الموضوع: اجيب هدية اية لحماتى فى عيد الام؟

المشاركة الأصلية كتبت بواسطة mgazaly

على كدة شوية ولا حاجة ولو حد حماتة عندها عربية
ولا حاجة يبئى يجبلها طقم جنوط ولا سوند سستم
ينهار ابيض على حموات اخر زمن
مش متجوز

ههههههههههههههههههههههههه ههههههههههههههههههههههههه ههههههههههههههههههههههههه ههههههههه

موتني من الضحك

بص يا احمد باشا
لو في مقدرتك انك تجيب دهب هات و علي فكرة كله حيتشال ليك في رصيدك عندها - يعني هي مش حتنسالك ابدا انك جبتلها هدية قيمة بس احسبها كويس - هل انت في امكانياتك كل سنة تجيبلها هدية في المستوي ده و حط في اعتبارك زي ما حتجيب لحماتك تجيب لوالدتك ان ما كانش دهب زي حماتك يكون افضل منها كمان عشان ما تدخلش في حرب نووية من اولها و ايضا حط في اعتبارك ان بعد الجواز مباشرة حيبقي مطلوب منك اربع هدايا
واحدة تجيبها لوالدتك وواحدة لحماتك
هدية زوجتك تجيبها لوالدتك ( علي حسابك طبعا )
هدية زوجتك تجيبها لمامتها ( برضه علي حسابك)
و في المستقبل حتلاقي الهدايا دي حتتضاعف مع كل مولود يعني هدية ابنك لوالدتك و حماتك و اضف الي ذلك هدية ابنك لكل الميسات و الميسترات في المدرسة و حتوصل لمرحلة انك تدعي علي مصطفي و علي امين علي خراب البيوت اللي عملوه
ملحوظة اخيرة: ما تفتكرش انك لما تجيب هدية قيمة لحماتك ان هي حتفضل تحبك علطول لان لو ربنا رزقك بعديل (زوج اخت مراتك) مقتدر و قدر يجيبلها هدية افضل من اللي انت جيبتها هديتك مهما كانت قيمتها و لا حتبقي ليها اي قيمة :POINTI~2[2]: فخدها من قصيرها و هاتلها هدية و السلام يعني مثلا شنطة و جزمة او طرحة شيك او ساعة متوسطة او اي حاجة من مستلزمات المطبخ بس اتأكد من خطيبتك قبل ما تجيبها عشان ما يكونش عندها زيها او ما تتأكدش من خطيبتك و يبقي رزقك يا نجم لانها حتكون في بيتك

محمد فهمي

المشاركة الأصلية كتبت بواسطة AHMED12345678

اية يا جماعة مالكوا سخنين عليا اوى كدة.
كل الحكاية ان خطيبتى فى عيد الام الى فات جابت لوالدتى خاتم دهب محترم وانا كنت جايب الى جايبة بقى ومنظرى كان مش ولابد
وعيد الام الى جاى اخر عيد ام فى خطوبتنا ان شاء الله وعاوز شكلى يبقى حلو المرة دى.
واقترحوا عليا اجيب اية بقى علشلن انا بدات اجيب اخر.
مكنت قاعد جنب امى ومرتاح
هههههههههههههه

ياراجل متأول كدة من الصبح

خضتنا

بترد الهدية يعني