معلش عندي مشكلة في العربية وعاوز استفسار .
1. العربية جديدة زيرو عملة 2000 كيلو بس( نيو اكسنت 1600 ) .
2. من اسبوع كنت بسمع في العجلة كان ظلطه او مسمار بيعمل تكتكة مع لفة العجلة المهم رحت لبتاع العجل وحليت العجل ولم اجد اي شئ فقال لي يمكن يكون التيل .
3. وفي كذا مرة كنت بشم ريحة شياط عند احد فرد الكاوتش بعد عمل مشوار
4. كان في مشكلة قبل كده انني لما كنت اقف علي منزل كبري مثلا وادوس فرامل او هاند بريك كنت اسمع تزيقه في العربية
5. في حاجه حصل انني مشيت في حدد 6 مرات وفرامل اليد مرفعة كل مره مسافة تتراوح من 100م الي 400م

كنت عاوز اعرف الصوت ده بسبب ايه .
وهل التيل في حاجة .
لما اروح التوكيل هل الموضوع ده داخل في الضمان ولا لأه

ايوه ياسيدى ده داخل الضمان

وفى الاغلب ده بلى عجل مش تيل

لا لا يا وائل هوه في الغالب تيل

على العموم لما تروح التوكيل ماتمشيش من هناك ولا تحاسب على حاجه إلا لما حد يطلع معاك يجرب لك العربيه وتشوف إذا كان الصوت راح وللا لأه ولو ما رحش ما تمشيش إلا لما يحلو المشكله دي

بلي العجل بيعمل صوت ونة معتقدش انة بلي

البلى ميعملش ريحة

MMamdouh

ممكن يكون تيل فعلا او عجلة من العجلات قافشة, جرب تمور العربية وتزقها بايدك لو لقيتها تقيلة تبقى فى فردة قافشة.

اعتقد ان بستون الفرامل معلق يعنى كأنك دايس فرامال على طول فى العجله التم تشم منها ريحه شياط واعتقد ايضا انك لوحطيت ايدك على الجنت سوف تجده سخن جدا اذا قارنته بالعجل الاخر على العموم ممكن تعمل اختبار بسيط بأن ترفع العربيه عند العجله التى فيها شياط وتلفها فاذا لم تلف بسهوله يبقى العيب فى البستون بتاع الفرامل ولاذم تغييره او تنظيفه انا بقول كده لانى واجهت نفس المشكله بالضبط فى عربيه بيجو وطلع السبب البستون بمعنى ان البستون لا يرد للخلف عند رفع الرجل من عند الفرامل ويفضل التيل ماسك على العجله جرب واخبرنى

نفس الحكايه بالظبط معايا ونفس السناريو ارجووووكم يا جماعه اروح اقول لتوكيل ايه؟ ارجوكم متخصص بس يرد علي السوال ده

فعلان في صوت زي زلطه او بليه في الجنبالشمال ايه الحل؟؟؟؟؟؟؟؟؟؟

الخبراء ردوا علينا