هل فعلا تيل الفرامل في العربيات المزودة بالabs بيتأكل اسرع من الفرامل العادية.

**D . a .\ AYMAN** · 10-03-2010 10:26 PM

المشاركة الأصلية كتبت بواسطة yoko

أعتقد أه لإن الدوس والشيل بتاع الabs كتير بياكل أصرغ ده غير إن التيل الي بيركب للabs بيكون أطرى عشان ميريجش ال

كل ديه توقعات مش أكتر

ياباشا الكلام ده في حالة إن قائد العربية على طول بيقوم يقف على الفرامل لأن الـ إيه بي إس مش هايشتغل غير في حالة الفرملة الجامدة فقط لما يكون العجل هايتزحلق على الأرض .. لكن الطبيعي إن ده ما بيحصلش

المشاركة الأصلية كتبت بواسطة mmamdouh

مفيش اى فرق يا جماعة بين العربية اللى فيها abs و اللى مفيهاش من ناحية تاكل التيل

قبل كدة كان اتسال سؤال مشابة بس عن استهلاك الكاوتش و كانت الاجابة هى ان نظام فرامل الabs "ممكن" يطول عمر الكاوتش عن النظام العادى بس دة فى حالة ان العربية اللى مفيهاش abs بتفرمل بقوة لحد ما الكاوتش يقفش و دة بيخللى الكاوتش يحتك بشدة بالاسفلت و يبقى اكنة شبه بيتكحت فى الاسفلات و دة بيسبب عالى وواطى فى الكاوتش و يتلفة... لو دى طريقة الفرملة المعتادة لقائد العربية اللى من غير abs حيبقى الفرق واضح... لكن لو بيفرمل زى الناس الطبيعية يبقى الفرق حيبقى غير محسوس بالمرة اذا كان فيه فرق اصلا

نفس القصة بالضبط بتحصل مع التيل... التيل بيتاكل لما يحتك بالطتبورة اثناء الفرامل بالتالى مع كل ضغطة فرامل التيل بيتاكل الا فى حالة واحدة... لو دوست فرامل للاخر و العجل قفش برضة زى المثال السابق لان فى الحالة دى التيل مش حيبقى بيحتك بطنبورة متحركة لكن حيبقى قافش فيها و مفيش اى احتكاك

اذا معنى كدة ان العربية اللى مفيهاش abs حتوفر تيل بالقدر اللى السواق داس فيه فرامل لحد ما العجل قفش عن العربية اللى فيها abs... غير كدة الاتنين واحد بالتقريب و لو فيه فرق حيبقى مش محسوس خالص

و لو حبينا نقارن مقارنة عامة حتلاقى الاتنين زى بعض لان "مجازا" العربية اللى فيها abs يتاكل تيل و توفر كاوتش و العربية اللى مفيهاش بتوفر تيل و تاكل كاوتش

mmamdouh

بالظبط كده ... والدليل على إن نوع القيادة وطبيعتها مهم جدا أنا عندي مثلا عامل بالتيل لغاية دلوقتي 40000 الف ... في حين إن واحد معرفة معاه نفس العربية وشاريينها مع بعض .. غير التيل مرة على 15 الف ومرة كمان على 30 الف وأنا لسة ماغيرتوش ولا مرة ... وأعتقد إن في الـ 40 الف هايتغير لأني حاسس بيه مش قد كده

**د.محمود صلاح** · 11-03-2010 10:57 AM

في الأوتوماتيك أكثر من العدي لأن الفرامل للاوتوماتيك دائماً بيتحمل عليها في التهدئة وغيره بعكس المانيوال اللي ممكن اهدي بالغيار نفسه

**MMamdouh** · 11-03-2010 11:07 AM

المشاركة الأصلية كتبت بواسطة د.محمود صلاح

في الأوتوماتيك أكثر من العدي لأن الفرامل للاوتوماتيك دائماً بيتحمل عليها في التهدئة وغيره بعكس المانيوال اللي ممكن اهدي بالغيار نفسه

+1

MMamdouh

**MMamdouh** · 11-03-2010 01:11 PM

الفتيس الاوتوماتك مبيقدرش يفرمل العربية بقوة زى الفتيس المانيوال...

او تحديدا نظام الدبرياج المكون من اسطوانة و دسك بيقدر ينقل قوة فرملية اكبر من الموتور الى العجل عن نظام الtorque converter بتاع الفتيس الاوتوماتك بالتالى المجهود المبذول من الفرامل فى العربية المانيوال بيبقى اقل

MMamdouh

**Positen** · 16-02-2017 10:31 AM

السلام عليكم.
انا دية اول مشاركة بالنسبة ليا. حبيت تكون محملة بنصيحة عن تجارب شخصية.
كان عندى فى العربية - جيب ليبرتى - مشكلة انها كانت معدل التسارع مش مظبوط . ساعات احس انها مخنوقة وسعات تطير. رحت للآكثر من ميكانيكى . وكان الرد المعتاد بعد مما يوصل الجهاز ويلاقى مفيش اعطال - العربية زى الفل - انا لم اقتنع .
الى ان عثرت على شخص هو free lancer استطاع حل المشكلة حيث انة لدية القدرة على تحليل ما يسمى ب Live data من خلال ال PIDs الموجودة بالسيارة. فمن خلال رسوم بيانية وتحليلها استطاع ان يحدد العطل وكان بكل بساطة ال MAP بة اتساخات تعمل اعاقة عملة لتحديد كمية الهواء - او بالأحرى ال vacuum .

ما استرعى انتباهى هو القدرة التحليلية للبيانات لدى هذا الشخص. فقد قام بتحديد العيب دون فتح الكبوت. نصيحتى للأخوتى انة اذا كان هناك خطب ما فى حساس مثلا فهذ لا يعنى بالدرورة انة لا يعمل فقد تكون احد الأسباب الأتية:
- ان الحساس يبلغ عن مشكلة
- عطب فى الأسلاك من و الية خاصة ال signal wire
- عطب بالحساس نفسة
- عطب فى PCM هذا نادر الحدوث

اسف للأطالة. ولكم منى جزيل الشكر