللي في المنتصف

انت مكانك عشرة على عشرة ... الحارة الوسطى بعيد عن العربيات اللى بتخرج "ببوزها" بعرض الشارع
ممكن تنتظرى لما عربية تقطع الطريق بالنيابة عنك ههههههههههههه
وبعد كده تدخلى بجواره ههههههههه فى حمايته


وبكده العربيات دي لازم تدخل في بعضها لو فضلت بنفس سرعتها لأن الحارات بتضيق وتصب كلها في المنتصف (زي الطريق من عند كوبري قصر النيل يمين في اتجاه جاردن سيتي)
انا بحاول افضل محافظه على حارتي وده بيكون صعب جدا لو الدنيا زحمه لأن اللي في اليمين واللي في الشمال بيكسروا على اللي في المنتصف وربنا بيستر

احتفظى بمكانك فى المنتصف حتى ولو دخلت عربية امامك ... الحارة الوسطى هى اللى سالكة باستمرار .. ومهما غيرتى من مكانك عشان تكسبى عدة مترات .. موش هاتوفرى وقت ... بالعكس ممكن تتنازلى عن الحارة اليسرى وتنقلى نفسك الى اى مكان تانى .. والنتيجة تلاقى سيارات متوقفة او يوتيرنات "غلسة" .. احتفظى بمكانك فى الحارة الوسطى ده افضل مكان


الحاجه التانيه عند ميدان الجلاء دلوقتي انا جايه من شارع التحرير وداخله يمين في شارع مراد من فوق النفق وفي نفس الوقت في شارع عمودي على طريقي خارج منه عربيات اتجاهها عمودي على طريقي في اتجاه كوبري الجلاء والطريقين مفتوحين في نفس الوقت مش عارفه ازاي
العربيات كلها كانت داخله في بعض الأولويه في المرور المفروض تكون لمين انا عديت بأعجوبه بعد زعيق من والدي مع اللي جاي عمودي علي يعني لو مش معايا مش عارفه هاعمل ايه

هحاول احط صوره للطريق علشان اوضح وجهة نظري

يا ريت لان انا عن نفسى عندى امية كبيرة فى شوارع المحروسة ... اقصى حاجة ممكن اعرفها شوارع مصر الجديدة .. وبعض الاماكن فى رمسيس ... التحرير ... ههههههههه واول ما سمعت عن شارع مراد بالبحث فى جوجل ايرث .. وجدت شارعين اسمهم مراد ... واحد بجوار السيدة زينب والغريب انا كان عندى شغل فى الشارع ده واستمريت امشى فيها اكثر من شهر وانا ما اعرفش ان اسمه ش مراد هههههههه
والشارع التانى اسمه مراد لكن مكانه تقريبا بجوار حديقة الحيوان ... والمنطقة مزدحمة جدا جدا فى الصورة
... الله يكون فى عونك



في حاجه تانيه عايزه اسأل فيها دلوقتي لو الشارع اتجاهين بس حاره واحده وفي حد جاي من بعيد في الإتجاه المقابل باقلبله نور علشان يستنى لما اعدي

لو هاتعرفى تعدى مافيش مشاكل
لو حسيتى انك موش هاتعرفى تعدى ... يبقى تتوقفى وتوسعى للقادم على قدر الإمكان ... وتتركيه هو يتصرف .. وبعد كده تستمرى انت فى السير ... يعنى ما تحاوليش تدخلى معاه فى منطقة ضيقة ... فى اوسع مكان فى الشارع توقفى انت .. واتركيه يمر الاول وبعد كد ادخلى انت وكملى السير



طيب اللي بيكون عايز يتخطاني من اليمين لأني ماشيه في اليسار ومش هينفع اعديه افهمه ازاي الموضوع ده؟ الطريق ده حارتين بس وبيكون في الزحمه وغالبا اللي بيعمل كده بيكون تاكسي عايز يمشي يمين شويه ويرجع يكسر على ويمشي في الشمال

