لادا 2107 اوتوماتيك

**sameh127** · 27-03-2010 08:46 PM

انا عدلت فى عربية لادا 2107 موديل 2005 من مانيوال الى اوتوماتيك"يابانى" و شلت علبة الدركسيون و حطيت باور ستيرينج"يابانى على علبة وليس باور على سكاترة" و حركب لها فتحة سقف كهرباء"يابانى" و كراسي امامية"الماني او امريكاني" كهربائية الحركة و الضبط و حخلى الشنطة تفتح بالكهرباء و حركب لها كاميرات خلفية للتصوير اثناء الرجوع للخلف فقط وplayer DVD وشاشة LCD في الشماسة و بفكر احولها من كربيراتير الى حقن وقود مع الإحتفاظ بنفس المكنة و بنفس ال سي سي و الحقن اللى حيركب من سيارة اوبل استرا-1 او اوبل فيكترا-1 او من دايو لانوس مع تعديل قاعدة الكربيراتير و علبة الهواء و المانيفولد و طلمبة حقن الوقود التابعة لجهاز الحقن. ده غير تواجد جهاز حقن وقود روسي عند شركة الأمل بس طبعا الكوري ثم الألماني حيكون احسن من ناحية سرعة الإستجابة و توفير استهلاك الوقود و هدوء صوت المحرك.وحوطيها من الأرض بما يتلائم مع شوارعنا علشان اتزانها يزيد و فراملها تقوى وجريها يبقى محكم اكثر وحركب لها تكييف ساندن "يابانى ثلاجة" والعربية رائعة الإستجابة للتعديلات و عند ركوبها و قيادتها احس بفرق كبير"صوتن المحرك-الفرامل-ثقل وزن العربية-اتزان العربية" عن الفابريقة و طبعا كله بالإيجاب و انا اصريت على تعديل العربية اللادا لأنها بها مقومات قوة العفشة و قوة الصاج و اساس العربية و العربية ذات تكلفة تشغيلية و تطويرية رخيصة و رخيصة قطع الغيار و اقتصادية في استهلاك الوقود و في الضريبة المرورية و في نقل الملكية .
فهي سيارة سيدان و صالون و حمالة أسية و شنطتها واسعة ومتينة بتكاليف رخيصة و هو ده مبدأ الصناعة عند الروسيين بصرف النظر عن الكماليات التى تعتبر فى مفهومهم كماليات و ليست اساسيات
فهما حطولنا فى العربية الأساسيات و احنا حنعدل و نحط الكماليات اللى تعجبنا و نخلى العربية على الزوق اللى يروق لنا.

**بحري** · 09-04-2010 11:58 PM

كان معروض على زمان واحدة١٦٠٠ موديل ٨٦ أوتوماتيك..كانت لضابط من معاقي الحرب وكان جايبها استيراد طبعا

**redafbm** · 20-08-2010 03:29 PM

عايز التكلفة والمكان وايه الاثر لتحويل الجير لاتوماتيك بدل المانوال

**mohamed2002** · 27-08-2010 02:09 AM

شفت لادا 2105 برتقالي في الاسكندرية اوتو ماتيك

**ABO MALEK** · 08-08-2016 11:59 PM

ممكن تفاصيل اكتر عن الكراسى الامامية نغيرها بايه؟

**Colin Chapman** · 16-08-2016 07:41 AM

المشاركة الأصلية كتبت بواسطة ahmdmagdy

واحد صاحبي شغال ف بورسعيد و المعروف عنه انه فشار كبير بيقول انه شاف في بورسعيد ناس محوله ال 2107 لاوتوماتيك قولتله ده استحاله ف كنت عاوز اعرف صحه الكلام ده هل ينفع يتركب فتيس اوتوماتيك للادا؟؟

كانت اصلى من شركتها مخصوصة للتصدير لكندا والمانيا !!!

FIAT 124 special AUTOMATIC