بص أنا هقولك على حاجه كويسه
العربيه ديه فيها ثلاثه عيوب كبار لو تقدر تتجاوز عنهم يبقى اشتريها لأنى شايف ان العربيه عجباك
العيب الاول أنها 2 باب يعنى مش عائليه ولما يكون معاك الاسره هتعمل مشكله إلى حد ما فى نزول وطلوع الى فى الكنبه وأنا شايف ديه مشكله مش كبيره قوى
العيب الثانى وهو من وجهه نظرى الاهم أن العربيه خشنه إلى حد كبير جدا يعنى اعتقد اكتر عربيه خشنه فى مصر
لو على موضوع التكييف
فى واحد صاحبى حاول يركبه بس ما اشتغلش حلو لكن اعتقد لو ركبت تكييف يابانى كويس عند صنايعى كويس - اعتقد أنه هيشتغل أن شاء الله حلو ( ده فى حاله لو العربيه مستعمله )
فيه عيب كمان لو العربيه زيرو أن التوكيل بتاعها اسمه شركه الامل وده توكيل تعبان قوى
غير كده العربيه كل المميزات الى قولتها عليها موجوده فعلا فيها وهى اشبه بمدرعه عسكريه يعنى لما تشد كل الى جنبك يوسع وتطلع فوق الرصيف وتنزل براحتك وروش براحتك عشان بيليق عليها الترويس
وعيش يا باشا وربنا يوفقك