افيدونى بالله عليكم انا خلاااص يئست

**dr_medo** · 18-03-2010 04:04 PM

يا جماعة انا عايز اعرف ميكانيكى للبونتو ؟؟ انا معايا بونتو 98لسه شاريها والميكانيكيه جننونى محدش فاهم حاجه كله بيفتى ... ويقولوا دى عايزة كهربائى علشان العربيه كلها كهرباء فياريت لو حد يعرف ميكانيكى وكهربائى يكون بيفهم فى البونتو ياريت يقولى عليه ...العربيه بتاكل بنزين زياده و بطلع دخان اسود جامد من الشكمان ولازم اقعد ادور فيها ساعة غلشان تدور ....ارجوكم افيدونى وشكرا مقدما للمنتدى الرائع الى بجد بيفيد ناس كتير وجعله الله فى ميزان حسناتكم

**sarawe511** · 18-03-2010 06:23 PM

محدش م الميكانيكيا قال لك ان دة عيب البوردة(الكمبيوتر)و شيك ع الموتور عشان الدخان معناة ان الموتور عايز ع الاقل نص عمرة

**m000dy** · 18-03-2010 06:56 PM

اهلا بيك
تعالى جنبنا على الدكه وانضم للقطيع
دنا لسانى اتدلدل عشان حد يدلنى ولا حد عبرنى وعندى نفس مشاكلك الا ان العربيه بتتاخر فى الدواره ثوانى بس
شوف ياباشا احنا ضرورى نظبط بعض ونتقابل ونطلع على الشركة الهندسية اللى هو توكيل العربيه القديم
الناس بتقول ان كل الناس هناك حافظين العربيه وشغلهم نضيف بس انا لا اعرفلهم تليفون ولا طريق
لو قدرت تجيبهم يبقى خير وبركة وننزل سوا
بس الاول لازم نعرف رقم التليفون عشان نتصل ونسال على الاسعار لحسن فى اوماترا بيخيبوا وبيقوللك الكشف على العربيه بس ب 350 جنيه

**dr_medo** · 18-03-2010 07:46 PM

moody
انا بعتلك رساله على الخاص

**moharram3** · 18-03-2010 10:22 PM

يا جماعة انا بصراحة مخضوض من الكلام اللى انتم بتقولوه ده لآن انا لسة شارى بونتو مو 95 من ثلاث ايام وعندى إعتقاد انها عربية إعتمادية وقطع غيارها متوفرة وبما انها فيات فأى ميكانيكى هايشتغل فيها ، وعلى فكرة انا جبت المعلومات دى كلها من هنا ، قصدى المنتدى ، لكن طبعا كلامكم وقع قلبى ، ياريت حد تانى من ملاك البونتو يرد علينا ويفيدنا عن مكان ميكانيكى وكهربائى يكونوا فعلا بيفهموا فى البونتو ، وعلى فكرة انا سكان فى الهرم يعنى ياريت يكون حد فى الحدود المجاورة ، ومستنى الرد

**mikology** · 19-03-2010 02:13 AM

بصو يا جماعه
كنت سألت قبل كده عن ميكانيكى بيفهم فى الفيات الحديث
فى حد نصحنى بيه و قالى عليه كلام كويس بس انا لسه ماروحتلوش
هو فى صقر قريش فى المعادى على الاتوستراد بعد نزله الدائرى تانى ناصيه يمين اسمه عادل سيينا - وعنده سكانر لكشف الاعطال وحراق فى مصنعيته بس بيفهم وده الاهم

**karim2001** · 19-03-2010 03:05 AM

انا كام مالى ومال الجديد منا كنت معايا ال 131 وكانت فل
يلا بقى اللى حصل
انا بقى انيل واحد فيكوا لانى عامل حادئه والعربيه مش بتدور اصلا يا ريت يا جدعان تقروا الموضوع بتاع
لحقونى يا خبراء الفيات < انا صاحب العربيه اللى عملت الحادثة> وتقولولى الحل ايه
انا من اسكندريه

**dr_medo** · 19-03-2010 02:07 PM

السلام عليكم
الظاهر ان احنا كتيير اووى واللى واضح ان مفيش ولا واحد لقى حد يفيده فى مشكلته فياريت المشرف العام للمنتدى يحل الموضوع دا ..انا جاى المنتدى دا وعارف اد ايه هو كبيير ومفيش حد بيتاخر عن افادة الناس اللى عايزة افاده.. بس كده بقى فى كلام تانى!!!

**aliyehia** · 19-03-2010 02:26 PM

انا معايا بونتو و باعمل الصيانه عند مركز اسمه امير و جوزيف فى شارع ابوداود الظاهرى عند حديقه الطفل فى مدينه نصر, المركز ده واخد صيانه كذا نوع عربيات منهم البونتو و اسعاره مش بطاله و بيراجع صاحب العربيه قبل ما يعمل اى حاجه و قبل كده كان عندى مشكله فى ان الموتور عالى ضبطوا الموتور بجهاز و خدوا حوالى 30 جنيه بس من حوالى 3 سنين و ده كان ساعتها سعر ممتاز

**mikology** · 20-03-2010 01:46 AM

المشاركة الأصلية كتبت بواسطة aliyehia

انا معايا بونتو و باعمل الصيانه عند مركز اسمه امير و جوزيف فى شارع ابوداود الظاهرى عند حديقه الطفل فى مدينه نصر, المركز ده واخد صيانه كذا نوع عربيات منهم البونتو و اسعاره مش بطاله و بيراجع صاحب العربيه قبل ما يعمل اى حاجه و قبل كده كان عندى مشكله فى ان الموتور عالى ضبطوا الموتور بجهاز و خدوا حوالى 30 جنيه بس من حوالى 3 سنين و ده كان ساعتها سعر ممتاز

لو سمحت ممعاكش رقمه اساله عن حبه حجات ؟