مواتير اى تنفع لفيات 126 ؟؟؟؟؟؟؟

**atamim** · 20-03-2010 06:45 PM

السلام عليكم ورحمه الله و بركاته

طبعا عارفين ان ال126 ماتورها بيتركب ورا

طيب اى المواتير التانية الى تنفع؟

انا شفت على اليوتيوب ناس مركبة مواتير قدام بدل وراء

لو اتعمل الموضوع دا اى بقى الى مطلوب تغييرة

و اى المواتير الى حتنفع

كمان سمعت ان معظم مواتير ال 126 تبريد زيت و قليل جدا تبريد هواء

ارجو الافادة فى الموضوعات دية و شكرا لكم

**Ahmed Galal** · 21-03-2010 08:38 PM

الاول هيا قريبة اوى من السيات 133 فممكن مواتير السيات تنفع اما تركيب ماتور قدام مش مستحيل بس هاتقعد تصرف عشان توصل للحل ده كتير بتمن العربية و هاقولك ليه
1-لازم هاتعمل اماكن قواعد للموتور و الفتيس لان ما فيش قدام غير الشنطة
2-هاتشوف بقا تخليها جر امامى و لا دفع خلفى زى ما هيا لو جر امامى هاتشوف هاتسلك الكبالن ازاى لو دفع خلفى هاتمشى عامود كردان تحت العربية و فلم بقا عشان تعمل مكان للفتيس
3-التبريد بقا ما اعرفش هاتعمل فيه ايه قدام و لا ورا

و الله اعلم

**sameh127** · 27-03-2010 10:28 PM

انا شوفت عربية سيات 133 كان مخيط الصحراوي على سرعة 180 او 190 كيلومتر/ساعة تقريبا و لما وصلت الماستر لقيته و سألته ممكن افتح الشنطة اشوف ايه الشغل اللى انت عامله فيها فقالى ماشى و لما فتحت باب الكبود الخلفي لقيت شنطة مغلقة و مافيش موتور موجود و متقفلة بصاج (علب) و متبطنة بجلد صناعي. فقلتله هو فين الموتور ،مش معقولة يكون قدام ،فقالى هو بالفعل قدام و فتحت شنطة السيات الأمامية فلاقيت فتحة بحجم الكبود بين الفخدتين و موتور بالجير مانيوال راكب قدام و عليه شعار فيات فقولتله دي مكنة انهي عربية فقالى سيينا
فسألته هو مين اللى عملت عنده الشغل ده كله قالى في الحرفيين القاهرة و اخدت منه شهر قاعدة في الحرفيين لحد ما خلصت كل التعديلات و مطولتش معاه و شكرته على الرد بصراحة على تساؤلاتي و تركي اطلع على اسرار التعديل فى عربيته فى الأمام و الخلف.

**kasten** · 11-04-2010 04:33 PM

المشاركة الأصلية كتبت بواسطة sameh127

انا شوفت عربية سيات 133 كان مخيط الصحراوي على سرعة 180 او 190 كيلومتر/ساعة تقريبا و لما وصلت الماستر لقيته و سألته ممكن افتح الشنطة اشوف ايه الشغل اللى انت عامله فيها فقالى ماشى و لما فتحت باب الكبود الخلفي لقيت شنطة مغلقة و مافيش موتور موجود و متقفلة بصاج (علب) و متبطنة بجلد صناعي. فقلتله هو فين الموتور ،مش معقولة يكون قدام ،فقالى هو بالفعل قدام و فتحت شنطة السيات الأمامية فلاقيت فتحة بحجم الكبود بين الفخدتين و موتور بالجير مانيوال راكب قدام و عليه شعار فيات فقولتله دي مكنة انهي عربية فقالى سيينا
فسألته هو مين اللى عملت عنده الشغل ده كله قالى في الحرفيين القاهرة و اخدت منه شهر قاعدة في الحرفيين لحد ما خلصت كل التعديلات و مطولتش معاه و شكرته على الرد بصراحة على تساؤلاتي و تركي اطلع على اسرار التعديل فى عربيته فى الأمام و الخلف.

هايل اوى
انا شوفت موتور ريس yamaha r1
راكب فى 126
صوت مرعــب