احنا كام واحد من ملاك نيسان(تيدا -ليفينا -بلوبيرد -اكس تريل)

**doctor_eid** · 24-03-2010 10:51 PM

على غرار موضوع احنا كام واحد عندنا صني
احب اعرف احنا كام واحد عندنا نيسان غير الصني
يعني مثلا السيلفي- التيدا- ال اكس تريل
و لو فيه غير كده برضه
و كمان اللي ناوي او بيشاور عقله
نحب نتعرف
انا د.عيد من الزقازيق
عندي بلوبيرد سيلفي 2009
مع تحياتي

**AhmadKamal** · 24-03-2010 11:12 PM

I am Ahmad Kamal

I have Tiida 2010 and Sunny 2007 Ex saloon, sorry Dr.

I have a Sunny also,

Thank You

Cheers

**doctor_eid** · 25-03-2010 09:55 PM

عزيزي احمد كمال
انا كنت متوقع ردك
بس الغريبة مافيش حد تاني رد
واحد تاني بس عمل تصويت عالتيدا بس ما ردش
الظاهر احنا اقلية هنا يا عم احمد
مع تحياتي
د. عيد

**doctor_eid** · 30-03-2010 11:51 PM

السلام عليكم
انا مش عارف ليه الناس لم تشارك في هذا الموضوع و الاستطلاع.
علما بان فيه كذا موضوع عن التيدا منهم واحد لسه مفتوح ، فيه اخ فاضل لسة شاريها، رد عليه بالتهنئة عدد من الاخوة الأفاضل التانيين اللي معاهم العربية.
احب اكرر ان الموضوع لأي واحد معاه نيسان غير الصني علشان فيه ناس بتحكم على نيسان كلها من الصني بس علما بأن نيسان عندها حاجات تانية كتير تضارع و تزيد على سيارات اخري واخدة شهرة اكتر في السوق المصري.
و برضه انا لا اقلل من الصني، لأنها عربية ممتازة و لسة معايا علشان ماحدش يزعل، بس الفكرة اننا في منتدى نيسان مش بس منتدي صني و لا ايه؟

على فكرة انا كنت النهاردة في السبع باعمل صيانة الألف للسيلفي، و فرحت جدا لما لقيت عربية سيلفي تانية لونها تقريبا ذهبي ملاكى القاهرة اول ارقام من الشمال 130، كانت برضه جاية تعمل الصيانة. اللي اسعدني اكتر اني و انا مروح عالدائري لقيت جنبي سيلفي تالتة لونها اسود و نمرتها "و ج - ........" . الحقيقة من سعادتي نزلت الشباك و اتكلمت مع الشاب اللي سايقها. كان برضه سعيد جدا بالعربية. فأنا حسيت ان العربية دي اخيرا بادئة تشد حيلها. و انا اعتقد انه كان منظر جميل و غريب ان العربية دي اللي فيه ناس كتيرة مش عارفينها اصلا تلاقي اتنين منها ماشيين جنب بعض عالطريق و بالصدفة البحتة
و ان شاء الله خلال ايام هاكلمكم عن تجربتي مع الألف كيلو الأولى للسيلفي بس بعد ما اطلع مشوار اسكندرية علشان احكيلكم على الشد و استهلاك البنزين.
مع تحياتي
د.عيد
ملحوظة لمشرف المنتدي
انا نسيت احط الليفينا في الاستطلاع، و مش عارف ازودها ازاي. ممكن سيادتك تزودهالي و لك الشكر

**AhmadKamal** · 31-03-2010 12:08 AM

Hello Dr. Eid,

I hope U r fine and doing well,

In fact, I wish to have a Sylfy, but as U know I just bought a Tiida, and I am going to change my Car, The Sunny, @ 2012 or 2013 ISA, as I am planning

I see a Sylfy a lot in Dokki and Mohandeseen,

Also I see it a lot in Alsab3, when I was having the 1000 Km MTC @ alsab3 for the Tiida, I saw it there, someone left it for a couple of days, I do not know why, anyway

How about the car now with U?
I know that it is the same as the Tiida, I mean same engine and gear box and other stuff

As I told U before, I saw it in Trinindad and Tobago , 14 months ago,

there were about 10 cars there, taking into account that the Nissan car prevails there, but the most car there is the Nissan Almera, which we know here as Nissan Sunny

The country there got mountains and hills everywhere and they say there that the Nissan's engines are the only good engine for these stuff

I was very proud of my Sunny @ that time and I admired it a lot when I returned back