التاكسيات دول قلبهم جامد
وهو عارف ان حضرتك جديدة فى السواقة
عشان كده عايز يعدى منك بأى شكل
لو شعرتى انك هاتعرضى عربيتك للخطر عشان سعادته يعدى ... ما تتحركيش من مكانك
وانا لو مكانك ... هاستمر فى السير فى الحارة بتاعتى وموش هاعبره .. يعنى احدف على عربية تانية عشان سعادته يمر ... لأ طبعا ... حتى ولو ضرب ميت كلاكس ... المهم انى امشى فى سلام .. هو عايز يمر من على اليمين بغلاسة ... مافيش مشاكل هدى شوية وخليه يعدى ... يعنى هياروح فين "المتخلف" .. ما هو الشارع زحمة ... انت كبرى دماغك .. وطولى بالك شوية ... اهم حاجة لو هو عدى من على يمينك ماتخافيش وتروحى نقلة عربيتك بعيد عنه لدرجة انك "تحدفى" على عربيات تانية ... انت اثبتى فى مكانك ... لا يمين ولا شمال .. وهو هاتيصرف ... احيانا الواحد كان لمجرد انه يسمع كلاكس يروح ناقل العربية بعيد عن صوت الكلاكس ويعرض عربيته للخطر ... لازم تكون اعصابك هادئة ... والسير فى خط مستقيم ... وماخافش من اللى بيعدى او اللى بيضرب كلاكس ... لو فيه فرصة انك توسعى له شوية دون تعريض عربيتك للخطر مافيش اى مشاكل وسعى له ... لكن لو انت موش متمكنة انك توسعى له او خايفة شوية ... خلاص خليكى على خط مستقيم .. ده احسن حاجة لكى وللعربيات التانية ... وعلى فكرة لما العربيات التانية بتلاقى حد جديد وماشى على خط مستقيم .. هما بيرتاحوا وبيتصرفوا من نفسهم ... اخطر حاجة انك تحركى عربيتك يمين او شمال عمال على بطال ... فى الحالة دى العربيات القادمة من الخلف موش عارفة انت ناوية تعملى ايه هههههههههههههه وتسمعى كلام مالوش لازمة ... لانهم ايضا معذورين وخايفين على عربيتهم ... الخلاصة لو فيه عربية عايزة تمر بجوارك ... ابسط حاجة ارفعى رجلك من على البنزين او هدى العربية شوية واتركيه يمر ... لكن ما تحركيش نفسك يمين او شمال إلا عند الضرورة والتأكد ان الإنتقال هايكون بشكل آمن



انا احيانا المح التاكسى قادم من بعيد وعارف انه هايحشر نفسه ويمر من على يمينى ... وانا كده كده محتاج الحارة اليمين عشان داخل يمين
فى الحالة دى فقط
انقل نفسى الى الحارة اليمين قبل صاحبنا ما يجى ويحشر نفسه بجوارى
او اكبر دماغى وده الغالب اللى انا بعمله ... واتركه يمر فى سلام واهدى انا شوية



معلشي صدعتكم النهارده اكمل بكره بإذن الله

بالعكس ده كلام كله مفيد ونشكر حضرتك جدا
وفى انتظار التواصل

مع اطيب التمنيات
اخوكم حسين غزالة



 
اخر مواضيعى

0 مطلوب كاسيت سيارة مستعمل
0 احترس من النصابين .... فى المرور
0 رجاء شرح تابلوه مازدا 323 موديل 1982
0 مطلوب سيارة فولكس بيتلز ... حالة فوق الممتازة
0 مطلوب بيتلز 1300 .... شرط الحالة الممتازة جدا

 
husseinoo غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
احترس من اى سيارة بتركن , ازاى تعدى التقاطع , ازاى تعدى مطب صناعى , الباقى , السواقة , تعلمونا , جديد , سائق , شوية , فيكم , قل , من , موضوع , نصائح , والبركة , وخوفه

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
يوميات سائق جديد ؟! Nistelrooy القــــسم التعلــــيمى 128 08-04-2010 12:09 PM
ارجو النصيحة لوجه الله انا لسه متعلم السواقة جديد اشترى مستعمل ولا جديد؟ Astra Lover قســـــــــم المقارنــــات 9 02-01-2010 02:52 PM
استفسار من سائق جديد فى الغيارات medoampir القــــسم التعلــــيمى 9 06-10-2009 05:38 AM
الى احلى اعضاء تعالو نقعد مع بعض شوية ....(موضوع جديد).. eng.octooo المنتــــــدى الاجتمــاعى 44 03-08-2009 12:25 AM
جديد في السواقة؟ اجيب جديد ولا مستعمل iunknown المنتــــــدى العـــــــــــام للسيــارات 24 24-02-2008 09:30 AM


الساعة الآن 08:52 AM.


Powered by vBulletin® Copyright ©2000 - 2014, Jelsoft Enterprises Ltd. ,
Content Relevant URLs by vBSEO 3.6.0 PL2
For ADs Mail to: Karim.Serag@GMail.com

جميع المشاركات تعبر عن اراء ووجهة نظر اصحابها فقط والمنتدى غير مسئول عنها