مشكور جدا يا استاذ حسين انا واحد من الناس اللى كانت متابعة الموضوع فى صمت و كنت حريص انى مسبقش الاحداث يعنى كنت بحاول امشى مع حضرتك ومع الموضوع بشكل متوازى مع التعليم العملى بالنسبالى لحد ما الحمد لله قدرت انى استخرج الرخصة واتحرك بالسيارة بشكلة شبة طبيعى الى حد ما مع قطع مسافات طويلة و طرق سريعة والسير فى الزحام و كبارى نزول وصعود بشكل تدريجى يعنى بردوة لسة فى مرحلة المبتدء المتقدم بعض الشىء والخوف قل بنسبة ولكن ليس كلياَ ومع الاحتكاك بالقيادة بصفة منتظم ظهرت بعض المعوقات والحمد لله فى جزء مثل زى الركنات انا رجعت تانى للمشاركات فى الموضوع بالنسبه للركنات للمراجعة والتاكيد لاانها محتاجة وقت زى محضرتكم عرفين ا
اهلا وسهلا بحضرتك
احسن حاجة سمعتها منك ... انك مستمر فى القراءة والاطلاع ... برغم انك استخرجت الرخصة ... وده شىء هائل .. لاننا كل يوم لازم نتعلم الجديدة ونراجع القديم
ما مشكلتى الام واللى للاسف مقدرتش اتغلب عليها وهى للاسف محرجة جدا ولكنى لااجد حرج من انى اعرضها عليكم لاانة موضع انا اعتبرة لة كثير من الافضال على انسان تابعه وتعلم منة الكثير على مدار شهور مشكلتى باختصار انى مش قادر انى البس شوز اثناء القيادة ولو لبست لحظة واحد اقف فورا واحس انى مش حاسس بالدوسات وانى مفيش حاجة تحت رجلى باختصار بسوق حافى وكل محاولااتى انى اسوق وانا لابس الشوز او سورى يعنى شبشب حتى فشلت فشل تاااام ولكم ان تتخيلو مدى الاحراج اللى بكون فية
بجد انا فى ورطة وهى دى اللى طلعتنى من صمتى اللى فضلت محتفظ بية طيلة شهور متابعة الموضوع وتطبيقة بشكل عملى ... ارجو من الله ان اجد العون منكم واكرر شكرى للاستاذ حسين غزالة الانسان اللى بقى صديقى من غير ميعرفنى ولكنى لمعاشرتى ولموضوعه الهام وردودة الاكثر من رائعه اصبح بمثابة صديق شخصى واجد اجاباتة دائما حاضرة فى كل المواقف اللى عشتها فى مراحل تعلم القيادة
ههههه ... انا آسف ... لكن شر البلية ما يضحك
الموضوع ده موش جديد
وبشوفه كل يوم
والحل من وجهة نظرى انك تشغل حاسة النظر شوية
يعنى مثلا
لما مؤشر السرعة يوصل الى 20 انقل الغيار التانى
ولما يوصل الى 40 انقل الغيار التالث
ولما يوصل الى 60 او 70 انقل الغيار الرابع
ودائما شغل حاسة السمع
يعنى لما تسمع ان صوت الموتور بدأ يعلى .. على طول انقل الغيار المناسب
وطبعا طول ما انت محافظ على مسافة كافية بينك وبين السيارة التى امامك
موش هاتضغط على الفرامل بشكل مفاجىء
هاتضغط عليها بشكل تدريجى
وموش هاتخاف لان فيه مسافة كافية انك تاخد وقتك وتحس بالفرامل
حاول تستخدم حذاء رياضى خفيف
انا عن نفسى برغم انى لا اعانى من المشكلة دى
لكن استخدم حاسة النظر على طول
وعينى على طول على مؤشر السرعة
وانقل الفتيس فى الوقت المناسب .. ومريح دماغى
خصوصا ان الشارع ملىء بالضوضاء ... وصعب انى اسمع صوت الموتور فى الزحام
وكل الاعتماد على النظر الخاطف على عداد السرعة
ربنا ييسر الاحول ويسترها معاك
مع اطيب التمنيات
اخوكم حسين غزالة
المفضلات