Thank U and sorry for the long reply

Cheers

**Ahmed.TV** · 31-03-2010 01:18 AM

وانا معاكم ... وانت سبقتنى والله انا كنت لسة بفكر اصلا افتح موضوع واعمل رابطة لملاك التيدا والله , اصل انا متغاظ من ملاك النيسان صنى بسم الله ماشاء الله كتير جدا , انا بهزر طبعا دول حبايبنا بردوا اكيد
فالقيتك انت سبقت بالخير وفتحت الموضوع وعملته اشمل من اللى كنت حعمله ,وضفت فيه الاكس تريل والبلوبيرد ووياريت نحط معاهم الليفينا

واتمنى اننا نشارك ببياناتنا عشان نتعرف على بعض اكثر ولو حبينا نتجمع فى اى وقت ميكنش فى صعوبة

بياناتى وبيانات عربيتى:

الاسم : احمد مصطفى

الاقامة: مصر- بولاق ابو العلا و حدائق الاهرام

الوظيفة: محرر فى مركز المعلومات ودعم اتخاذ القرار فى التليفزيون

العرببية: نيسان تيدا سيدان

الموديل : 2009

الكيلوهات : 19 الف كيلو

اللون: رمادى

الملاحظات على السيارة :
لسه بجهز تقرير عن الملاحظات لان السيارة لسه معايا بقالها اسبوع ومبدئيا معنديش غير كلمة واحدة وهى انها عربية اكثر من رائعة وعملية جدا وبرستيج وفخمة جدا

التوكيل :
الصيانة بتعتها كانت فى توكيل مودرن مع انى مش روحت عملت لسه بس اللى كنت شاريها منه بيشكر فيهم , ويعتبر التوكيل الوحيد اللى بيبع عنده اكسسورات للتيدا

وفى انتظار تعارف باقى اعضاء التيدا والبلوبيرد والاكس تريل والليفينا

**Ahmed.TV** · 31-03-2010 02:12 PM

الله يخليك ويبارك فيك يا استاذ احمد ويشرفنى انى اتعرف علي حضرتك لانك انسان محترم

وفى انتظار باقى الاعضاء المحترمين عشان نتعرف عليهم اكتر ويشاركوا معانا

**doctor_eid** · 31-03-2010 07:48 PM

السلام عليكم
شكرا لأحمد كمال
و مبروك لأحمد مصطفي
انا و انا باعمل الصيانة لقيت التيدا واقفة في صالة العرض
فبصيت عليها تاني بتمعن
و حسيت انها من جوه تقريبا هي هي السيلفي.
مع فروق بسيطة
التابلوه متشابه جدا، و الاتساع برضه بس فيه فرق شوية في الخامات الداخلية لصالح السيلفي
و كمان طبعا الشكل الخارجي
احب اقول اني طولي 180 سم و لما كنت في السعودية من سنة في شغل، ركبت تيدا من ورا في مشوار. تخيلوا اني كنت حاطط رجل على رجل بجد مش تشبيه.
ده يديكوا فكرة عن وسع العربية الجميلة دي.
و لولا المدام كنت رحت اشتريت تيدا و وفرت الفرق بس شكل التيدا ما كنش عاجبها.
عموما احنا و التيدا واحد.
بالنسبة للأخ Largeman شنطة الصني (قريت في مكان هنا في المنتدى 530 لتر) اكبر من شنطة التيدا (467 لتر) اما شنطة السيلفي فهي (504 لتر). و لكن زي ما قلت اتساع التيدا و السيلفي الحقيقي في الصالون.
مش عايز اتكلم اكتر علشان اسيب حاجة اقولها في تقرير السيلفي.
د. عبدالسلام عيد
استاذ مساعد جراحة العظام
طب الزقازيق

-

مشاهدة نتائج الإستطلاع: هل عندك سيارة نيسان غير الصني

الموضوع: احنا كام واحد من ملاك نيسان(تيدا -ليفينا -بلوبيرد -اكس تريل)

LinkBack

أدوات الموضوع

عرض

-

-

-

-

المواضيع المتشابهه

احنا كام واحد من ملاك الصنى فى المنتدى؟

رابطة ملاك نيسان ليفينا

نيسان تيدا ولا نيسان بلوبيرد :ارجو الاجابه سريعا

أهم موضوعات نيسان (تيدا + ليفينا + بلوبيرد + قاشـقاى ) من تجارب الاعضاء

رابطة ملاك السيراتو - احنا كام واحد ؟؟

الكلمات الدلالية لهذا الموضوع

المفضلات

المفضلات

ضوابط المشاركة